Posts tagged as "Sek Bunhok"

អ្នក​ជំនាញ អ.ស.ប៖ «ការ​អំពាវនាវ​ឲ្យ​ធ្វើ​ពហិការ​មិន​ទៅ​​បោះឆ្នោត មិន​ខុស​ច្បាប់​ទេ»

អ្នក​ជំនាញ អ.ស.ប៖ «ការ​អំពាវនាវ​ឲ្យ​ធ្វើ​ពហិការ​មិន​ទៅ​​បោះឆ្នោត មិន​ខុស​ច្បាប់​ទេ»

ការថ្លែង​​របស់ប្រធាន​គណៈកម្មការជាតិ​រៀបចំ​ការបោះឆ្នោត (គ.ជ.ប) លោក ស៊ិក ប៊ុនហុក កាលពីពេលថ្មីៗ ស្វែងរកការចាត់វិធានការផ្លូវច្បាប់ ទៅលើនរណាក៏ដោយ ដែលអំពាវនាវ ឲ្យធ្វើពហិការមិនទៅបោះឆ្នោតនោះ បានរងប្រតិកម្មខ្លាំងៗមកវិញ ពីសំណាក់អ្នកជំនាញ ផ្នែកសិទ្ធិមនុស្ស របស់អង្គការសហប្រជាជាតិ។ ក្រុមអ្នកជំនាញ ដែលរួមមានទាំងអ្នកស្រី រ៉ូណា ស្មីត (Rhona Smith) អ្នករាយការណ៍ពិសេស​ អង្គការសហប្រជាជាតិ ស្ដីពីបញ្ហាសិទ្ធិមនុស្ស​នៅកម្ពុជានោះផង បានចាត់ទុកការអំពាវនាវ ឲ្យធ្វើពហិការនោះ ថាជាការទុកឲ្យពលរដ្ឋ ជាអ្នកសម្រេចដោយសេរី នៃការត្រូវទៅ​​ចូលរួមបោះឆ្នោត ឬមិនត្រូវទៅ។

សេចក្ដីថ្លែងការណ៍មួយ ចេញផ្សាយនៅមុននេះបន្តិច ពីទីស្នាក់ការអង្គការសហប្រជាជាតិ ផ្នែកសិទ្ធិមនុស្ស ដែលមានទីតាំងនៅក្រុង ហ្សឺណែវ ប្រទេសស្វីស បានបញ្ជាក់ថា «តាមច្បាប់កម្ពុជា ការបោះឆ្នោតមិនមែនជាកាតព្វកិច្ចទេ» ហើយបានហៅ​ការអំពាវនាវ [...]

គ.ជ.ប ព្រមាន LDP រឿង​ឆ្លៀត​​ឱកាស​ឃោសនា ក្នុង​ថ្ងៃ​«ស»

គ.ជ.ប ព្រមាន LDP រឿង​ឆ្លៀត​​ឱកាស​ឃោសនា ក្នុង​ថ្ងៃ​«ស»

«គណបក្សសម្ព័ន្ធដើម្បីប្រជាធិបតេយ្យ (LDP) ត្រូវបញ្ឈប់ជាបន្ទាន់ ចំពោះការផ្សព្វផ្សាយឃោសនា ដែលផ្ទុយពីច្បាប់បោះឆ្នោត» ឬបើមិនដូច្នោះទេ គណៈកម្មាធិការជាតិរៀបចំការបោះឆ្នោត (គ.ជ.ប) នឹងចាត់វិធានការតាមផ្លូវច្បាប់។ នេះ ជាការព្រមានចុងក្រោយមួយ ពីសំណាក់ គ.ជ.ប ធ្វើទៅកាន់គណបក្សជួង ដឹកនាំដោយលោក ខឹម វាសនា។

