Posts in ‘របាំ ល្ខោន’ Category

ពីចំណោមផ្ទាំងទស្សនីយភាពចម្រុះទាំងនោះ នឹងមានរបាំមួយចំនួន ដែលសំដែងដោយសមាគមខ្មែរមួយ និងចម្រៀងមួយបទ ដែលបកស្រាយដោយអ្នកនាង ម៉េង កែវពេជ្ជតា កំពូលតារាចម្រៀង ពីប្រទេសកម្ពុជា។ កម្មវិធីនេះ នឹងមានការសំដែង របាំមួយចំនួនទៀត របស់សមាគមឥណ្ឌា និងបង់ក្លាដេស ដោយមានការតាំងពិពណ៌សិល្បៈនោះផង។

កម្មវិធីនឹងចាប់ផ្ដើម នៅម៉ោង១៨ (បើកទ្វាសម្រាប់ទស្សនិកជន នៅម៉ោង ១៧ និង៤៥នាទី) ថ្ងៃសៅរ៍ទី២១ ខែមេសា ឆ្នាំ២០១៨ ក្នុងសាលារដ្ឋធានីប៉ារីស (Hôtel de Ville de Paris)។

ម្ចាស់គម្រោង ក្រុមប្រឹក្សាជាន់ខ្ពស់ នៃជនជាតិអាស៊ី ក្នុងប្រទេសបារាំង (Haut Conseil des Asiatiques de France - HCAF) បានអះអាងថា ដើម្បីចូលរួមអបអរសាទរ បុណ្យចូលឆ្នាំថ្មី ប្រពៃណីរបស់បណ្ដាប្រទេសមួយចំនួន នៅអាស៊ីខាងត្បូង ក្រុមប្រឹក្សាធ្លាប់បានរៀបចំ ការបង្ហាញទស្សនីយភាពរបៀបនេះ ក្នុងឆ្នាំ២០១៦ម្ដងហើយ ហើយពេលនោះ ខ្លួនទទួលបានលទ្ធផលជោគជ័យ យ៉ាងត្រចេះត្រចង់។ [...]

នាពេលថ្មីៗនេះ តារាចម្រៀង ប្រចាំផលិតកម្មរស្មីហង្សមាស ដ៏មានប្រជាប្រិយភាព និងមានភាពល្បី​ពេញ​ប្រទេសកញ្ញា ឱក សុគន្ធកញ្ញា បានធ្វើឲ្យទស្សនិជនយ៉ាងច្រើន សំដែងការភ្ងាក់ផ្អើលយ៉ាងខ្លាំង ដោយ​សារ​តែកញ្ញាបានបង្ហាញសមត្ថភាព រាំរបាំបុរាណ បានយ៉ាងល្អនៅក្នុងកម្មវីធីមួយ របស់ទូរទស្សន៍ហង្សមាស។

អ្នកទាំងនោះ ធ្លាប់តែឃើញកញ្ញារាំ បទបម្រៀងសម័យទំនើប ទៅតាមសង្គមសម័យថ្មី និងតាមការ ពេញ​និយម របស់យុវវ័យសម័យ ឬតាមចិត្តរបស់អ្នកគាំទ្រ។ ប៉ុន្តែពេលនេះ កញ្ញាបានបង្កើតចំណីអារម្មណ៍ថ្មី​មួយ​ទៀត ទៅដល់អ្នកគាំទ្រ និងទស្សនិជនដែលទស្សនាផ្ទាល់ និងមិនផ្ទាល់ តាមរយះកម្មវីធីរបស់​ទូរទស្សន៍​ហង្សមាស ដោយរាំរបាំពត់ពេន តាមភ្លេងដោយមានទឹកមុខយ៉ាងប្រិមប្រិយ។

នៅលើបណ្តាញសង្គមវិញ កំពូលតារាចម្រៀង វ័យ ២៨ឆ្នាំ ក៏ត្រូវបានអ្នកផងនាំគ្នាសរសើរ មិនដាច់ពីមាត់ថា កញ្ញាមានសមត្ថភាពណាស់ ខាងផ្នែកសិល្បៈ មិនត្រឹមតែមានសំនៀង ច្រៀងបានពិរោះ [...]

ប្រសិនបើនៅកម្ពុជា គេឧស្សាហ៍បានឃើញ ល្ខោនឈុតឆាកជាច្រើន បានរំលឹកទៅដល់អតីត​ព្រះមហាក្សត្រ​ធំៗ ដូចយ៉ាងព្រះបាទ ជ័យវរ្ម័នទី៧ ជាដើមនោះ នៅប្រទេសប៊ែលហ្សិកឯណេះ ក៏មានការប្រារព្ធខួប២០០ឆ្នាំ នៃចម្បាំងដ៏ធំមួយ នៅវ័ធើឡូ ដែលរំលឹកទៅដល់អធិរាជបារាំង ក្នុងសម័យមុនៗនោះដែរ។ ឈុតឆាកធ្វើ​ឡើង​វិញ ដោយពិតៗ នៅលើទីលានប្រយុទ្ធ វ័ធើឡូ ត្រូវបានបង្កើតឡើង ដោយផ្ទាល់ នៅក្រោមការទស្សនា​យ៉ាង​ជក់ចិត្ត ពីមហាជនមិនតិចជាង ៧ម៉ឺននាក់ឡើយ។

