តារាបុរសហូលីវូដទាំង១០នាក់ ដែលមានចំណូលខ្ពស់ជាងគេ
កំពូលតួសម្ដែងទាំងអស់នេះ សុទ្ធសឹងជាតារាដែលរកចំណូលបានច្រើនជាងគេ ប្រចាំឆ្នាំ នៅពេលដែលតារាទាំងនេះ បានសម្ដែងក្នុងភាពយន្ដធំៗផលិតនៅហូលីវូដ។
តារាភាពយន្ដ ហ៊ូគ ចាក់មេន ដែលគេស្គាល់ថាបានសម្ដែងក្នុងរឿង អ៊ិចមេន X-Man។
បើតាមចំណាត់ថ្នាក់ ដែលចេញផ្សាយដោយទស្សនាវដ្ដីហ្វូប (Forbes) របស់អាមេរិក ដែលមានជំនាញខាងជំនួញ និងពាណិជ្ជកម្មនោះ បាននិយាយថាកំពូលតារា រ៉ប៊ើរ ដោនី (Robert Downey) សម្ដែងក្នុងភាពយន្ដ អេវេនជ័រ (Avengers)និងអាយរ៉នមេន៣ (Iron Man 3) ដែលប្រកបដោយភាពជោគជ័យនោះ មានចំណូលខ្ពស់ជាងគេ។ តារារូបនេះ ត្រូវបានទស្សនាវដ្ដីរកឃើញថា មានចំណូលរហូតដល់ទៅ៧៥លានដុល្លា។
ហើយក៏សូមបញ្ជាក់ដែរថា តារាជើងចាស់ដ៏ល្បី ថម គ្រូស (Tom Cruise) [...]