Posts tagged as "Yingluck Shinawatra"

ឧប​នាយក​រដ្ឋមន្ត្រី​ថៃ​ថា នគរបាល​ជួយ យីងឡាក់ ឲ្យ​ភៀស​ខ្លួន​តាម​កម្ពុជា

ឧប​នាយក​រដ្ឋមន្ត្រី​ថៃ​ថា នគរបាល​ជួយ យីងឡាក់ ឲ្យ​ភៀស​ខ្លួន​តាម​កម្ពុជា

ឧបនាយករដ្ឋមន្ត្រីថៃ លោក ប្រាវិត វង្សសុវណ្ណ (Prawit Wongsuwan) បានថ្លែងចោទប្រកាន់ មន្ត្រីនគរបាល ចំនួន ៣នាក់ ថាបានជួយអ្នកស្រី យីងឡាក់ ស៊ីណាវ៉ាត្រា (Yingluck Shinawatra) អតីតនាយករដ្ឋមន្ត្រីថៃជាសម្ងាត់ ដើម្បីគេចខ្លួនចេញពីប្រទេសថៃ ដោយឆ្លងកាត់តាមព្រំដែន «មិនផ្លូវការ» ចូលមកក្នុងទឹកដីកម្ពុជា។

អ្នកស្រីអតីតនាយករដ្ឋមន្ត្រី ត្រូវបានតុលាការកំពូល ក្នុងរាជធានីបាងកក កាត់ទោសដោយកំបាំងមុខ នៅថ្ងៃពុធទី២៧ ខែកញ្ញា ឆ្នាំ២០១៧នេះ ឲ្យជាប់ពន្ធនាគារ៥ឆ្នាំ ពីបទធ្វេសប្រហែល ក្នុងការប្រើប្រាស់ថវិការដ្ឋ នៅក្នុង​នយោបាយ​ឧបត្ថម្ភ​ស្រូវអង្ករ នៅពេលដែលអ្នកស្រី កំពុងកាន់អំណាច។  

អ្នកស្រី យីងឡាក់ ស៊ីណាវ៉ាត្រា បានបាត់ខ្លួនពីប្រទេសថៃ តាំងពីថ្ងៃទី២៥ ខែសីហា ឆ្នាំ២០១៧កន្លងទៅ ដែលជាថ្ងៃដែលអ្នកស្រី បានខកខាន មិនបានបង្ហាញខ្លួន ដើម្បីស្ដាប់ការប្រកាសសាលក្រម របស់តុលាការកំពូល នៅពេលនោះ។

[...]

អតីត​នាយក​រដ្ឋមន្ត្រី យីងឡាក់ រង​ការ​ជាប់​គុក ៥ឆ្នាំ

អតីត​នាយក​រដ្ឋមន្ត្រី យីងឡាក់ រង​ការ​ជាប់​គុក ៥ឆ្នាំ

តុលាការកំពូលថៃ ក្នុងរាជធានីបាងកក បានប្រកាសសាលក្រម ក្នុងថ្ងៃពុធទី២៧ ខែកញ្ញានេះ សម្រេចផ្ដន្ទាទោសអ្នកស្រី យីងឡាក់ ស៊ីណាវ៉ាត្រា (Yingluck Shinawatra) ដោយកំបាំងមុខ ឲ្យជាប់ពន្ធនាគារ៥ឆ្នាំ ពីបទធ្វេសប្រហែល ក្នុងការប្រើប្រាស់ថវិការដ្ឋ នៅក្នុង​នយោបាយ​ឧបត្ថម្ភ​ស្រូវអង្ករ ។ សាលក្រមនេះ ក៏ជាសញ្ញាមួយ ក្នុងការដាក់បញ្ចប់ជីវិតនយោបាយ របស់អ្នកស្រីដែរ។

