Posts tagged as "Aéroport"

ហោះ​បក​ក្រោយ​ជា​បន្ទាន់ បន្ទាប់​ពី​បុក... សត្វ​ស្លាប​មួយ​ក្បាល

ហោះ​បក​ក្រោយ​ជា​បន្ទាន់ បន្ទាប់​ពី​បុក... សត្វ​ស្លាប​មួយ​ក្បាល

ជល់នៅត្រង់ណា ក៏បាន កុំឲ្យតែជល់ត្រង់ម៉ាស៊ីនប្រតិកម្ម របស់យន្ដហោះ។ ដោយហេតុនេះហើយ ទើបយន្ដហោះរបស់ក្រុមហ៊ុនអាកាសចរណ៍ «Brussels Arilines» ចាំបាច់ត្រូវហោះ បកមកក្រោយវិញជាបន្ទាន់ បន្ទាប់ពីងើបខ្លួន ហោះចេញបានបន្តិច ពីព្រលានយន្ដហោះ «Brussels Airport» នៃរាជធានី ព្រុយស៊ែល រាជាណាចក្រប៊ែលហ្សិក កាលពីថ្ងៃសៅរ៍។

អ្នកនាំពាក្យរបស់ក្រុមហ៊ុនអាកាសចរណ៍ បានចេញមកអះអាង ពីការហោះត្រឡប់ក្រោយវិញ របស់យន្ដហោះខាងលើ ដោយបញ្ជាក់ថា ម៉ាស៊ីនប្រតិកម្មម្ខាងរបស់យន្ដហោះ បានខូចខាត បន្ទាប់ពីបានជល់គ្នា ជាមួយសត្វស្លាបមួយក្បាល។

បើតាមអ្នកនាំពាក្យដដែល បានអះអាងថា ការហោះត្រឡប់មកចុះចតវិញ របស់យន្ដហោះ បានប្រព្រឹត្តិទៅ ដោយសុវត្ថភាព និងគ្មានហេតុភេទអ្វីកើតឡើងទេ ហើយការជល់គ្នា រវាងយន្ដហោះ និងសត្វស្លាប តែងកើតមានឡើងជាធម្មតា និងជារឿយៗ។

យន្ដហោះខាងលើ ត្រូវហោះទៅកាន់ក្រុង «Las Palmas» នៃប្រជុំកោះ «Canaries» [...]

ក្លិនខ្លួន​អ្នក​ដំណើរ​ម្នាក់ បាន​បង្ខំ​ឲ្យ​យន្ដហោះ​ចុះចត​បន្ទាន់

ក្លិនខ្លួន​អ្នក​ដំណើរ​ម្នាក់ បាន​បង្ខំ​ឲ្យ​យន្ដហោះ​ចុះចត​បន្ទាន់

យន្ដហោះ របស់ក្រុមហ៊ុនអាកាសចរណ៍ «Transavia» បានបង្ខំចិត្តងាកចេញ ពីផ្លូវហោះហើរ និងបានចុះចតជាបន្ទាន់ នៅព្រលានយន្ដហោះ «Faro» ភាគខាងត្បូង នៃប្រទេសព័រទុយហ្គាល់។ មូលហេតុដែលធ្វើ ឲ្យយន្ដហោះត្រូវសម្រេចចិត្តដូច្នេះ ដោយបណ្ដាលមកពីក្លិនខ្លួន របស់អ្នកដំណើរម្នាក់ ដែលធ្វើអ្នកដំណើរផ្សេងទៀត បានធ្លាក់ខ្លួនក្អួតចង្អោរ ជាបន្តបន្ទាប់។ នេះ បើតាមសេចក្ដីរាយការណ៍ របស់សារព័ត៌មាន «Le Parisien» របស់បារាំង កាលពីល្ងាចម៉ិញ។

