អតីតគ្រូបង្វឹកអេស៊ីមីឡាន ថា ណីម៉ា អាចនឹងបរាជ័យនៅបាសេឡូណា
លោកអារីហ្គូ សាកជី (Arrigo Sacchi) អតីតគ្រូបង្វឹករបស់ក្រុមយក្សអ៊ីតាលី អេស៊ី មីឡាន (AC Milan) បានលើកឡើងថា កីឡាករណីម៉ា (Neymar) មិនប្រាកដថា នឹងអាចទទួលបានជោគជ័យជាមួយនឹងក្រុមបាសេឡូណា (Barcelona) នោះទេ បើទោះបីជាមានកីឡាករខ្លាំងៗដទៃទៀត នៅជុំវិញគាត់ក៏ដោយ។
កីឡាករណីម៉ា បញ្ចេញក្បាច់ដាក់អ្នកគាំទ្រ នៅពេលមកដល់ក្រុមបាសឺឡូណាដំបូង។ (រូបថត Barcelona FC)
ណីម៉ា បានផ្ទេរពីក្រុមសាន់តូស (Santos) របស់ប្រេស៊ីល មកកាន់ក្រុមអេស្ប៉ាញបាសេឡូណា ក្នុងតម្លៃ៥៧លានអ៊ឺរ៉ូ (៧៤,៥ លានដុល្លាសហរដ្ឋអាមេរិក) កាលពីដើមខែមិថុនាកន្លងទៅ។ កីឡាករវ័យ២១ឆ្នាំ បានចុះហត្ថលេខាលើកិច្ចសន្យារយះពេល៥ឆ្នាំ នៅក្នុងកីឡាដ្ឋាននូខេម (Nou Camp) ពោលគឺត្រូវបញ្ចប់នៅឆ្នាំ២០១៨។
[...]