កីឡាករ​បាល់ទាត់​ប្រេស៊ីល​ម្នាក់​ត្រូវ​បាន​រក​ឃើញ​ស្លាប់​ជិត​ដាច់ក និង​ដាច់​លិង្គ

ខ្សែបម្រើជាតិប្រេស៊ីល កីឡាករ «Daniel Correa Freitas» ត្រូវបានរកឃើញស្លាប់ កាលពីចុងសប្ដាហ៍នេះ។ កកីឡាករត្រូវបានកាត់យ៉ាងជ្រៅ សឹងតែធ្វើឲ្យក្បាល ដាច់ចេញពីស្មារទៅហើយ ខណៈលិង្គកីឡាករ ត្រូវបានកាត់ផ្ដាច់ទាំងស្រុង។
កីឡាករ​បាល់ទាត់​ប្រេស៊ីល​ម្នាក់​ត្រូវ​បាន​រក​ឃើញ​ស្លាប់​ជិត​ដាច់ក និង​ដាច់​លិង្គ
កីឡាករ «Daniel Correa Freitas» កាលពីពេលនៅមានជីវិត និងទិដ្ឋភាពស៊ើបអង្កេត របស់នគរបាលប្រេស៊ីល នៅនឹងកន្លែងដែលរកឃើញសាកសព។ (រូបថតផ្តិតពីវីដេអូ)
Loading...
  • ដោយ: មនោរម្យ.អាំងហ្វូ ([email protected]) - ប៉ារីស ថ្ងៃទី៣១ តុលា ២០១៨
  • កែប្រែចុងក្រោយ: October 31, 2018
  • ប្រធានបទ: ឧក្រិដ្ឋកម្ម
  • អត្ថបទ: មានបញ្ហា?
  • មតិ-យោបល់

កីឡាករ «Daniel Correa Freitas» អាយុ ២៤ឆ្នាំ ជាកីឡាកររបស់ក្រុម «Sao Paulo - ប្រេស៊ីល» តែត្រូវបានក្រុម «Sao Bento - ប្រេស៊ីល» ខ្ចីយកទៅទាត់ឲ្យខ្លួន តាំងពីឆ្នាំទៅម៉ិញ។

នគរបាលប្រេស៊ីលបានអះអាងថា សាកសពកីឡាករត្រូវបានរកឃើញ នៅក្នុងព្រៃល្បោះមួយ ក្បែរភូមិ «Sao José dos Pinhais» ដែលស្ថិតនៅជាយក្រុង «Curitiba» ស្ថិតនៅ​ភាគ​ខាងត្បូង​ប្រទេស។ ខ្សែបម្រើរូបនេះ ត្រូវបានសម្លាប់ដោយអារក យ៉ាងជ្រៅរហូតធ្វើឲ្យក្បាល សឹងតែដាច់ចេញពីស្មារទៅហើយ។ ដោយឡែក លិង្គរបស់កីឡាករ ត្រូវបានកាត់ផ្ដាច់ទាំងស្រុង។

អាជ្ញាធរអះអាងថា ការស៊ើបអង្កេតរបស់ខ្លួន បានឈានដល់កម្រិតមួយ ស៊ីជម្រៅហើយ តែបដិសេធមិនបញ្ចេញឲ្យដឹង ពីមូលហេតុ និងឃាតករ ដែលប្រព្រឹត្តិទង្វើខាងលើនេះទេ។

យ៉ាងណា ប្រព័ន្ធផ្សព្វផ្សាយក្នុងស្រុក បានរាយការណ៍ថា កីឡាករទំនងជាត្រូវបានសម្លាប់ ដោយស្វាមីរបស់ស្ត្រីម្នាក់ ដែលកីឡាករមានទំនាក់ទំនង «ពិសេស» ជាមួយ រហូតមកដល់សព្វថ្ងៃ។ សារព័ត៌មាន «Banda B» ថែមទាំងអះអាងទៀតថា ការធ្វើទារុណកម្ម ត្រូវបានអនុវត្តន៍ មុននឹងកីឡាករ​ត្រូវបានសម្លាប់។

ក្រុមបាល់ទាត់ «Sao Paulo» ក៏ដូចជាក្រុម «Sao Bento» សុទ្ធតែធ្វើការ​ឧទ្ទិស​វិញ្ញាណក្ខន្ធ ទៅដល់កីឡាករផងខ្លួន ដោយបានរក្សាភាពស្ងប់ស្ងៀម ក្នុងរយៈពេលមួយនាទី នៅមុនការហ្វឹកហាត់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...