បន្ទាប់ពីបានងើបខ្លួន ចេញពីកោះ «Canaries (ក្នុងមហាសមុទ្រអាត្លង់ទិក ខាងលិចទ្វីបអាហ្វ្រិក)» ឆ្ពោះទៅកាន់រាជធានី អាមស្ទែដាម (ហូឡង់) បុរសជាអ្នកដំណើរ​ម្នាក់ បានបំភាយក្លិនខ្លួន ដ៏ខ្លាំងពិបាកទ្រាំ ដោយទំនងជាមិនបានងូតទឹក តាំងពីច្រើនខែមកហើយ។ អ្នកដំណើរម្នាក់ បានអះអាងថា បុរសរូបនោះ ត្រូវបានក្រុមបុគ្គលិកយន្ដហោះ កំណត់អត្តសញ្ញាណ និងស្នើសុំ ឲ្យនៅក្នុងបន្ទប់ទឹកមួយរយៈ។ 

យន្ដហោះប៊ូអីញ (Boeing [...]

យន្ដហោះ​ចុះចត​ធ្លាក់​ច្រាំង​សមុទ្រ នៅ​ទួរគី

យន្ដហោះ​ចុះចត​ធ្លាក់​ច្រាំង​សមុទ្រ នៅ​ទួរគី

នៅក្នុងសេក្ដីប្រកាសព័ត៌មាន របស់ក្រុមហ៊ុន​អាកាសចរណ៍ «Pegasus Airlines» ដែលចេញផ្សាយ នៅលើគេហទំព័ររបស់ខ្លួន បានសរសេរឲ្យដឹងថា យន្ដហោះប្រភេទ «Boeing 737» ដែលភ្ជាប់ការហោះហើរក្នុងស្រុក ចេញពីរដ្ឋធានី អង់ការ៉ា (Ankara) ឆ្ពោះទៅកាន់ក្រុង ត្រាហ្សុង (Trabzon ស្ថិតនៅភាគខាងកើតប្រទេស) បានចុះចត ខុសពីផ្លូវព្រលាន នៅវេលាព្រលប់ថ្ងៃសៅរ៍ ចុងសប្ដាហ៍កន្លងទៅ។

ក្រុមហ៊ុនអាកាសចរណ៍ ដែលលក់សំបុត្រធូរថ្លៃមួយនេះ បានបញ្ជាក់ថា៖ «អ្នកដំណើរទាំង១៦២នាក់ ដែលស្ថិតនៅលើយន្ដហោះ រួមនឹងអ្នកបើកបរពីរនាក់ និងអ្នកបម្រើការ៤នាក់ទៀត ត្រូវបានជម្លៀសចេញពីយន្ដហោះ ដោយសុវត្ថិភាព។ មិនមាននរណាម្នាក់ រងគ្រោះអ្វីឡើយ។»។

រូបថត និងវីដេអូជាច្រើន ត្រូវបានបង្ហោះផ្សាយ នៅលើបណ្ដាញសង្គម និងតាមប្រព័ន្ធផ្សព្វផ្សាយ ហើយបានបង្ហាញថា យន្ដហោះបានងាកចេញ ពីផ្លូវចុះចតរបស់យន្ដហោះ ដែលស្ថិតនៅជាប់​មាត់សមុទ្រ ហើយបានធ្លាក់នៅនៅទើរ [...]

យន្ដហោះ​ក្រាប​ពោះ​ជាប់​ដី បន្ទាប់​ពី​បង្ខំ​ចិត្ត​ចុះ​ចត​បន្ទាន់

យន្ដហោះ​ក្រាប​ពោះ​ជាប់​ដី បន្ទាប់​ពី​បង្ខំ​ចិត្ត​ចុះ​ចត​បន្ទាន់

ហេតុការណ៍បានកើតឡើង នៅយប់ថ្ងៃពុធ ក្នុងព្រលានយន្ដហោះអន្តរជាតិ នៃរដ្ឋធានី វ៉ាសូវី (ប្រទេសប៉ូឡូញ)។ សំណាងល្អ អ្នកដំណើរ៥៩នាក់ នៅក្នុងយន្ដហោះ មិនទទួលរងគ្រោះថ្នាក់អ្វីទេ ក្រៅតែពីការភ័យភិត ដែលបានកើតឡើង នៅពេលយន្ដហោះធ្វើការចុះចតនោះ។

