Posts by "សេក មនោរកុមារ"

ហ៊ុន សែន ថា​កម្ពុជា​មាន​ចិន​ច្រើន ព្រោះ​ការដ្ឋាន​សំណង់​ចិន​ច្រើន

ហ៊ុន សែន ថា​កម្ពុជា​មាន​ចិន​ច្រើន ព្រោះ​ការដ្ឋាន​សំណង់​ចិន​ច្រើន

ការរិះគន់ទាំងឡាយ ជុំវិញវត្តមានរបស់ជនជាតិចិន ដ៏សន្ធឹកសន្ធាប់ នៅកម្ពុជា ជាការច្រណែនរបស់ជនបរទេសផ្សេងទៀត ដែលមិនមានការដ្ឋានសាងសង់ច្រើននៅក្នុងប្រទេសកម្ពុជា ដូចប្រទេសចិន។ នេះ ជាការលើកឡើង របស់លោកនាយករដ្ឋមន្ត្រី ហ៊ុន សែន តបទៅនឹង​ការលើកឡើង​ជាបន្តបន្ទាប់ ក្នុងពេលប៉ុន្មានសប្ដាហ៍នេះ ជុំវិញការចូលមកកំសាន្ដ ឬតាំងទីលំនៅ របស់បណ្ដាជនចិន នៅក្នុងប្រទេសកម្ពុជា ដែលហាក់មិនបានផ្ដល់ប្រយោជន៍ ច្រើនណាស់ណា សម្រាប់ពលរដ្ឋកម្ពុជា ដែលជាម្ចាស់ស្រុកនោះទេ។

សម្រាប់លោក ហ៊ុន សែន នាយករដ្ឋមន្ត្រី បីទសវត្សន៍ជាងរបស់កម្ពុជា ជនជាតិចិន​ដែលចូលមករស់នៅ យ៉ាងសន្ធឹកសន្ធាប់នោះ បណ្ដាលមកពីប្រទេសចិន មានការដ្ឋានសំណង់យ៉ាងច្រើន នៅក្នុងប្រទេសកម្ពុជា។ លោកបន្ត​អះអាងទៀតថា ប្រទេសផ្សេងទៀត ដែលចង់ឲ្យជនជាតិខ្លួន ចូលមករស់នៅក្នុងប្រទេសកម្ពុជា [...]

ហ៊ុន សែន រំលឹក​ថ្ងៃ​ខួប​លើក​ទី៤៣​ នៃ​ការ​ធ្លាក់​ខ្លួន​ពិការ​ភ្នែក

ហ៊ុន សែន រំលឹក​ថ្ងៃ​ខួប​លើក​ទី៤៣​ នៃ​ការ​ធ្លាក់​ខ្លួន​ពិការ​ភ្នែក

បុរសខ្លាំងកម្ពុជា ដែលអង្គុយនៅក្នុងតំណែង ជានាយករដ្ឋមន្ត្រី តាំងពី៣៣ឆ្នាំមកនោះ បានធ្លាក់ខ្លួនពិការភ្នែក តាំងពីថ្ងៃទី១៦ ខែមេសា ឆ្នាំ១៩៧៥ នៅក្នុងព្រឹត្តិការណ៍សង្គ្រាមបង្ហូរឈាម ដែលកាលនោះ ធ្វើឡើងរវាងកងទ័ពខ្មែរក្រហម និងកងទ័ពសាធារណរដ្ឋខ្មែរ។ មកដល់ថ្ងៃនេះ មានរយៈពេល៤៣ឆ្នាំកន្លងទៅហើយ។

លោកនាយករដ្ឋមន្ត្រី ហ៊ុន សែន បានរំលឹកព្រឹត្តិការណ៍នោះ ក្នុងព្រឹកថ្ងៃនេះ នៅលើបណ្ដាញសង្គមដូច្នេះថា៖ «ខ្ញុំនៅចាំបានថា ម៉ោង៦ និង១៥នាទីព្រឹកថ្ងៃ១៦មេសា១៩៧៥ មានការប្រយុទ្ឋស្លាប់រស់ នៅសមរភូមិប៉មទន្លេរបិទ ដែលពេលនេះក្បែគល់ស្ពានគីស្យូណា។ ពេលនោះហើយ ដែលខ្ញុំត្រូវរបួសជាលើកទី៥ នៃការប្រយុទ្ឋ១០៥លើក ក្នុងរយះពេល៥ឆ្នាំ នៃការប្រយុទ្ឋជាមួយពួកបរទេសឈ្លានពាន និងបរិវារ។»

