Posts tagged as "Cinéma"

លោក ស្ដេវេន ស៊ីហ្គាល (Steven Seagal) តារាភាពយន្ដអាមេរិក ដ៏ល្បីឈ្មោះ ដែលមានសញ្ជាតិរ៉ុស្ស៊ី តាំងពីឆ្នាំ២០១៦ បានក្លាយជា​«បេសកជន»​របស់​ក្រសួង​ការបរទេស​រ៉ុស្ស៊ី ទទួលបន្ទុករឹតចំណងទាក់ទង ផ្នែកមនុស្សធម៌ ជាមួយសហរដ្ឋអាមេរិក។ នេះ បើតាមការប្រកាសឲ្យដឹង ក្នុងសេចក្ដីជូនដំណឹងមួយ របស់ក្រសួងការបរទេសរ៉ូស្ស៊ី។

សេចក្ដីប្រកាសព័ត៌មាន បានបញ្ជាក់ថា ភារកិច្ចរបស់លោក ស្ដេវេន ស៊ីហ្គាល គឺចូលរួមក្នុងការអភិវឌ្ឍន៍ នូវទំនាក់ទំនង រ៉ុស្ស៊ី-អាមេរិក នៅក្នុងវិស័យមនុស្សធម៌ ដោយរួមបញ្ចូល ទាំងកិច្ចសហប្រតិបត្តិការ នៅក្នុងវិស័យវប្បធម៌ និងសិល្បៈ។ ក្រសួងការបរទេសរ៉ុស្ស៊ី បានបញ្ជាក់ទៀតថា តួនាទីរបស់លោក ស្ដេវេន ស៊ីហ្គាល មានលក្ខណៈដូចគ្នា ទៅនឹង «អង្គទូតសុច្ឆន្ទៈ» របស់អង្គការសហប្រជាជាតិដែរ ហើយតួនាទីនេះ មិនបានគ្រោងទុក ពីការផ្ដល់បៀវត្សន៍នោះទេ។

ការតែងតាំងនេះ បានធ្វើឡើង នៅចំពេលដែលទំនាក់ទំនង រវាងប្រទេសមហាយក្សទាំងពីរ [...]

តាំងពីដំណឺងនៃការលែងលះ ជាមួយលោក ប្រេដ ភីត (Brad Pitt) កាលពីប៉ុន្មានខែមុននោះ នាង អេនជឺលីណា ជូលី (Angelina Jolie) កំពូលតារាសំដែងអាមេរិកាំង កំពុងធ្វើខ្លួន ឲ្យក្លាយជា«មេផ្ទះគំរូ»ម្នាក់ ហើយអ្នកស្រី គ្មានគម្រោងថតភាពយន្ដណាមួយ នៅក្នុងពេលនេះទេ។ នេះ ជាការលើកឡើង របស់តារាហូលីវូដខ្លួនឯង នៅក្នុងបទសម្ភាសមួយ ទៅកាន់ទស្សនាវដ្ដី «Vanity Fair»។

«តាំងពី៩ខែមកហើយ ខ្ញុំព្យាយាមធ្វើខ្លួនយ៉ាងល្អ នៅក្នុងតួនាទីជាស្ត្រីមេផ្ទះ បោសសំអាតអាចម៌ឆ្កែ លាងចាន និងអានសៀវភៅរឿង នៅពេលយប់» នេះ ជាការដកស្រង់សំដីប៉ុន្មានឃ្លា របស់អ្នកស្រី ជូលី ពីក្នុងបទសម្ភាសនោះ។ អ្នកស្រី បានបញ្ជាក់ថា៖ «ខ្ញុំបានទទួលបទពិសោធន៍ កាន់តែច្រើន នៅក្នុងកិច្ចការធំៗ ចំនួន៣»។

គូស្វាមីភរិយា ដែលពោរពេញដោយក្ដីសុបិន្ដ នៅក្នុងពិភពហូលីវូដ «អេនជឺលីណា ជូលី និង ប្រេដ ភីត» បានប្រកាសចែកផ្លូវគ្នាយ៉ាងភ្ញាក់ផ្អើល នៅក្នុងអំឡុងខែកញ្ញា [...]

នៅក្នុងកម្មវិធី ចាក់បញ្ចាំងដំបូង នៃភាពយន្ដរឿង «មុន​ដំបូង ខ្មែរ​ក្រហម​សម្លាប់​ប៉ា​ខ្ញុំ (ជាភាសា​​អង់គ្លេស First They Killed My Father/ ជាភាសាបារាំង D'abord ils ont tué mon père)» នឹងត្រូវចាប់ផ្ដើម​ធ្វើ នៅ​ថ្ងៃ​សៅរ៍​ទី១៨ ខែ​កុម្ភៈ​នេះ​ហើយ ចាប់ពីម៉ោង ៦ល្ងាចទៅ នៅលើលានជល់ដំរី ក្នុងបរិវេណ​ប្រាសាទ​អង្គរធំ។

