ព្រះមហាក្សត្រថ្មីនៃប្រទេសប៊ែលហ្សិក ឡើងសោយរាជ្យ (Pic)
អតីតព្រះមហាក្សត្រនៃប្រទេសប៊ែលហ្សិក អាល់ប៊ែរទី២ (Albert II) បានដាក់រាជ្យនៅថ្ងៃអាទិត្យទី២១ខែកក្កដា ដែលជាថ្ងៃបុណ្យជាតិផង ដោយទ្រង់បានប្រគល់រាជ្យសម្បត្តិនេះ ទៅព្រះរាជបុត្ររបស់ព្រះអង្គព្រះនាម ហ្វីលីព (Philippe) វិញ។
អតីតព្រះមហាក្សត្រ អាល់ប៊ែរទី២ (ឆ្វេង) និងព្រះមហាក្សត្រថ្មី ហ្វីលីព។ (រូបថត AFP)
បន្ទាប់ពីបានគ្រងរាជ្យសម្បត្តិជាង២០ឆ្នាំ ព្រះមហាក្សត្រប៊ែលហ្សិក អាល់ប៊ែរទី២ អាយុ៧៩ឆ្នាំ បានឡាយព្រះហស្ថលើរាជក្រិត្យដាក់រាជ្យ នៅម៉ោង១០និង៤៥នាទីព្រឹកថ្ងៃអាទិត្យទី២១ខែកក្កដានេះ នៅក្នុងព្រះបុរមរាជវាំងនៃរាជធានីប្រ៊ុយស្សែល។ ព្រះអង្គម្ចាស់ហ្វីលីព ដែលជាព្រះរាជបុត្ររបស់ព្រះអង្គ បានយាងឡើងស្បថ ដើម្បីសោយរាជ្យសម្បត្តិបន្តពីព្រះបីតាព្រះអង្គ [...]