ហ៊ុន សែន ជូនពរតែចិន!
តើជនជាតិយួន និង«បងប្អួនខ្មែរកាត់យួន» ដែលរស់នៅគគោក ក្នុងប្រទេសកម្ពុជា ឈប់ត្រូវបានលោកនាយករដ្ឋមន្ត្រី ហ៊ុន សែន ខ្វាយខ្វល់ទៀតហើយឬ? នៅក្នុងសំណេរជូនពរឆ្នាំថ្មី ឆ្នាំប្រពៃណីចិន-យួន នៅលើបណ្ដាញសង្គម កាលពីប៉ុន្មានម៉ោងមុន លោក ហ៊ុន សែន បានសរសេរ ផ្ដល់ការជូនពរទៅតែ «បងប្អូនខ្មែរកាត់ចិន» និង«ជនរួមជាតិ» របស់លោកណា ដែលចូលរួមអបអរពិធីបុណ្យនេះប៉ុណ្ណោះ។
លោក ហ៊ុន សែន សរសេរថា៖ «នៅក្នុងឱកាស នៃពិធីបុណ្យចូលឆ្នាំចិននេះ ខ្ញុំនិងភរិយាសូមជូនពរ ដល់បងប្អូនខ្មែរកាត់ចិនទាំងអស់ និងជនរួមជាតិ ដែលចូលរួមអបអរសាទរ ពិធីបុណ្យចូលឆ្នាំប្រពៃណីចិន សូមប្រកបតែសេចក្តីសុខ សុភមង្គល ព្រមទាំងមានលាភសំណាង លុយកាក់ហូរចូល គ្រប់ៗក្រុមគ្រួសារកុំបីខាន»។
ពិធីបុណ្យចូលឆ្នាំចិន-យួន នឹងមកដល់ ក្នុងថ្ងៃសុក្រ ទី១៦ ខែកុម្ភៈនេះ ហើយត្រូវបានបណ្ដាជនចិន-យួន នៅជុំវិញពិភពលោក ធ្វើការប្រារព្ធ ដោយការសែនព្រេន និងជួបជុំផឹកស៊ី [...]
