អតីតព្រះមហាក្សត្រនៃប្រទេសប៊ែលហ្សិក អាល់ប៊ែរទី២ (Albert II) បានដាក់រាជ្យនៅថ្ងៃអាទិត្យទី២១ខែកក្កដា ដែលជាថ្ងៃ​បុណ្យជាតិផង ដោយទ្រង់បានប្រគល់រាជ្យសម្បត្តិនេះ ទៅព្រះរាជបុត្ររបស់ព្រះអង្គព្រះនាម ហ្វីលីព (Philippe) វិញ។

អតីតព្រះមហាក្សត្រ អាល់ប៊ែរទី២ (ឆ្វេង) និងព្រះមហាក្សត្រថ្មី ហ្វីលីព។ (រូបថត AFP)

បន្ទាប់ពីបានគ្រងរាជ្យសម្បត្តិជាង២០ឆ្នាំ ព្រះមហាក្សត្រប៊ែលហ្សិក អាល់ប៊ែរទី២ អាយុ៧៩ឆ្នាំ បានឡាយព្រះហស្ថលើរាជ​ក្រិត្យដាក់រាជ្យ នៅម៉ោង១០និង៤៥នាទីព្រឹកថ្ងៃអាទិត្យទី២១ខែកក្កដានេះ នៅក្នុងព្រះបុរមរាជវាំងនៃរាជធានីប្រ៊ុយស្សែល។ ព្រះអង្គម្ចាស់ហ្វីលីព ដែលជាព្រះរាជបុត្ររបស់ព្រះអង្គ បានយាងឡើងស្បថ ដើម្បីសោយរាជ្យសម្បត្តិបន្តពីព្រះបីតាព្រះអង្គ នៅម៉ោង១២ថ្ងៃត្រង់។

នៅក្នុងព្រះរាជសង្កថាចុងក្រោយរបស់ព្រះអង្គ អតីតព្រះមហាក្សត្រអាល់ប៊ែរទី២ ទ្រង់បានអំពាវនាវទៅកាន់ អ្នកទទួល​ខុស​ត្រូវរបស់ប្រទេស ឲ្យ«ធ្វើការកុំឈប់ ដើម្បីភាពស្រុះស្រួល របស់ប្រទេសប៊ែលហ្សិក»។ ព្រះអង្គទ្រង់បានឧទ្ទិសព្រះរាជឱង្កា ទៅព្រះមហេសីរបស់ទ្រង់ ម្ចាស់ក្សត្រីយ៉ានី ប៉ាវឡា (Paola) ដែលជានិច្ចជាកាល ទ្រង់បានគាំទ្ររាជបូជនីយកិច្ច​របស់​ព្រះអង្គ។ ព្រះរាជា អាល់ប៊ែរទី២ បានមានបន្ទូលថា «ខ្ញុំចង់និយាយទៅគាត់ (មហេសីទ្រង់) ថាអរគុណ។ និង Kiss (ថើប) ដ៏ខ្លាំងមួយ។»

សូមទស្សនារូបភាពសម្រាំងទាំង១០ដូចតទៅ៖

-----------------------------------------------------
ដោយ សេក មនោរកុមារ - ប៉ារីស​ ថ្ងៃទី២២ ខែកក្កដា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