Posts in ‘បច្ចុប្បន្នភាពក្នុងលោក’ Category

កីឡាករ «Daniel Correa Freitas» អាយុ ២៤ឆ្នាំ ជាកីឡាកររបស់ក្រុម «Sao Paulo - ប្រេស៊ីល» តែត្រូវបានក្រុម «Sao Bento - ប្រេស៊ីល» ខ្ចីយកទៅទាត់ឲ្យខ្លួន តាំងពីឆ្នាំទៅម៉ិញ។

នគរបាលប្រេស៊ីលបានអះអាងថា សាកសពកីឡាករត្រូវបានរកឃើញ នៅក្នុងព្រៃល្បោះមួយ ក្បែរភូមិ «Sao José dos Pinhais» ដែលស្ថិតនៅជាយក្រុង «Curitiba» ស្ថិតនៅ​ភាគ​ខាងត្បូង​ប្រទេស។ ខ្សែបម្រើរូបនេះ ត្រូវបានសម្លាប់ដោយអារក យ៉ាងជ្រៅរហូតធ្វើឲ្យក្បាល សឹងតែដាច់ចេញពីស្មារទៅហើយ។ ដោយឡែក លិង្គរបស់កីឡាករ ត្រូវបានកាត់ផ្ដាច់ទាំងស្រុង។

អាជ្ញាធរអះអាងថា ការស៊ើបអង្កេតរបស់ខ្លួន បានឈានដល់កម្រិតមួយ ស៊ីជម្រៅហើយ តែបដិសេធមិនបញ្ចេញឲ្យដឹង ពីមូលហេតុ និងឃាតករ ដែលប្រព្រឹត្តិទង្វើខាងលើនេះទេ។

យ៉ាងណា ប្រព័ន្ធផ្សព្វផ្សាយក្នុងស្រុក បានរាយការណ៍ថា កីឡាករទំនងជាត្រូវបានសម្លាប់ ដោយស្វាមីរបស់ស្ត្រីម្នាក់ ដែលកីឡាករមានទំនាក់ទំនង «ពិសេស» ជាមួយ [...]

រូបភាពនេះ ត្រូវបានថតផ្តិតយក​ ដោយបុគ្គលិកមួយរូប ដែលស្ថិតនៅខាងក្នុងកីឡាដ្ឋាន «King Power Stadium» នៅពេលដែលឧទ្ធម្ភាគចក្រ ប្រភេទ «AgustaWestland AW169» ហោះងើបខ្លួនពីដី។ អ្វីដែលគួរឲ្យចាប់អារម្មណ៍នោះ គឺនៅមុនស្លាបបង្វិលរបស់ឧទ្ធម្ភាគចក្រធ្វើចលនា គេបានឃើញផ្សែងហុយពណ៌ខ្មៅ ចេញពីដំបូលឧទ្ធម្ភាគចក្រ ដែលបង្ហាញថា យានយន្ដមួយគ្រឿងនេះ បានជួបបញ្ហាបច្ចេកទេសរួចហើយ។

តែឧទ្ធម្ភាគចក្រ នៅតែត្រូវបានបញ្ហាឲ្យហោះឡើង។ លុះហោះឡើងបានបន្តិច ឧទ្ធម្ភាគចក្របានបាត់បង់លំនឹងរបស់វា និងវិលខ្លួន... មុននឹងធ្លាក់ចុះបោកខ្លួន ផ្ទុះឆេះទៅលើដី ក្នុងសួនច្បារមួយ នៅក្បែរកីឡាដ្ឋាន។

ហេតុការណ៍ ដែលបានកើតឡើង នៅយប់ថ្ងៃទី ២៧ ខែតុលា ឆ្នាំ២០១៨កន្លងមកនេះ និងបានសម្លាប់មនុស្សសំខាន់ៗ ៥នាក់ ក្នុងនោះមានលោក «Vichai Srivaddhanaprabha» ដែលជាមហាសេដ្ឋីជាតិថៃ នាយក និងជាម្ចាស់ក្រុមបាល់ទាត់ ឡីឆេស្ទ័រ (Leicester City)។ តាមរយៈរូបភាពខាងលើ [...]