ក្នុងលិខិតមួយ ផ្ញើរទៅជូនលោក ខឹម វាសនា ប្រធានគណបក្ស ដែលចុះហត្ថលេខាដោយប្រធាន គ.ជ.ប លោក ស៊ិក ប៊ុនហុក ក្នុងថ្ងៃទី៤ ខែមិថុនានេះ និងដែលទើបនឹងធ្លាក់ មកដៃអ្នកសារព័ត៌មាន បានឲ្យដឹងថា ស្ថាប័នជាតិរៀបចំការបោះឆ្នោត បានសង្កេតឃើញ នៅថ្ងៃហាមឃាត់នៃការធ្វើសកម្មភាពឃោសនាបោះឆ្នោត ឬហៅថា «ថ្ងៃស» គណបក្សសម្ព័ន្ធដើម្បីប្រជាធិបតេយ្យ បាន«ប្រើប្រាស់ប្រព័ន្ធអនឡាញ (Online)» ធ្វើការផ្សព្វផ្សាយវាយប្រហារ ទៅលើគណបក្សផ្សេងទៀត។

គ.ជ.ប បានចាត់ទុកសកម្មភាពខាងលើនេះ របស់ក្រុម«ទ័ពជួង» ជា«ការរំលោភច្បាប់» ដោយហេតុថា [...]

គ.ជ.ប និង​ក្រសួង​មហាផ្ទៃ៖ កន្ទុយ​សន្លឹក​មាន​ត្រា PEC អាច​បោះ​ឆ្នោត​បាន

គ.ជ.ប និង​ក្រសួង​មហាផ្ទៃ៖ កន្ទុយ​សន្លឹក​មាន​ត្រា PEC អាច​បោះ​ឆ្នោត​បាន

ជាសេចក្ដីណែនាំរួម រវាងក្រសួងមហាផ្ទៃ និងគណៈកម្មាធិការជាតិរៀបចំការបោះឆ្នោត (គ.ជ.ប) ដែលធ្លាក់មកដល់ នៅតែ៣ថ្ងៃ មុនការបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅថ្ងៃអាទិត្យនេះ។

សេចក្ដីណែនាំរួម ដែលមានចុះហត្ថលេខា ដោយលោក ស៊ិក ប៊ុនហុក ប្រធាន គ.ជ.ប និងលោក ស ខេង រដ្ឋមន្ត្រីមហាផ្ទៃ បានសរសេរថា ដោយមើលឃើញ ពីភាព​លំបាក របស់ប្រជាពលរដ្ឋ ក្នុងការទៅស្នើសុំឯកសារ បញ្ជាក់អត្តសញ្ញាណ បម្រើឲ្យការបោះឆ្នោត និងក្នុងគោលបំណង ជួយសម្រួលដល់ប្រជាពលរដ្ឋ ដែលបានប្រើប្រាស់ឯកសារបញ្ជាក់អត្តសញ្ញាណ ក្នុងពេលចុះឈ្មោះ​បោះឆ្នោត ក្នុងបញ្ជីបោះឆ្នោតឆ្នាំ២០១៦ មានឯកសារ​បញ្ជាក់​អត្តសញ្ញាណ​សម្រាប់ការបោះឆ្នោត ក្រសួងមហាផ្ទៃ និង គ.ជ.ប បានធ្វើការណែនាំ ឲ្យអនុវត្តនីតិវិធីបន្ថែម អំពីការស្នើសុំ និងការចេញឯកសារបញ្ជាក់​អត្តសញ្ញាណ បម្រើឲ្យបោះឆ្នោត ដូចខាងក្រោម៖

១) ប្រជាពលរដ្ឋ​ដែលបានចុះឈ្មោះ​បោះឆ្នោត ឆ្នាំ២០១៦ [...]

ពលរដ្ឋ ថា​ការ​ចុះ​ឈ្មោះ​បោះ​ឆ្នោត​ថ្មី «ងាយ​ស្រួល និង​សុក្រិត្យ»

ពលរដ្ឋ ថា​ការ​ចុះ​ឈ្មោះ​បោះ​ឆ្នោត​ថ្មី «ងាយ​ស្រួល និង​សុក្រិត្យ»

ប្រជាពលរដ្ឋដែលបានចូលរួម ក្នុងការចុះឈ្មោះបោះឆ្នោត តាមប្រព័ន្ធបច្ចេកវិទ្យាកំព្យូទ័រ ដ៏ទំនើបនេះ បាន​ថ្លែងថា វាមិនមានការលំបាក និងចំណាយពេលវេលាច្រើនឡើយ បើសិនជាពលរដ្ឋ ដែលគ្រប់អាយុ​បោះ​ឆ្នោត មានឯកសារគ្រប់គ្រាន់ មកជាមួយនោះ។