ដំណឹងដែលទស្សនាវដ្ដីមនោរម្យ.អាំងហ្វូ ទទួលបានពីខេត្តសៀមរាប នៅមុននេះបន្តិច បាន​អះអាង​ថា នៅ​ខណៈ​នេះ កំពូលតារាហូលីវូដ ដែលបានក្លាយជា​អ្នកដឹកនាំរឿង នាង អេនជឺលីណា ជូលី (Angelina Jolie) កូន​ប្រុស​ស្រី​របស់​អ្នកស្រី រួមនឹងក្រុមការងារផង បានបង្ហាញខ្លួន​ នៅខាងមុខ​ព្រះរាជ​ដំណាក់ ក្នុងខេត្ត​សៀម​រាប។ ការ​បង្ហាញ​វត្តមាន ដែលគេជឿថា អ្នកស្រីទំនងជា​មាន​ជំនួប​ផ្លូវការ​អ្វីមួយនៅទីនោះ មុននឹង​អ្នកស្រី ធ្វើ​សន្និសីទ​សារព័ត៌មាន នៅ​វេលា​ម៉ោង ១២ (ក្នុងថ្ងៃដដែលនេះ) ​នៅ​សណ្ឋាគារ «Raffles Grand Hotel [...]

ទឹកភ្នែករបស់លោក ជេកឃី ឆាន់ (Jackie Chan - ខ្មែរយើងស្គាល់លោកច្រើន នៅក្នុងតួ ឈិនឡុង) ដែល​បាន​ស្រក់​ចុះ មិនមែនគ្មានបញ្ហានោះទេ។ ជាទឹកភ្នែក ដែលបានស្រក់ពិតៗ នៅក្នុងការផ្សាយបន្តផ្ទាល់ នៅ​តាម​​កញ្ចក់​​ទូរទស្សន៍ បន្ទាប់ពីលោក​បាន​ប្រទះ​ឃើញ​ ជាថ្មីឡើង​វិញ ដោយ​មិន​បាន​ព្រាងទុក នូវ​តួ​អង្គ​រង​​ជា​ច្រើន​​នាក់ ដែល​បាន​ដើរ​តួ សំដែង​លោត​ហក់ ជាមួយ​រូបលោក តាំងពី៤០ឆ្នាំមុន។ បញ្ហាដែលកាន់​តែរំជួល​ចិត្ត​នោះ ​គឺ​ដោយ​សារលោក ជេកឃី មិនដែលបាន​​ជួប​មិត្តភ័ក្រ​​រួម​​ការ​​សំដែង​​ទាំង​នោះ ជាថ្មីទៀត​​​ទាល់​តែ​សោះ តាំង​ពី​ពេល​នោះ​មក។

ការបង្ហូរ​ទឹកភ្នែក របស់កំពូល​តារា​ភាពយន្ដ​រូប​នេះ បានកើតឡើង នៅក្នុងកម្មវិធី​ទូរទស្សន៍​មួយ កាល​ពី​ចុង​ខែ​មករា​មុន ដែលបានឧទ្ទិស​ទាំងស្រុង ពីឈុតឆាក​លោតហក់​ធំៗ នៃការសំដែង​របស់​លោក ក្នុង​រយៈ​ពេល​កន្លង​មក។ កម្មវិធី​បាន​បង្ហាញ​ជា​ដំបូងៗ នូវឈុតឆាក លោតហក់​កាប់ចាក់ [...]

វីដេអូ ដែលផ្តល់ពីរូបភាពដំបូងគេ នៃភាពយន្ដ «មុន​ដំបូង​ ខ្មែរ​ក្រហម​បាន​សម្លាប់​ប៉ា​របស់​ខ្ញុំ (ជា​ភាសា​​អង់គ្លេស First They Killed My Father/ ជាភាសាបារាំង D'abord ils ont tué mon père)» ត្រូវ​បាន​បង្ហោះ នៅ​លើ​ទំព័រ​ផ្លូវការ របស់ភាពយន្ដ នៅបណ្ដាញសង្គមហ្វេសប៊ុក។ នៅក្នុង​វីដេអូ​នោះ គេ​ឃើញ​សមិទ្ធិករ​ភាពយន្ដ​ទាំងពីររូប គឺកំពូលតារាហូលីវូដ នាង អេនជឺលីណា ជូលី (Angelina Jolie) និង​សមិទ្ធិករ​ភាពយន្ដ ​ខ្មែរ-បារាំង លោក ប៉ាន រីទ្ធី បានចេញមកពន្យល់ ពីគំនិតគោល របស់ភាពយន្ដ និង​បាន​ថ្លែង​បញ្ជាក់ ពី​បច្ចេកទេស​ថត រួមទាំង​ការ​ដឹកនាំ​សំដែង ទៅកាន់​តារា​ជនជាតិខ្មែរ​ទាំងអស់ នៅក្នុង​ភាពយន្ដ​នោះផង។

នៅអមនឹងវីដេអូនោះ មានសរសេរពន្យល់ខ្លីប៉ុន្មានឃ្លា ដូច្នេះថា៖

«មុនដំបូង [...]