Posts tagged as "Mao Monyvann"

ចៅក្រម​បដិសេធ មិន​ឲ្យ ម៉ៅ មុនីវណ្ណ ចូល​ជួប កឹម សុខា

ចៅក្រម​បដិសេធ មិន​ឲ្យ ម៉ៅ មុនីវណ្ណ ចូល​ជួប កឹម សុខា

ការសុំចូលជួប ប្រធានគណបក្សសង្គ្រោះជាតិ លោក កឹម សុខា នៅថ្ងៃសុក្រ ទី១៩ ខែមករា ឆ្នាំ២០១៨ខាងមុខ នៅក្នុងពន្ធនាគារត្រពាំងថ្លុង ដែលស្ថិតនៅក្បែរ​ព្រំដែន ខ្មែរ-យួន ពីសំណាក់មន្ត្រីជាន់ខ្ពស់គណបក្ស ដឹកនាំដោយលោក ម៉ៅ មុនីវណ្ណ មិនទទួលបានចម្លើយជាវិជ្ជមាន ពីលោក គី ឫទ្ធី ចៅក្រមស៊ើបសួរ នៃសាលាដំបូងរាជធានីនោះទេ។

លិខិតឆ្លើយតប របស់ចៅក្រមខាងលើ ចុះថ្ងៃពុធទី១៧ ខែមករា ឆ្នាំ២០១៨ ដែលទើបនឹងធ្លាក់ មកដល់ដៃអ្នកសារព័ត៌មាន នៅថ្ងៃព្រហស្បត្តិ៍នេះ បានពន្យល់ថា សំនុំរឿងទាក់ទងនឹងលោក កឹម សុខា ស្ថិតក្នុងចំណាត់ការស៊ើបសួរ និងស្រាវជ្រាវប្រមូលភស្ដុតាង នៅឡើយ។ លិខិតបានបន្តថា៖ «ហេតុនេះ ការចូលជួប ឬសួរសុខទុក្ខ ឲ្យបានតែមេធាវី និងក្រុមគ្រួសារជនត្រូវចោទ ដែលមិនទាក់ទិន នៅក្នុងរឿងតែប៉ុណ្ណោះ»។

កាលពីល្ងាចថ្ងៃអង្គារ ទី១៦ ខែមករា ឆ្នាំ២០១៨ លោក ម៉ៅ មុនីវណ្ណ បានដាក់លិខិតទៅកាន់លោក គី ឫទ្ធី ដើម្បីស្នើសុំចូលជួបលោក កឹម [...]

ម៉ៅ មុនីវណ្ណ សុំ​តុលាការ​ចូល​ជួប កឹម សុខា ក្នុង​ពន្ធនាគារ

ម៉ៅ មុនីវណ្ណ សុំ​តុលាការ​ចូល​ជួប កឹម សុខា ក្នុង​ពន្ធនាគារ

មន្ត្រីជាន់ខ្ពស់ របស់គណបក្សសង្គ្រោះជាតិ ចំនួន៥នាក់ ដែលមានសមាសភាព ជាអតីតសមាជិករដ្ឋសភា និងដែលដឹកនាំដោយលោក ម៉ៅ មុនីវណ្ណ បានដាក់លិខិតទៅកាន់លោក គី ឫទ្ធី ចៅក្រមស៊ើបសួរនៃសាលាដំបូងរាជធានី ដើម្បីស្នើសុំចូលជួប ប្រធានគណបក្សសង្គ្រោះជាតិ លោក កឹម សុខា នៅថ្ងៃសុក្រ ទី១៩ ខែមករា ឆ្នាំ២០១៨ខាងមុខ នៅក្នុងពន្ធនាគារត្រពាំងថ្លុង ដែលស្ថិតនៅក្បែរ​ព្រំដែន ខ្មែរ-យួន។

