ជ័យជំនះរបស់ ត្រាំ បង្កការបារម្ភពីគ្រប់ជ្រុងនៃផែនដី
ជ័យជំនះរបស់លោក ដូណាល់ ត្រាំ (Donald Trump) សម្រាប់តំណែង ជាម្ចាស់សេតវិមាន បានបង្កឲ្យមានការព្រួយបារម្ភ មកពីគ្រប់ជ្រុងជ្រោយទាំងអស់ នៅក្នុងពិភពលោក។ ការព្រួយបារម្ភដែលកើតមាននោះ ផ្ដោតសំខាន់ទៅលើ ប្រធានបទ«អាកាសធាតុ សេដ្ឋកិច្ច និងសិទ្ធិមនុស្ស»។
បណ្ដាជនជាច្រើនលើសលប់ នៅក្នុងទ្វីបអាស៊ី អ៊ឺរ៉ុប និងនៅក្នុងតំបន់មជ្ឈឹមបូព៌ា បានតាមដានយ៉ាងយកចិត្តទុកដាក់ នូវការបោះឆ្នោតប្រធានាធិបតី របស់សហរដ្ឋអាមេរិកកាលពីម្សិលម៉ិញ រហូតលុះត្រាលទ្ធផល (ជាបណ្ដោះអាសន្ន) ត្រូវបានប្រកាស ផ្ដល់ជ័យជំនះទៅឲ្យលោកមហាសេដ្ឋី ដូណាល់ ត្រាំ បេក្ខជនគ្មានបទពិសោធន៍ផ្នែកនយោបាយ មកពីគណបក្សសាធារណរដ្ឋ ឈ្នះពីលើអ្នកស្រី ហ៊ីឡារី គ្លីនតុន (Hillary Clinton) បេក្ខជនស្ថិតក្នុងតំណែងនយោបាយ [...]