ពលរដ្ឋមកពីសង្កាត់ផ្សារដើមថ្កូវ លោក ហេង មានគាង បានថ្លែងទៅកាន់អ្នកយកព័ត៌មាន ឲ្យដឹងថា ឯកសារ​ដែលសំខាន់ជាងគេនោះ គឺ «អត្តសញ្ញាណបណ្ណ»។ លោកថា អត្តសញ្ញាណបណ្ណថ្មី ជាឯកសារមួយ ដែល​មានតម្លៃគ្រប់គ្រាន់ សម្រាប់ធ្វើការ​ចុះឈ្មោះបោះឆ្នោតបាន ដែលពីមុន ត្រូវមានអ្នកធានាជាដើម។ លោកថា «ការចុះឈ្មោះថ្មីនេះ ងាយស្រួលជាងគេ ព្រោះគេវាយចូលកុំព្យូទ័រ ហើយយើង អាចផ្ទៀងផ្ទាត់ឈ្មោះ​ខ្លួន​ឯង​ភ្លាមៗ នោះតែម្តង ដើម្បីឲ្យដឹងពីថ្ងៃខែឆ្នាំកំណើត និងឈ្មោះយើងខុស ឬត្រូវ។ (...) ពីមុនគេសរសេរ មិន​បាន​បង្ហាញយើង ហើយយើង ក៏មិនអាចមើល ដល់ចឹងទៅ វាអាចងាយនឹងខុសដែរ។»

ពលរដ្ឋម្នាក់ទៀត លោក ហោ លឺម [...]

គ.ជ.ប៖ ១៥ថ្ងៃ​នៃ​ការ​ចុះ​ឈ្មោះ​បោះ​ឆ្នាត​សាក​ល្បង តាម​ប្រព័ន្ធ​កុំព្យូទ័រ

គ.ជ.ប៖ ១៥ថ្ងៃ​នៃ​ការ​ចុះ​ឈ្មោះ​បោះ​ឆ្នាត​សាក​ល្បង តាម​ប្រព័ន្ធ​កុំព្យូទ័រ

ក្នុងកិច្ចសម្ភាសជាមួយអ្នកសារព័ត៌មាន កាលពីថ្ងៃទី១ ខែវិច្ឆិកា ឆ្នាំ២០១៥កន្លងមកនេះ មន្ត្រីជាន់ខ្ពស់ គ.ជ.ប បានលើកឡើងថា គ.ជ.ប បានកំណត់រយៈពេល ត្រឹមតែ១៥ថ្ងៃប៉ុណ្ណោះ សម្រាប់ធ្វើការចុះឈ្មោះសាកល្បង តាមប្រព័ន្ធកុំព្យូទ័រ ជាលើកដំបូងនេះ។ ហើយវាជា «ទិន្នន័យ» យ៉ាងសុក្រឹតមួយ នៃបញ្ជីឈ្មោះសាកល្បង ដោយ​គ្មានអ្នកណាម្នាក់ អាចលួចបន្លំ ឬលួចកែបានឡើយ។

ដោយចាប់រាប់ ពីថ្ងៃទី១ ខែវិច្ឆិកា រយៈពេលសាកល្បង១៥ថ្ងៃ នៃការចុះឈ្មោះ តាមបែបបច្ចេកវិទ្យាទំនើបនេះ ទាំងលោក លោក ស៊ិក ប៊ុនហុក ប្រធាន និងលោក គួយ ប៊ុនរឿន អនុប្រធាន គ.ជ.ប សុទ្ធតែបានអះអាង​ដូច​គ្នាថា ការបោះឆ្នោតតាមប្រព័ន្ធទំនើបនេះ វានឹងកាត់បន្ថយ នូវភាពចម្រូងចម្រាស សម្រាប់ការបោះឆ្នោត អាណត្តិ​ក្រោយៗទៀត ហើយអាចប្រើប្រាស់វា ជាគោលការណ៍គ្រឹះ។

ស្ថិតក្រោមកំដៅថ្ងៃ ដោយមានអង្គរក្សបាំងឆ័ត្រផងនោះ ប្រធាន គ.ជ.ប លោក ស៊ឹក ប៊ុនហុក បានថ្លែងថា ការចុះឈ្មោះបោះឆ្នោតក្រុមប្រឹក្សា [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...