មន្ត្រីទាំងប្រាំរូប មានឈ្មោះ លោក ម៉ៅ មុនីវណ្ណ - លោក អ៊ូ ចាន់រ័ត្ន - លោក ជាម ចន្នី - លោក កង គឹមហាក់ និងអ្នកស្រី តែ ច័ន្ទមុនី។ អ្នកទាំងប្រាំ ដែលមានអតីតភាព ជាអ្នកតំណាងរាស្ត្រ បន្ទាប់ពីការបោះឆ្នោតជាតិ ឆ្នាំ២០១៣នោះ សុទ្ធតែត្រូវបានតុលាការកំពូល ដកហូតសិទ្ធិ ធ្វើនយោបាយចំនួនប្រាំឆ្នាំ។ ដូច្នេះ ការស្នើសុំចូលជួបលោក កឹម សុខា នៅពេលនេះ មន្ត្រីទាំងប្រាំរូប មិនមានលក្ខខណ្ឌអ្វីប្រសើរ ជាងការស្នើសុំ បែបជាពលរដ្ឋសមញ្ញនោះឡើយ។

លិខិតស្នើសុំ [...]

សម រង្ស៊ី កំពុង​«ជំរះ​បញ្ជី»​ជា​មួយ ម៉ៅ មុនីវណ្ណ?

សម រង្ស៊ី កំពុង​«ជំរះ​បញ្ជី»​ជា​មួយ ម៉ៅ មុនីវណ្ណ?

ក្រុមអ្នកឃ្លាំមើល បានព្រមានរួចហើយថា បើស្ថានការណ៍របស់គណបក្សសង្គ្រោះជាតិ ស្ថិតក្នុងសភាពបែបនេះតទៅទៀត គណបក្សប្រឆាំងធំជាងគេ នៅកម្ពុជាមួយនេះ នឹងរលាយខ្លួនដោយឯកឯង និងមិនចាំបាច់ឲ្យតុលាការ ឬរដ្ឋាភិបាលលោក ហ៊ុន សែន ប្រកាស​រំលាយនោះឡើយ។ ស្ថានការណ៍ដែលធ្លាក់ចុះដុនដាប កាន់តែខ្លាំងឡើង បន្ទាប់ពីប្រធានគណបក្ស ត្រូវបានចាប់ឃុំខ្លួន​ដាក់ក្នុងពន្ធនាគារ - គណបក្ស​បានរងបណ្ដឹង​រំលាយ​គណបក្ស ទៅកាន់​តុលាការកំពូល និងចុងក្រោយបំផុត​នេះ គឺការលើកឡើងជាបន្តបន្ទាប់ ទាក់ទងនឹងមន្ត្រីមួយចំនួន ដែលរងការចោទប្រកាន់ ថាកំពុងប្រព្រឹត្តិទង្វើ​«ក្បត់» ចង់ទាញ​យកគណបក្ស ឲ្យក្លាយជាគណបក្ស«រណប» របស់គណបក្សប្រជាជនកម្ពុជា។

ការលើកឡើងនោះ ត្រូវបានបន្លឺចេញនៅទីបំផុត និងជាសាធារណៈ ដោយលោក សម រង្ស៊ី អតីតប្រធានគណបក្សសង្គ្រោះជាតិតែម្ដង តាមរយៈវីដេអូមួយ ដែលលោកបានធ្វើ​ពីរដ្ឋធានីរ៉ូម ប្រទេសអ៊ីតាលី កាលពីម្សិលម៉ិញ។ បើទោះជាអតីប្រធានគណបក្សរូបនេះ [...]

ហ៊ុន សែន៖ ម៉ៅ មុន្នីវណ្ណ ជា​អ្នក​បង្ហើប​រឿង សម រង្ស៊ី និយាយ​ថា ហ៊ុន ម៉ាណែត កូន​យួន

ហ៊ុន សែន៖ ម៉ៅ មុន្នីវណ្ណ ជា​អ្នក​បង្ហើប​រឿង សម រង្ស៊ី និយាយ​ថា ហ៊ុន ម៉ាណែត កូន​យួន

