ម៉ាឡេស៊ី៖ បណ្ដាជនប្រឆាំងជាង ៥០ពាន់នាក់ជួបប្រជុំគ្នា (VDO)
សម្ព័ន្ធភាពបីគណបក្ស ដែលសុទ្ធសឹងជាគណបក្សប្រឆាំង ដឹកនាំដោយលោក អាន់វ៉ា អ៊ីប្រាហីម (Anwar Ibrahim) បានចោទសម្ព័ន្ធរណសិរ្សជាតិ ថាបានបង្កើតនូវអ្នកបោះឆ្នោតខុសច្បាប់ សន្លឹកឆ្នោតបន្លំ និងការបោកប្រាសផ្សេងទៀតជាច្រើន នៅពេលបោះឆ្នោតជាតិ កាលពីថ្ងៃទី៥ខែឧសភាកន្លងមកនេះ។
នាយករដ្ឋមន្ត្រី លោក ណាជីប រ៉ាចាក (Najib Razak) បានបដិសេធការចោទប្រកាន់ទាំងនេះ ដោយបានអះអាងថា ការបោះឆ្នោតបានប្រព្រឹត្តិទៅដោយសេរី និងត្រឹមត្រូវ។ គណបក្សរណសិរ្សជាតិ បានទទួលសម្លេងគាំទ្រចំនួន១៣៣កៅអី ពីក្នុងចំណោមកៅអីទាំង២២២ នៅក្នុងសភាជាតិ។ តែសម្ព័ន្ធភាពរបស់លោ អាន់វ៉ា អ៊ីប្រាហីម បានប្រកែកថា លទ្ធផលពិតប្រាកដ មានតិចជាងនេះ ៣០កៅអី។
ទោះជាយ៉ាងណា ក៏គេសង្កេតឃើញថា គណបក្សកាន់អំណាច បានបាត់បង់ប្រជាប្រិយភាពយ៉ាងច្រើន ពីក្នុងស្រទាប់ពលរដ្ឋម៉ាឡេស៊ី ដោយទទួលបានសន្លឹកឆ្នោតសរុប តែ៥,២៤លានសម្លេងប៉ុណ្ណោះ ទល់នឹង៥,៦២លានសម្លេង របស់គណបក្សដទៃទៀត។
[...]