លោក ហ៊ុន សែន ដែលធ្លាប់ជាមេទាហានរបស់កងទ័ពខ្មែរក្រហម បានយកខួប៤៣ឆ្នាំនេះ មករំលឹកមនុស្សជំនាន់ក្រោយ តាមរយៈសារនយោបាយមួយ ដែលលោកអះអាង ពី«ជម្រើស»។ [...]

សម រង្ស៊ី ទៅដល់ប្រទេសជប៉ុន ដើម្បីដំណើរទស្សនកិច្ចមួយ

សម រង្ស៊ី ទៅដល់ប្រទេសជប៉ុន ដើម្បីដំណើរទស្សនកិច្ចមួយ

អាចជាការត្រៀមទុក តាំងពីច្រើនខែហើយ ដែលលោក សម រង្ស៊ី មេដឹកនាំប្រឆាំងដ៏សំខាន់​របស់កម្ពុជា ត្រូវបង្ហាញវត្តមានរបស់លោក នៅលើទឹកដីនៃប្រទេសជប៉ុន ដែលត្រូវបានគេគិតថា កំពុងដើរតួនាទីដ៏សំខាន់មួយ នៅក្នុងវិបត្តិនយោបាយខ្មែរ។ លោកបានធ្វើដំណើរ ទៅដល់រាជធានីតូក្យូ នៅមុននេះបន្តិច ដោយមានអមដំណើរ ដោយភរិយាលោក គឺអ្នកស្រី ជូឡុង សូម៉ូរ៉ា និងរង់ចាំទទួល ដោយអ្នកស្រី មូ សុខហួរ តំណាងរាស្ត្រជាប់ឆ្នោត មកពីគណបក្សសង្គ្រោះជាតិ ដែលត្រូវបានដកហូត មិនឲ្យធ្វើនយោបាយ សម្រាប់រយៈពេល៥ឆ្នាំ។

នៅក្នុងដំណើរទស្សនកិច្ច របស់ប្រធានចលនាសង្គ្រោះជាតិ និងជាអតីតប្រធានគណបក្សសង្គ្រោះជាតិ ត្រូវបានគេរំពឹងថា ដើម្បីជួបជាមួយអ្នកគាំទ្រ ដែលមានចំនួនច្រើនរយនាក់ នៅថ្ងៃទី១៤ ខែមេសាខាងមុខ។ មន្ត្រីស្និតចលនាសង្គ្រោះជាតិ នៅក្នុងប្រទេសបារាំង បានថ្លែងប្រាប់ទស្សនាវដ្ដី មនោរម្យ.អាំងហ្វូ នៅមុននេះបន្តិចថា មន្ត្រីទទួលខុសត្រូវមួយចំនួន របស់ប្រទេសជប៉ុន [...]