លោក ឌី វិជ្ជា ស្វាមីអ្នកស្រី ហ៊ុន ម៉ាណា និងលោក ហ៊ុន តូ សាច់ឈាមជិតដិតបំផុត នៃបុរសខ្លាំងកម្ពុជា មានទ្រព្យសម្បត្តិច្រើនលានដុល្លារ នៅក្នុងប្រទេសអូស្ត្រាលី ហើយបើគ្រាន់តែគណនា សម្រាប់ឆ្នាំ២០១៨នេះ ទ្រព្យសម្បត្តិត្រួសៗរបស់ពួកគេ មានយ៉ាងតិច ក៏១០លានដុល្លារដែរ។ នេះ បើតាមរបាយការណ៍ដ៏វែងអន្លាយមួយ របស់បណ្ដាញវិទ្យុ និងទូរទស្សន៍ «ABC» របស់កោះអូស្ត្រាលី ដែលបានចេញផ្សាយជាសាធារណៈ កាលពីម្សិលម៉ិញ។

«ABC» បានអះអាងថា បានប្រើប្រាស់បញ្ជី នៃអចលនទ្រព្យ និងសហគ្រាសឯកជន ក៏ដូចជាឯកសារស្រាវជ្រាវមួយទៀត ដែលទទួលបានពីប្រទេសកម្ពុជា ដើម្បីរកឃើញពីទំហំ ដ៏មហាសាលនៃទ្រព្យសម្បត្តិ របស់ពួកគេទាំងនោះ ដែលភាគច្រើនបាន និងកំពុងរស់នៅ ក្នុងតំបន់ជាយក្រុងដ៏ប្រណិតៗ នៃក្រុងមែលប៊ន (ភាគខាងត្បូងអូស្ត្រាលី)។

អគ្គ​ស្នងការ​រង​នគរបាល​​​​​​​​​​​​​ជាតិ លោក ឌី វិជ្ជា ដែលជាកូនប្រសារ របស់លោក ហ៊ុន សែន និងជាកូនប្រុស [...]

ពិតជាមានការជជែកគ្នា យ៉ាងច្រើន ទាក់ទងនឹងការគោរពសិទ្ធិមនុស្ស នៅក្នុងជំនួបរវាងលោក ហ៊ុន សែន នាយករដ្ឋមន្ត្រីបីទសវត្សរ៍ជាង របស់កម្ពុជា និងអ្នកស្រី មីសែល បាសែឡែត (Michelle Bachelet) ឧត្តមស្នងការអង្គការសហប្រជាជាតិ (អ.ស.ប) ទទួលបន្ទុកសិទ្ធមនុស្ស កាលពីម្សិលម៉ិញ នៅក្នុងអគារឧត្ដមស្នងការដ្ឋាន របស់អ.ស.ប នាក្រុង ហ្សឺណែវ ប្រទេសស្វីស។

គឺទំព័រហ្វេសប៊ុក របស់លោក ហ៊ុន សែន ខ្លួនលោក ដែលជាអ្នកអះអាងពីករណីនេះ កាលពីមុននេះបន្តិច ប៉ុន្តែទំព័រនោះ មិនបានលំអិត ពីជំហរដែលខុសគ្នានោះ ថាមានលក្ខណៈ បែបណាទេ។ ទំព័រហ្វេសប៊ុកផ្លូវការ របស់នាយករដ្ឋមន្ត្រីកម្ពុជា បានសរសេរថា លោក ហ៊ុន សែន បានស្នើ «ឲ្យមានកិច្ចសហការលើបញ្ហា សិទ្ធមនុស្ស រវាងអង្គការសហប្រជាជាតិ ជាមួយនឹងកម្ពុជា ដើម្បីធ្វើយ៉ាងណា ឲ្យមានការយល់គ្នាឲ្យបានច្បាស់ មុននឹងវាយតម្លៃ ដែលមិនបានធ្វើការសហការគ្នា និងមិនបាននិយាយជាមួយគ្នា ជា​មុន​»។

[...]