រូបភាព​ធ្លាក់​ឧទ្ធម្ភាគចក្រ​ដែល​សម្លាប់​អតីត​ម្ចាស់​ក្រុម​ ឡីឆេស្ទ័រ

វីដេអូមួយខាងក្រោមនេះ ដែលត្រូវបានប្រព័ន្ធផ្សព្វផ្សាយ នៅអង់គ្លេសបង្ហោះផ្សាយជាសាធារណៈ បានបង្ហាញពីបញ្ហាបច្ចេកទេស របស់ឧទ្ធម្ភាគចក្រ តាំងពីយានយន្ដមួយនេះ នៅមិនទាន់ហោះឡើងម្លេះ និងបង្កឲ្យឧទ្ធម្ភាគចក្របានធ្លាក់ នៅបន្ទាប់ពីហោះឡើងបានបន្តិច។ ហេតុការណ៍ បានសម្លាប់លោក «Vichai Srivaddhanaprabha» ម្ចាស់ក្រុមបាល់ទាត់ ឡីឆេស្ទ័រ (Leicester City) និងមនុស្ស៤នាក់ទៀត។ 
រូបភាព​ធ្លាក់​ឧទ្ធម្ភាគចក្រ​ដែល​សម្លាប់​អតីត​ម្ចាស់​ក្រុម​ ឡីឆេស្ទ័រ
ឧទ្ធម្ភាគចក្រ ប្រភេទ «AgustaWestland AW169» កម្មសិទ្ធិរបស់មហាសេដ្ឋីថៃ លោក «Vichai Srivaddhanaprabha» ដែលជាម្ចាស់ក្រុមបាល់ទាត់ ឡីឆេស្ទ័រ របស់អង់គ្លេស។ (រូបថតលើទ្វីសធើរ)
Loading...
  • ដោយ: មនោរម្យ.អាំងហ្វូ ([email protected]) - ប៉ារីស ថ្ងៃទី៣១ តុលា ២០១៨
  • កែប្រែចុងក្រោយ: October 31, 2018
  • ប្រធានបទ: គ្រោះអាកាស
  • អត្ថបទ: មានបញ្ហា?
  • មតិ-យោបល់

រូបភាពនេះ ត្រូវបានថតផ្តិតយក​ ដោយបុគ្គលិកមួយរូប ដែលស្ថិតនៅខាងក្នុងកីឡាដ្ឋាន «King Power Stadium» នៅពេលដែលឧទ្ធម្ភាគចក្រ ប្រភេទ «AgustaWestland AW169» ហោះងើបខ្លួនពីដី។ អ្វីដែលគួរឲ្យចាប់អារម្មណ៍នោះ គឺនៅមុនស្លាបបង្វិលរបស់ឧទ្ធម្ភាគចក្រធ្វើចលនា គេបានឃើញផ្សែងហុយពណ៌ខ្មៅ ចេញពីដំបូលឧទ្ធម្ភាគចក្រ ដែលបង្ហាញថា យានយន្ដមួយគ្រឿងនេះ បានជួបបញ្ហាបច្ចេកទេសរួចហើយ។

តែឧទ្ធម្ភាគចក្រ នៅតែត្រូវបានបញ្ហាឲ្យហោះឡើង។ លុះហោះឡើងបានបន្តិច ឧទ្ធម្ភាគចក្របានបាត់បង់លំនឹងរបស់វា និងវិលខ្លួន... មុននឹងធ្លាក់ចុះបោកខ្លួន ផ្ទុះឆេះទៅលើដី ក្នុងសួនច្បារមួយ នៅក្បែរកីឡាដ្ឋាន។

ហេតុការណ៍ ដែលបានកើតឡើង នៅយប់ថ្ងៃទី ២៧ ខែតុលា ឆ្នាំ២០១៨កន្លងមកនេះ និងបានសម្លាប់មនុស្សសំខាន់ៗ ៥នាក់ ក្នុងនោះមានលោក «Vichai Srivaddhanaprabha» ដែលជាមហាសេដ្ឋីជាតិថៃ នាយក និងជាម្ចាស់ក្រុមបាល់ទាត់ ឡីឆេស្ទ័រ (Leicester City)។ តាមរយៈរូបភាពខាងលើ អាចឲ្យគេសន្និដ្ឋានបានថា គ្រោះថ្នាក់នេះ មានមូលហេតុពីបញ្ហាបច្ចេកទេស ប៉ុន្តែនគរបាលអង់គ្លេស នៅបន្តការអង្កេតនៅឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...