អ្នកស្រី យីងឡាក់ ស៊ីណាវ៉ាត្រា បានគេចខ្លួនចេញពីប្រទេសថៃ កាលពីចុងខែកន្លងទៅ នៅខណៈពេល ដែលសវនាការ​កាត់ទោស​អ្នកស្រី ជិតឈានដល់ទីបញ្ចប់ និងត្រូវបានគេមើលឃើញ កាន់តែច្រើនឡើងថា ជាសវនាការ ដែលមានលក្ខណៈ«នយោបាយ»។

ចៅក្រមម្នាក់បានប្រកាសសាលក្រមនេះ នៅចំពោះក្រុមអ្នកសារព័ត៌មានថា៖ «តុលាការបានរកឃើញថា ជនសង្ស័យ (អ្នកស្រី យីងឡាក់) ពិតជាមានកំហុស ហើយបានសម្រេចផ្ដន្ទាទោសជនសង្ស័យរូបនេះ ឲ្យជាប់នៅក្នុងពន្ធនាគារ ចំនួន៥ឆ្នាំ»។

[...]

ភេរវកម្មនៅ​ថៃ៖ ជន​សង្ស័យ​១៥នាក់ ត្រូវ​យោធា​ចាប់​ដាក់​គុក

ភេរវកម្មនៅ​ថៃ៖ ជន​សង្ស័យ​១៥នាក់ ត្រូវ​យោធា​ចាប់​ដាក់​គុក

ការស៊ើបអង្កេត បានបន្តធ្វើទៅមុខ នៅក្នុងប្រទេសថៃ ជុំវិញសំនុំរឿងភេរវកម្មដ៏រង្គាល ដែលបានកើតឡើង កាល​ពី​​ថ្ងៃ​ទី១១ - ទី១២ ខែសីហា សប្ដាហ៍មុន។ របបដឹកនាំយោធា ដែលបានឡើងកាន់អំណាច តាម​រយៈ​រដ្ឋ​ប្រហារ បានប្រកាសថា ខ្លួនបានចាប់ឃុំមនុស្សចំនួន១៥នាក់ រាប់មកទល់នឹងថ្ងៃនេះ។ មនុស្សទាំងនោះ បាន​រង​ការ​ចោទ​ប្រកាន់ ថាបានចូលរួម នៅក្នុងការវាយប្រហារភេរវកម្មនេះ ដែលធ្វើឡើងសំដៅទេសចរណ៍ នៅ​តាម​មាត់​សមុទ្រ នៃខេត្តមួយចំនួន ភាគខាងត្បូងប្រទេសថៃ។

អ្នកនាំពាក្យ​ឲ្យរបបដឹកនាំយោធា លោកស័ក្ដិប្រាំ ប៊ូរិន ថោងប្រាប៉ៃ (Burin Tongprapai) បានថ្លែងឲ្យដឹងថា៖ «អាជ្ញាធរ​បានចាប់ឃាត់ខ្លួន ជនសង្ស័យចំនួន១៧នាក់ តែបានដោះលែងវិញ ចំនួន២នាក់»។

លោក ថោងប្រាប៉ៃ មិនបានបញ្ជាក់ថា ជនទាំង១៧នាក់នេះ ត្រូវបានឃាត់ [...]

«នៅថៃ យើង​គ្មាន​បណ្ដាញ​ភេរវនិយម​ទេ»

«នៅថៃ យើង​គ្មាន​បណ្ដាញ​ភេរវនិយម​ទេ»

«ជនដែលគួរឲ្យ​សង្ស័យពីរនាក់ ត្រូវបានកោះហៅ ដើម្បីធ្វើការសាកសួរ ទាក់ទងនឹងហេតុការណ៍ភេរវកម្ម នៅ​ក្រុង ហួរហ៊ីន» នេះបើតាមការអះអាង យ៉ាងប្រយ័ត្នប្រយែង របស់អ្នកនាំពាក្យនគរបាលជាតិថៃ លោក ពីយ៉ាប៉ាន ពីងម័ង (Piyapan Pingmuang) ទៅកាន់ទីភ្នាក់ងារព័ត៌មានបារាំង (AFP)។ ប៉ុន្តែអ្នកនាំពាក្យ បាន​បដិសេធ​ប្រើ​ពាក្យ ហៅ​ជន​ទាំង​ពីរ ថាជាជនសង្ស័យ។