ការប្រារព្ធខួបនេះ បានប្រព្រឹត្តិទៅ កាលពីថ្ងៃសុក្រ ទី១៩ ខែមិថុនា ឆ្នាំ២០១៥នេះ ជាមួយនឹងអ្នកចូលរួម​សម្ដែង​ប្រមាណជា ៦០០០នាក់ (មកពីច្រើនជាតិសាសន៍) និងសេះ ៣០០ក្បាល ព្រមទាំងកាណុង​កាំភ្លើង​តូចធំ ដែលបាញ់ចេញតែ​ភ្លើង និងផ្សែង (មិនអាចបាញ់ចេញ ជាគ្រាប់មែនទែនទេ ព្រោះវាមិនមែន ជា​ចម្បាំង​មែនទែនឡើយ សូមកុំ​ច្រឡំ) នោះទៀត។ ការបង្កើតចម្បាំងនេះឡើងវិញ គឺចង់បង្ហាញពីអធិរាជ ព្រះចៅ ណាប៉ូឡេអុង របស់ប្រទេស​បារាំង [...]

ទម្លាប់ជា«ប្រពៃណី» របស់អគ្គមគ្គទេសក៍ជាន់ខ្ពស់ របស់ប្រទេសកុម្មុយនីស កូរ៉េខាងជើង ដែលត្រូវបានបញ្ឈប់ លែង​ឲ្យ​ប្រារព្ធ នៅខែធ្នូឆ្នាំ២០១១ បន្ទាប់ពីមរណភាព របស់«កូនបីតាជាតិ» លោក គីម ជុងអ៊ីល (Kim Jong-il) នោះមក ទើប​តែ​ត្រូវបានបើក ឲ្យមានឡើងវិញ ដោយ«ចៅបីតាជាតិ»ដ៏មហិមា លោក គីម ជុងអ៊ុន (Kim Jong-un) នៅពេលនេះ។ អគ្គមគ្គទេសក៍​​វ័យក្មេង ទើបនឹងបញ្ជាឲ្យបង្កើតឡើងវិញ នូវ«ក្រុមកំសាន្ដ» ដាក់ក្បែរខ្លួនលោក ដោយប្រមូល ជ្រើស​យក​ស្ត្រីៗ មកពីគ្រប់ទិសទីទាំងអស ក្នុងប្រទេស មកដាក់ចូលជាសមាជិក។ នេះបើតាម សារព័ត៌មាន​អង់គ្លេស «The Telegraph» ដែលបានស្រង់ប្រភពព័ត៌មាន ពី​ប្រទេស​កូរ៉េ​ខាងត្បូង បានធ្វើរបាយការណ៍លំអិត ពីអាថ៌កំបាំងដ៏រសើប។

«ក្រុមកំសាន្ដ» ដែលមានសមាសភាព ពោរពេញដោយ ស្ត្រីក្មេងៗស្អាតៗ រាប់បញ្ចូលទាំងអ្នកចំរៀង អ្នកភ្លេង ទាំងអ្នក​របាំនោះ ត្រូវទទួលបន្ទុក កំដរនូវការហត់នឿយ ទាំងឡាយ របស់មេដឹកនាំជាន់ខ្ពស់ [...]

ទម្រង់សិល្បៈល្ខោនបុរាណ មានចំនួន២៤ទម្រង់ ក្នុងចំណោម២៤បួនទម្រង់នេះ ប្រជាពលរដ្ឋខ្មែរ ជាពិសេសយុវជន ស្គាល់យ៉ាងច្រើនណាស់តែមួយ ទៅពីរទម្រង់តែប៉ុណ្ណោះ ហើយយុវជនខ្លះទៀត ស្ទើរតែមិនស្គាល់ នូវទម្រង់សិល្បៈ​ល្ខោន​នោះទេ ដែលបញ្ហានេះហើយ បានធ្វើល្ខោនខ្មែរ ប្រឈមនឹងការបាត់បង់។ ជាងនេះទៅទៀត ល្ខោនខោល ដែល​ក្រសួងវប្បធម៌ និងវិចិត្រសិល្បៈ គ្រោងបញ្ចូល ជាបេតិកភ័ណ្ឌពិភពលោក ក៏កំពុងតែប្រឈមមុខ នឹងការបាត់បង់ ដោយ​សារតែគ្មានការចាប់អារម្មណ៍ ពីយុវជនជំនាន់ក្រោយ។

ថ្លែងនៅក្នុងសន្និសីទកាសែត នៅថ្ងៃទី២៣ មីនានេះ លោក ហង្ស ភូមិរ៉ា ប្រធានដឹកនាំសិល្បៈ ក្នុងកម្មវិធីតាំងពិព័រណ៍​ស្នាដៃ និងអនាគត និងជាសមាជិក ក្រុមរីកសាយ បានលើកឡើងថា មូលហេតុដែលនាំឱ្យល្ខោនខោល ប្រឈមនឹងការ​បាត់បង់នេះ ដោយសារមិនមានការអើពើ អំពីទម្រង់នៃល្ខោន ហើយមិនមែន តែទម្រង់ល្ខោនខោលទេ ដែលបាត់បង់ សូម្បីតែទម្រង់ល្ខោនមួយចំនួនទៀត ក៏ប្រឈមនឹងការបាត់បង់ផងដែរ។ ទម្រង់ល្ខោន [...]