យន្ដហោះប្រភេទ «Bombardier Dash Q400» របស់ក្រុមហ៊ុនអាកាសចរណ៍ក្នុងស្រុក ឈ្មោះ «LOT» របស់ប្រទេសប៉ូឡូញ ដែលបានហោះចេញ ពីក្រុង «Cracovie» ស្ថិតក្នុងភាគខាងត្បូង បានបង្ខំចិត្តចុះចតជាបន្ទាន់ នៅលើផ្លូវយន្ដហោះមួយ ដែលត្រូវឆ្លងកាត់ ផ្លូវធំនៃព្រលានយន្ដហោះ ហើយបង្កឲ្យចរាចរណ៍យន្ដហោះ ត្រូវរងនូវភាពរអាក់រអួល អស់រយៈពេលយ៉ាងតិច ៤ម៉ោង។

អ្នកនាំពាក្យព្រលានយន្ដហោះ បានថ្លែងឲ្យដឹងថា៖ «នៅវេលាម៉ោង ២៣ និង១០នាទី យប់ថ្ងៃពុធ ផ្លូវយន្ដហោះធំជាងគេ ត្រូវបានអនុញ្ញាឲ្យបើកធ្វើចរាចរណ៍ឡើងវិញ ហើយយន្ដហោះទាំងឡាយ ក៏អាចចុះចត និងហោះងើបខ្លួនឡើង បានដែរ»។

«ឆ្នាំ​២០១៧ ​មាន​សុវត្ថិភាព​បំផុត សម្រាប់​វិស័យ​អាកាស​ចរណ៍»

«ឆ្នាំ​២០១៧ ​មាន​សុវត្ថិភាព​បំផុត សម្រាប់​វិស័យ​អាកាស​ចរណ៍»

ស្ថាប័ន «Aviation Safety Network» ដែលមានជំនាញខាងធ្វើស្ថិតិ ទៅលើគ្រោះថ្នាក់យន្ដហោះ បានប្រកាសកាលពីថ្ងៃចន្ទថា ឆ្នាំ២០១៧កន្លងទៅនេះ ជាឆ្នាំដែល​វិស័យ​អាកាសចរណ៍​ស៊ីវិល​ពិភពលោក មានសុវត្ថិភាពបំផុត មិនដែលកើតមាន បើរាប់តាំងពីឆ្នាំ១៩៤៦មក។

ក្នុងពេញមួយឆ្នាំ២០១៧ គ្រោះថ្នាក់យន្ដហោះ បានកើតមានត្រឹមតែ១០ដងប៉ុណ្ណោះ នៅជុំវិញពិភពលោក ដែលបានធ្វើឲ្យអ្នកដំណើរ និងអ្នកបម្រើការ នៅលើយន្ដហោះ ៤៤នាក់ស្លាប់។ ស្ថាប័ន «Aviation Safety Network» ដដែល បានរំលឹកឡើងវិញថា កាលពីឆ្នាំ២០១៦ គ្រោះថ្នាក់យន្ដហោះបានកើតមាន ១៦ដង ហើយបណ្ដាលឲ្យមនុស្សស្លាប់ ៣០៣នាក់។

ស្ថាប័ន «Aviation Safety Network» ជាផ្នែកមួយ នៃមូលនិធិ «Flight Safety Foundation»  ដែលជាសមាគមមួយឯករាជ្យ មិនគិតកម្រៃ និងមានទីតាំងស្ថិតក្នុងក្រុង «Alexandria» នៃរដ្ឋ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...