ការបង្ហើបជាសាធារណៈ ដោយលោកនាយករដ្ឋមន្ត្រី ហ៊ុន សែន ខ្លួនលោក ថាមន្ត្រីជាន់​ខ្ពស់ នៅ​ក្នុង​ជួរ​គណបក្ស​ប្រឆាំង គឺ​ជា​«ជន​ជិតដិត» ឬ«រនុក​ក្នុង» របស់លោក ហ៊ុន សែន នេះ មិនមែនទើប​តែ​កើត​ឡើង ជា​លើក​ទី​មួយ​ទេ។ នៅរសៀលថ្ងៃទី៦ ខែមិនានេះ លោក ហ៊ុន សែន បានចោទ​មន្ត្រីជាន់​ខ្ពស់ និង​ជាអ្នកតំណាង​រាស្ត្រ មក​ពី​គណបក្ស​សង្គ្​រោះជាតិ​មួយរូបទៀត គឺជាអ្នកនិយាយប្រាប់លោក ថាលោក សម រង្ស៊ី អតីត​ប្រធាន​គណបក្ស​ប្រឆាំង ជា​អ្នកចោទ​ប្រកាន់ថា កូនប្រុសច្បងនាយករដ្ឋមន្ត្រី ជាកូនអត់​ខាន់ស្លារ កើត​ចេញ​ពី​ការ​សាហាយ​ស្មន់ រវាង​អ្នកស្រី ប៊ុន រ៉ានី ភរិយា​របស់​លោក និងលោក ឡេ ឌឹកថូ អតីត​មេទ័ព​យួន។

លោក ហ៊ុន សែន បានថ្លែងខ្លាំងៗដូច្នេះ នៅក្នុងពិធីចែកសញ្ញាប័ត្រមួយ ទៅកាន់ក្រុម​និស្សិត​បញ្ចប់​ឆ្នាំ​សិក្សា នៃ​វិទ្យាស្ថាន​វ៉ាន់ដា នៅសាលមហោស្រព​កោះពេជ្រ​ រាជធានីភ្នំពេញ ដោយបានព្រមាន​ដោយ​ចំមុខ ថា​លោក​នឹង​មិន​អត់​អោន ឲ្យលោក សម រង្ស៊ី [...]

ម៉ៅ មុនីវណ្ណ៖ សភា​ហ្នឹង​សភា​អ្វី សភា​កុម្មុយនីស​ឬ​សភា​ផ្តាច់​ការ?

ម៉ៅ មុនីវណ្ណ៖ សភា​ហ្នឹង​សភា​អ្វី សភា​កុម្មុយនីស​ឬ​សភា​ផ្តាច់​ការ?

តំណាងរាស្រ្តគណបក្សសង្គ្រោះជាតិ លោក ម៉ៅ មុនីវណ្ណ បានលើកឡើងថា នាពេលខាងមុខនេះ លោក​ត្រូវ​ចុះទៅពិនិត្យមើលជីវភាព និងការរស់នៅ របស់ប្រជាពលរដ្ឋតាមព្រំដែន។ លោកបន្តថា ការចុះទៅព្រំដែន នា​ពេលខាងមុខនេះ លោកបានស្នើលិខិតបេសកកម្ម ពីប្រធានរដ្ឋសភា លោក ហេង សំរិន តែមិនត្រូវបាន​អនុញ្ញាតឡើយ។ លោកបានថ្លែងដូច្នេះ កាលពីថ្ងៃទី២ ខែតុលា ឆ្នាំ២០១៥ ម្សិលម៉ិញ ក្នុងសិក្ខាសាលាមួយ ដែលរៀបចំដោយគណបក្សសង្គ្រោះជាតិ ស្តីពី «ដំណើរឆ្ពោះទៅ រកការបោះឆ្នោត ដើម្បីនាំមកនូវការ​ផ្លាស់​ប្តូរ» នាសណ្ឋាគារ អ៊ីមភើរៀល រាជធានីភ្នំពេញ។

កាលពីថ្ងៃទី២៥ ខែកញ្ញា ឆ្នាំ២០១៥ លោក ម៉ៅ មុនីវណ្ណ តំណាងរាស្រ្ត​មកពីគណបក្សសង្គ្រោះជាតិ លោក​បាន​ចេញលិខិតមួយច្បាប់ ទៅកាន់ប្រធានរដ្ឋសភាលោក ហេង សំរិន ដោយស្នើសុំលិខិតបញ្ជាបេសកកម្ម រយៈពេល៥ថ្ងៃ ដើម្បីចុះទៅពិនិត្យ ស្វែងយល់នូវស្ថានភាពជាក់ស្តែង នៃការរប់សនៅរបស់ប្រជាពលរដ្ឋ និង​បញ្ហាផ្លូវគមនាគមន៍ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...