Posts tagged as "Justice"

ពិតជាមានការជជែកគ្នា យ៉ាងច្រើន ទាក់ទងនឹងការគោរពសិទ្ធិមនុស្ស នៅក្នុងជំនួបរវាងលោក ហ៊ុន សែន នាយករដ្ឋមន្ត្រីបីទសវត្សរ៍ជាង របស់កម្ពុជា និងអ្នកស្រី មីសែល បាសែឡែត (Michelle Bachelet) ឧត្តមស្នងការអង្គការសហប្រជាជាតិ (អ.ស.ប) ទទួលបន្ទុកសិទ្ធមនុស្ស កាលពីម្សិលម៉ិញ នៅក្នុងអគារឧត្ដមស្នងការដ្ឋាន របស់អ.ស.ប នាក្រុង ហ្សឺណែវ ប្រទេសស្វីស។

គឺទំព័រហ្វេសប៊ុក របស់លោក ហ៊ុន សែន ខ្លួនលោក ដែលជាអ្នកអះអាងពីករណីនេះ កាលពីមុននេះបន្តិច ប៉ុន្តែទំព័រនោះ មិនបានលំអិត ពីជំហរដែលខុសគ្នានោះ ថាមានលក្ខណៈ បែបណាទេ។ ទំព័រហ្វេសប៊ុកផ្លូវការ របស់នាយករដ្ឋមន្ត្រីកម្ពុជា បានសរសេរថា លោក ហ៊ុន សែន បានស្នើ «ឲ្យមានកិច្ចសហការលើបញ្ហា សិទ្ធមនុស្ស រវាងអង្គការសហប្រជាជាតិ ជាមួយនឹងកម្ពុជា ដើម្បីធ្វើយ៉ាងណា ឲ្យមានការយល់គ្នាឲ្យបានច្បាស់ មុននឹងវាយតម្លៃ ដែលមិនបានធ្វើការសហការគ្នា និងមិនបាននិយាយជាមួយគ្នា ជា​មុន​»។

[...]

អតីតមន្ត្រីសិទ្ធិមនុស្ស លោក នី ចរិយ៉ា ដែលបច្ចុប្បន្នមន្រ្តី គ.ជ.ប និងមន្ត្រីសិទ្ធិមនុស្ស៤រូបទៀត រួមមាន លោក ណៃ វ៉ង់ដា - លោក យី សុខសាន្ត - លោក នី សុខា និងអ្នកស្រី លឹម មុន្នីុ ត្រូវបានចៅក្រមជំនុំជម្រះ នៃសាលាដំបូងរាជធានីភ្នំពេញ លោក ឌុច សុខសារិន ប្រកាសសាលក្រម នៅរសៀលថ្ងៃទី២៦ ខែកញ្ញា ឆ្នាំ២០១៨នេះ សម្រេចផ្តន្ទាទោស ដាក់ពន្ធនាគារម្នាក់ៗ៥ឆ្នាំ ប៉ុន្តែទោសនេះត្រូវបានព្យួរ ដោយមិនឱ្យអនុវត្តឡើយ។

អតីតមន្ត្រី និងមន្ត្រីសិទ្ធិមនុស្ស មកពីសមាគមអាដហុក ទាំងប្រាំរូប ត្រូវបានចាប់ខ្លួន និងឃុំខ្លួន រាប់ចាប់ពីពាក់កណ្ដាល ឆ្នាំ២០១៦ មុននឹងដោះលែង ឲ្យនៅក្រៅឃុំ ជាបណ្ដោះអាសន្នវិញ នៅថ្ងៃទី២៩ ខែមិថុនា ឆ្នាំ២០១៧។ ពួកគេ ត្រូវបាន​ចោទ​ប្រកាន់ ពី​បទ​សូកប៉ាន់​សាក្សី​ តាម​មាត្រា​២៩​ និង​មាត្រា​៥៤៨ [...]

មេធាវីការពារក្ដី ឲ្យសមិទ្ធិករភាពយន្ដជាតិអូស្ត្រាលី លោក ជែមស៍ រីកខិតសិន (James Ricketson) ដែលត្រូវបានដោះលែង បន្ទាប់ពីទទួលបានការលើកលែងទោស កាលពីថ្ងៃសុក្រកន្លងមក បានអះអាងនៅថ្ងៃនេះថា កូនក្ដីរបស់លោក នឹងវិលត្រឡប់មកកម្ពុជាវិញ ក្នុងពេលខាងមុខ។ ការអះអាងរបស់លោកមេធាវី គង់ សំអុន បានធ្វើឡើង នៅខណៈពេលលោក ជែមស៍ រីកខិតសិន ត្រូវបានអាជ្ញាធរកម្ពុជា បណ្ដេញ និងបញ្ជូនខ្លួន ចេញពីប្រទេសកម្ពុជា នៅយប់ថ្ងៃសៅរ៍នេះ តាមជើងយន្ដហោះមួយ។

លោក ជែមស៍ រីកខិតសិន ត្រូវបានអាជ្ញាធរកម្ពុជា ចាប់ខ្លួនយកទៅដាក់ឃុំ រាប់ចាប់ពីថ្ងៃទី៧ ខែមិថុនា ២០១៧ មុននឹងត្រូវបានតុលាការ ចោទប្រកាន់លោក នៅពីរថ្ងៃក្រោយមក ពីបទ «ប្រមូលផ្តុំព័ត៌មានជាអាទិ៍ ដែលអាចធ្វើឲ្យអន្តរាយការការ​ពារ​ជាតិ អំពើទទួល ឬប្រមូលផ្តុំដើម្បីផ្តល់ព័ត៌មានវិទ្យា ឬសលាកបត្រដែលអាចធ្វើឲ្យអន្តរាយការការពារជាតិ តាមមាត្រា៤៤៦ នៃក្រមព្រហ្មទណ្ឌកម្ពុជា»​។

ការចាប់ខ្លួននេះ [...]