Posts tagged as "Bousculade"

ឈុតឆាក បានកើតឡើងតាំងពីថ្ងៃទី៣ ខែសីហា ឆ្នាំទៅម៉ិញ នៅក្នុងទីលានមួយ នៃក្រុង មីស្លាតា (Mislata) នៃ​ប្រទេសអេស្ប៉ាញ ប៉ុន្តែវីដេអូគ្រប់ជ្រុង ទើបនឹងត្រូវបានគេកាត់ត ដាក់បញ្ចូលគ្នា ហើយយកមកបង្ហោះ កាល​ពី​ម្សិលម៉ិញនេះប៉ុណ្ណោះ។ គោឡើងក ដែលមានស្នែងដុតឆេះ ដោយអណ្ដាតភ្លើង ដ៏សន្ធោសន្ធៅ បានបញ្ចេញ​កំហឹងរបស់វា«មែនទែន» ទល់នឹងបុរសម្នាក់ ដែលចេះតែមកលលេង ឌឺដង់ ញាក់មុខមាត់ដាក់វា។

បុរសនោះបានគេចខ្លួន ឡើងទៅលើជណ្ដើរ កណ្ដាលទីលាន ដែលដាក់សម្រាប់សម្ដែងឈុតឆាកនេះ តែគោ​ឡើងក បានទៅទាន់ពីក្រោយ ហើយបានគាស់បុរស ត្រូវមួយស្នែងឆេះភ្លើង ប៉ើងខ្ទាតឡើងវិលបួនប្រាំត្រឡប់ ធ្លាក់មកខាងក្រោយវិញ។ ហេតុការណ៍នេះ បង្កឲ្យបុរសដួលដេកនៅនឹងដី ស្ងាត់មាត់ឈឹង រហូតលុះត្រា​មាន​ក្រុមអ្នកជួយសង្គ្រោះ បានចូលមកអូសចេញ ដោយខ្លាចគោ តូរ៉ូ ត្រឡប់មកបង្ហើបមួយស្នែងទៀត៕

ដើម្បីគោរពទៅដល់ជនរងគ្រោះ ប្រពៃណីបុណ្យ ស៊ាំងពែរ (Sant Pere) ក្នុងក្រុង ហ្គ្រាវ ឌី កាស្ទែយ៉ុង (Grao de Castellón) ប្រទេសអេស្ប៉ាញ ត្រូវបានផ្អាកជាបណ្ដោះអាសន្ន។ កាលពីថ្ងៃចន្ទ បុរសម្នាក់អាយុ៥៤ឆ្នាំ បាន​រង​គ្រោះស្លាប់បាត់បង់ជីវិត បន្ទាប់ពីត្រូវបានគោឡើងក តូរ៉ូ ជល់នឹងស្នេង ហើយបានឆ្កឹះគ្រវ៉ាត់បុរសនេះ ប៉ើង​ខ្ទាត​ពីដី។

ដូចនៅក្នុងវីដេអូខាងលើ បុរសម្នាក់នេះ ត្រូវបានគោតូរ៉ូ ឆ្កឹះគ្រវាត់ឡើងទៅលើ យ៉ាងរន្ធត់។ ហេតុការណ៍បាន​បណ្ដាលឲ្យបាក់ឆ្អឹងជំនី ហើយក្រុមគ្រូពេទ្យ មិនអាចធ្វើអ្វីបាន ដើម្បីជួយបុរសនេះបានឡើយ។ តែនៅមុន​ហេតុការណ៍នេះ បុរសមានរបួស នៅនឹងដៃខាងឆ្វេង របស់ខ្លួនរួចហើយ។

សម្រាប់ប្រទេសអេស្ប៉ាញ ពិធីបុណ្យនេះ ជាប្រពៃណីមួយ។ ប៉ុន្តែសម្រាប់ប្រទេសដទៃទៀត ការយកជីវិត​របស់​ខ្លួន ទៅដាក់ប្រឈមនឹងសត្វតិរច្ឆាន ដ៏មានកម្លាំងខ្លាំង ដូចយ៉ាងគោឡើងកនេះ វាជារឿងពិបាកទទួល​យក និងគួរឲ្យតក់ស្លុតណាស់។ កាលពីថ្ងៃទី២៦ [...]

នៅក្នុងពិធីបុណ្យជាប្រពៃណីមួយ របស់ប្រទេសប្រេស៊ីល គេបានយកមនុស្ស មកដើរតួជំនួសឲ្យគោឡើងក (Toro) ដើម្បីឲ្យអ្នកមិនធ្លាប់ស្គាល់ ពីល្បែងនេះ ជាពិសេសកុមារ អាចស្គាល់រស់ជាតិ និងសាកល្បងហ្វឹកហាត់ជាមួយ។

នៅក្នុងវីដេអូ បានបង្ហាញពីវគ្គ នៃការភ្លក្សរសជាតិ គោឡើងក នៅក្នុងពិធីបុណ្យ ហើយពេលនេះ ត្រូវដល់វេន កុមារ​តូច​ម្នាក់។ កុមារបានឡើងលើខ្នង បុរសម្នាក់ វាជើងពីរ ដៃពីរ ដែលត្រូវដើរតួ ជំនួសគោឡើងក។ បុរសនោះ មាន​បំពាក់​ដោយ​ខ្សែរទាញមួយ ដើម្បីឲ្យអ្នកជិះពីលើខ្នង អាចចាប់តោងបាន។

ប៉ុន្តែរឿង ដែលមិននឹកស្មានដល់ ជាពិសេស ពីសំណាក់ម្ដាយឪពុកកុមារនោះ គឺបុរសមិនបានគិតថា នេះជាកុមារតូច​ម្នាក់នោះទេ តែបានក្រឡុក និងគ្រវាត់ពេញមួយទំហឹង ដូចគោឡើងកមែនទែន រហូតលុះត្រាកុមារ បានធ្លាក់ពីខ្នងខ្លួន។

សូមបញ្ជាក់ដែរថា នៅក្នុងប្រទេសភាគច្រើន នៅទ្វីបអាមេរិកខាងត្បូង កុមារជាច្រើនតែងស្រម័យចង់ក្លាយ ជាអ្នក​គង្វាល នៃគោឡើងក [...]