ឆ្នាំ​នេះ បាយ៉ឺន មាន​សង្ឃឹម​ឡើង​ទៅ​១ភាគ២​ផ្ដាច់​ព្រ័ត្រ

ឆ្នាំ​នេះ បាយ៉ឺន មាន​សង្ឃឹម​ឡើង​ទៅ​១ភាគ២​ផ្ដាច់​ព្រ័ត្រ

ប៉ុន្តែត្រូវរាប់ថា ឆ្នាំ២០១៧-២០១៨នេះ ក្រុម ប៉ាយឺន ម៉ូនិឆ (Bayern Munich - អាល្លឺម៉ង់) ទទួលវាសនាបានល្អខ្លះដែរ ដោយសារបានចាប់ឆ្នោត មកជួបជាមួយ ក្រុម សេវីល (FC Séville - អេស្ប៉ាញ) ដែលត្រូវបានគេមើលឃើញថា ខ្សោយជាងក្រុម បាយឺន នោះ។ លទ្ធផលបានបង្ហាញច្បាស់ នៅក្នុងការប្រកួត «ទៅ» កាលពីយប់ម៉ិញ រវាងក្រុមទាំងពីរ នៅក្នុងកីឡដ្ឋាន របស់ក្រុម សេវីល (ក្រុងសេវីល ប្រទេសអេស្ប៉ាញ) គឺក្រុម បាយ៉ឺន រកគ្រាប់បាល់បានពីរគ្រាប់ ឈ្នះលើក្រុមម្ចាស់ផ្ទះ ដែលរកបានតែមួយគ្រាប់។

ជ័យជំនះនេះ ដែលមិនខុសពីក្រុម រៀលម៉ាឌ្រីត (Juventus - អ៊ីតាលី) ដែលទៅយកជ័យជំនះ ០-៣ នៅលើទឹកដី របស់ក្រុម ជូវេនទូស (Juventus - អ៊ីតាលី) កាលពីយប់ម៉ិញដូចគ្នានោះ ក្រុម បាយ៉ឺន របស់អាល្លឺម៉ង់ ហាក់ទទួលសំបុត្រ​ពាក់កណ្ដាលរួចហើយ ដើម្បីឡើងទៅទាត់ នៅវគ្គ១ភាគ២ផ្ដាច់ព្រ័ត្រ ក្របខណ្ឌដណ្ដើមជើងឯកអ៊ឺរ៉ុប (Champions League) ប្រចាំឆ្នាំ២០១៧-២០១៨នេះ។

[...]

«ពេល​នេះ​ទើប​អូន​ដឹង​ថា បង​យក​អូន​ជា​ស្រ្តី​លេង​សើច»

«ពេល​នេះ​ទើប​អូន​ដឹង​ថា បង​យក​អូន​ជា​ស្រ្តី​លេង​សើច»

សូមបញ្ជាក់ដែរថា សំបុត្រមួយសន្លឹក ដែលមានពីរផ្នែក និងសំបុត្រមួយទៀត (មិនមានរូបថត) ត្រូវបានអាជ្ញាធរក្រុងដូនកែវ ខេត្តតាកែវ អះអាងថា បានរកឃើញពីក្នុងកាបូបយួរដៃ របស់អ្នកស្រី ចេវ សុវឌ្ឍនា បន្ទាប់ពីអ្នកស្រីត្រូវបានរកឃើញស្លាប់ ជាមួយខ្សែចងក នៅក្នុងគេហដ្ឋាន កាលពីចុងខែមករាកន្លងមក។

សំបុត្រទាំងនេះ ជាជំហាន ដែលធ្វើឲ្យអាជ្ញាធរនៅទីនោះ ធ្វើការសន្និដ្ឋាន​ក្នុងពេលភ្លាមៗ ថាមរណភាពរបស់អ្នកស្រី ជាការធ្វើអត្តឃាត។ ប៉ុន្តែចំណុចសង្ស័យផ្សេងទៀត ដូចយ៉ាងស្នាមម្រាមដៃ នៅត្រង់ករបស់ជនរងគ្រោះ បានបង្កការសង្ស័យថា ករណីនេះ មិនមែនជាការធ្វើ​អត្តឃាតនោះទេ។

យ៉ាងណា គេមិនអាចដឹង ថាតើសំបុត្រនេះ ជាសំបុត្រពិត ឬយ៉ាងណាទេ ដោយគ្រាន់តែមានសរសេរ ដូចក្នុងសេចក្ដីខាងក្រោម៖

ជីវិតស្រីម្នាក់នេះ ជ្រើសរើសយកបង មិនប្រាថ្នាអ្វី ក្រៅពីក្តីស្រលាញ់ម្យ៉ាងគត់។ លះបង់គ្រប់យ៉ាងព្រោះតែថា ស្រលាញ់អូនជាប្រពន្ធទី២ ប៉ុណ្ណោះ។ [...]


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...