Posts tagged as "Grotte"

ក្មេង​ថៃ​ដែល​រួច​ចេញ​ពី​រូង​ភ្នំ បាន​កោរ​សក់​បួស​រួច​រាល់

ក្មេង​ថៃ​ដែល​រួច​ចេញ​ពី​រូង​ភ្នំ បាន​កោរ​សក់​បួស​រួច​រាល់

ពួកគេបានកោរសក់បួសហើយ នៅថ្ងៃអង្គារទី២៤ ខែកក្កដានេះ នៅក្នុងពិធីសាងផ្នួសមួយ។ ជាកាយវិការ ដែលពួកគេចង់ឧទ្ទិសកុសល ដែលកើតចេញ ពីការសាងផ្នួលនេះ ជូនទៅទាហានម្នាក់ ដែលបានពលីជីវិត នៅក្នុងការមុជទឹក ចូលទៅជួយសង្គ្រោះពួកគេ នៅក្នុងរូងភ្នំ។

ការបួសរបស់ពួកគេ ដែលមានរយៈពេល ៩ថ្ងៃ ក៏មានបំណងចង់ឧទ្ទិសកុសល និង«លាបំណន់» ទៅដល់ម្ចាស់ទឹកម្ចាស់ដី ដែលកាន់កាប់រូងភ្នំ នោះផងដែរ។ វាជាជំនឿ ដ៏ខ្លាំងបំផុតមួយ របស់បណ្ដាជនថៃ នៅក្នុងតំបន់។

ពួកគេបានកោរសក់បួស នៅក្នុងវត្ត ភរថាយវ៉ៅ (Pha That Doi Wao) នៃក្រុង «Mae Sai» របស់ខេត្តឈៀងរ៉ៃ។ អ្នកម្ដាយម្នាក់របស់ក្មេងមួយរូប ពីក្នុងចំណោមក្មេងទាំង១១នាក់ បានថ្លែងឡើងថា៖ «ជាកិច្ចការដែលយើងចង់ធ្វើ តាំងតែពួកគេ ត្រូវបានយកចេញ ពីរូងភ្នំមកម្លេះ។ ឥឡូវនេះ ពេលវេលាបានមកដល់ហើយ។»។

រីឯគ្រូបង្វឹកបាល់ទាត់ អាយុ២៥ឆ្នាំ ឈ្មោះ ឯក ក៏បានចូលរួមកោរសក់បួស នៅថ្ងៃនេះដែរ។ ដោយឡែក [...]

ក្មេងថៃ​១១នាក់​និង​គ្រូ​បង្វឹក​ពួកគេ​ម្នាក់ សម្រេច​សាង​ផ្នួល​៩ថ្ងៃ

ក្មេងថៃ​១១នាក់​និង​គ្រូ​បង្វឹក​ពួកគេ​ម្នាក់ សម្រេច​សាង​ផ្នួល​៩ថ្ងៃ

«ពួកគេសម្រេចថា នឹងសាងផ្នួស សម្រាប់រយៈពេល៩ថ្ងៃ» នេះ ជាការអះអាងឡើង របស់លោក «Prachon Pratsakul» អភិបាលខេត្តឈៀងរ៉ៃ ទៅកាន់ក្រុមអ្នកយកព័ត៌មាន ដោយបន្តថា៖ «ក្មេង១១នាក់ ពីចំណោមក្មេងទាំងអស់ នឹងបួសជាលោកនេន ខណៈគ្រូបង្វឹកពួកគេ ដែលឈ្មោះ ឯក នោះ នឹងបួសក្លាយជាព្រះសង្ឃ»។

រីឯកុមារម្នាក់ទៀត មិនបានចូលរួមក្នុងការកោរសក់បួសនេះទេ ដោយហេតុថា កុមាររូបនោះ ជាអ្នកកាន់សាសនាគ្រីស្ទិ៍។ នេះ បើតាមប្រសាសន៍ របស់លោក «Prachon Pratsakul» ដដែល។

ឯក ដែលជាឈ្មោះកាត់ របស់គ្រូបង្វឹក «Ekkapol Chantawong» ធ្លាប់បានបួសជានេនម្ដងហើយ កាលពីក្នុងវ័យកុមារ។ ដោយសារបទពិសោធន៍ដូច្នេះហើយ ទើបគ្រូបង្វឹកបាល់ទាត់រូបនេះ បានជួយកុមារទាំង១២នាក់ ឲ្យចេះធ្វើសម្មាធិ ដើម្បីរក្សាភាពស្ងប់ក្នុងចិត្ត នៅក្នុងរូងភ្នំបានយូរយ៉ាងដូច្នេះ។

កុមារៗ ដែលជាកីឡាករបាល់ទាត់វ័យក្មេង អាយុពី១១ ដល់១៦ឆ្នាំ និងគ្រូបង្វឹក [...]