អ្នកនាំពាក្យបានបន្ថែមទៀតថា៖ «ហើយជនម្នាក់ទៀត ត្រូវបានឃាត់ខ្លួន នៅក្រុង ណាក់ខន ស៊ីធម្មារ៉ាត់ (Nakhon Si Thammarat - ដែលស្ថិតនៅភាគខាងត្បូង នៃប្រទេសថៃ)»។

លោក ពីយ៉ាប៉ាន មិនបានបញ្ជាក់ ឲ្យបានលំអិតជាងនេះ ពីអត្តសញ្ញាណរបស់ជនទាំងបីទេ តែបើតាម​សារព័ត៌មាន​ក្នុងស្រុក បានឲ្យដឹងថា ជនដែលត្រូវបានឃាត់ខ្លួន​នៅ ក្រុង ណាក់ខន ស៊ីធម្មារ៉ាត់ នោះ ជាមេ​ដឹកនាំ​មួយរូប នៃក្រុមអាវក្រហម ស្និតនឹងអតីតនាយករដ្ឋមន្ត្រី ស៊ីណាវ៉ាត្រា (Shinawatra) ទាំងពីរនាក់បងប្អូន [...]

ប្រជាមតិ​នៅ​ថៃ៖ យីងឡាក់ អំពាវនាវ​ឲ្យ​ទៅ​បោះឆ្នោត

ប្រជាមតិ​នៅ​ថៃ៖ យីងឡាក់ អំពាវនាវ​ឲ្យ​ទៅ​បោះឆ្នោត

អ្នកស្រីយីងឡាក់ ស៊ីណាវ៉ាត្រា (Yingluck Shinawatra) អតីតនាយករដ្ឋមន្ត្រី​ចេញពីការបោះឆ្នោតថៃ បាន​អំពាវ​នាវ​នៅថ្ងៃសុក្រទី៥ ខែសីហា ឆ្នាំ២០១៦នេះ ទៅកាន់ប្រជារាស្ត្រថៃគ្រប់រូប ឲ្យធ្វើការ​បញ្ចេញ​ឆន្ទះ​របស់​ពួក​គេ ទៅលើគម្រោងច្បាប់រដ្ឋធម្មនុញ្ញថ្មី ដែលពោរពេញ​ដោយភាព​ចម្រូងចម្រាស និងដែលបង្កើតឡើង​ដោយ​​ក្រុម​មេដឹកនាំយោធាថៃ។ ជាការថ្លែងទៅកាន់ប្រជាជាតិ របស់ស្ត្រីអតីតនាយករដ្ឋមន្ត្រីរូបនេះ ដែល​ត្រូវ​បាន​​ក្រុម​យោធា ធ្វើរដ្ឋប្រហារទម្លាក់​ចេញពីអំណាច កាលពីខែឧសភា ឆ្នាំ២០១៦កន្លងទៅ នៅចំពោះ​អ្នក​គាំទ្រ​រាប់​​រយ​នាក់ ដែល​បាន​ប្រមូលផ្ដុំគ្នា នៅខាងមុខអាគារ​តុលាការ កណ្ដាលរាជធានីបាងកក។

អ្នកស្រីបានថ្លែងឡើងថា៖ «ខ្ញុំសូមអញ្ជើញ​ពលរដ្ឋថៃទាំងអស់ ឲ្យទៅធ្វើការបោះឆ្នោត នៅថ្ងៃអាទិត្យ (ស្អែក​នេះ)។ (...) ខ្ញុំមិនចង់ឲ្យមាន​ការចូលរួម​តិចតួច ពីសំណាក់ពលរដ្ឋនោះទេ។ ព្រោះបើអញ្ចឹង លទ្ធផល​នៃ​ការ​ធ្វើ​ប្រជាមតិ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...