រ៉ូណាល់ដូ បង្ហើបពីគម្រោងចាកចេញពីក្រុម រៀល ?
ក្រោយពីនៅទាត់ជាមួយក្រុម រៀលម៉ាឌ្រីត (Real Madrid - អេស្ប៉ាញ) តាំងពីឆ្នាំ២០០៩មកនោះ នៅរដូវក្ដៅឆ្នាំនេះ កីឡាករ គ្រីស្ទៀណូ រ៉ូណាល់ដូ (Cristiano Ronaldo) មានគម្រោងចាកចេញពីក្រុមឬ? នេះ ជាអ្វីដែលខ្សែប្រយុទ្ធដ៏ល្បី របស់ក្រុមអធិរាជស បានថ្លែងទៅកាន់ប្រព័ន្ធផ្សព្វផ្សាយ បន្ទាប់ពីក្រុម រៀល បានយកជ័យជំនះ (៣-១) លើក្រុម លីវើភូល (Liverpool - អង់គ្លេស) ក្នុងការប្រកួតផ្ដាច់ព្រ័ត្រ ដណ្ដើមជើងឯកអ៊ឺរ៉ុប ក្របខណ្ឌ «Champions League» សម្រាប់រដូវកាល ឆ្នាំ២០១៧-២០១៨ នាយប់ថ្ងៃទី២៦ ខែឧសភា ឆ្នាំ២០១៨នេះ ក្នុងរដ្ឋធានី គៀវ ប្រទេសអ៊ុយក្រែន។
កីឡាករជាតិព័រទុយហ្គាល់ បានថ្លែងតាមរយៈទូរទស្សន៍អេស្ប៉ាញ «beIN Sports» ថា៖ «យើងត្រូវរីករាយនឹងជ័យជំនះ ជាមួយក្រុម រៀល (...) ប៉ុន្តែខ្ញុំនឹងចេញមកបកស្រាយ នៅថ្ងៃខាងមុខ ដើម្បីជាចម្លើយទៅកាន់អ្នកគាំទ្រ ដែលតែងតែនៅជាមួយខ្ញុំ។ ជារឿងមួយល្អណាស់ ដែលបានទាត់ នៅក្នុងក្រុម រៀល [...]