ប៉ូកបា ឧទ្ទិស​ជ័យជំនះ​របស់​ក្រុម​បារាំង ឲ្យ​ទៅ​ក្មេង​ថៃ​ទាំង​១២

ប៉ូកបា ឧទ្ទិស​ជ័យជំនះ​របស់​ក្រុម​បារាំង ឲ្យ​ទៅ​ក្មេង​ថៃ​ទាំង​១២

ប្រសិនជាកីឡាករបារាំងមួយចំនួន បានសម្រេចប្រគល់ប្រាក់បំណាច់បន្ថែមពិសេស ដែលទទួលបាន បន្ទាប់ពីក្រុមខ្លួនរកបានជ័យជំនះ នៅក្នុងការប្រកួតនីមួយៗ ទៅឲ្យសមាគម ឬអង្គការមនុស្សធម៌នោះ កីឡាករ ប៉ូល ប៉ូកបា (Paul Pogba) ខ្សែបម្រើបារាំងវិញ បានជ្រើសរើសឧទ្ទិសជ័យជំនះរបស់ខ្លួន ទៅឲ្យកីឡាករបាល់ទាត់ វ័យក្មេងថៃ ទាំង១២នាក់ ដែលទើបនឹងត្រូវបានសង្គ្រោះ និងយក​ចេញ​ទាំង​អស់គ្នា ពីរូងភ្នំ​ស្ថិតនៅ​ភាគខាងជើង នៃប្រទេសថៃ ក្រោយពីពួកគេ បានជាប់គាំងខ្លួន អស់រយៈពេល១៧ថ្ងៃ នៅទីនោះមក។

ខ្សែបម្រើបារាំង បានបង្ហោះពាក្យពេជន៍ទាំងនេះ ជាភាសាអង់គ្លេស នៅលើទំព័រទ្វីសធើររបស់ខ្លួន ដោយមានអត្ថន័យ ជាខេមរភាសាទាំងស្រុង ដូចខាងក្រោមថា៖ «ជ័យជំនះ (កាលពីយប់ម៉ិញ ទល់នឹងក្រុម ប៊ែលហ្សិក) នេះ ត្រូវបានឧទ្ទិសទៅយុវកីឡាករ ដ័ក្លាហាន នៅថ្ងៃនេះ។ សូមអបអរសាទរ ដល់អ្នកទាំងអស់គ្នា! អ្នកឯងពិត​ជាអស្ចារ្យ​ខ្លាំង​ណាស់។»។

ក្មេង​និង​គ្រូ​ទាំង១៣ មិន​អាច​ទៅ​មើល​ការ​ប្រកួត​ផ្ដាច់ព្រ័ត្រ នៃ​បាល់ទាត់​ពិភពលោកទេ

ក្មេង​និង​គ្រូ​ទាំង១៣ មិន​អាច​ទៅ​មើល​ការ​ប្រកួត​ផ្ដាច់ព្រ័ត្រ នៃ​បាល់ទាត់​ពិភពលោកទេ

កុមារទាំងអស់ និងគ្រូបង្វឹករបស់ពួកគេ ទាំង១៣នាក់ ដែលទើបនឹងត្រូវបានយកចេញ ជាបន្តបន្ទាប់ ក្នុងបីថ្ងៃជាប់គ្នា ពីរូងភ្នំ ថាំហ្លួង (Tham Luang) ស្ថិតនៅភាគខាងជើង ប្រទេសថៃ នឹងមិនអាចឆ្លើយតប ជាវិជ្ជមាន ទៅនឹងការអញ្ជើញ របស់សហព័ន្ធបាល់ទាត់ពិភពលោក (Fifa) ដើម្បីអនុញ្ញាតឲ្យពួកគេ អាចទស្សនាដោយផ្ទាល់ភ្នែក នូវការប្រកួតផ្ដាច់ព្រ័ត្រ នៃបាល់ទាត់ពិភពលោក នៅថ្ងៃទី១៥ ខែកក្កដា ខាងមុខ ក្នុងប្រទេសរ៉ុស្ស៊ី នោះទេ។ នេះ បើតាមការអះអាង របស់ក្រុមគ្រូពេទ្យ នៅថ្ងៃអង្គារនេះ។

លោក «Thongchai Lertwilairatanapong» អ្នកទទួលខុសត្រូវម្នាក់ មកពីក្រសួងសុខាភិបាលថៃ បានថ្លែងទៅកាន់ក្រុមអ្នកសារព័ត៌មាន នៅថ្ងៃអង្គារនេះថា៖ «ពួកគេ (កុមារ និងគ្រូបង្វឹក) មិនអាចទៅទស្សនា ការប្រកួតផ្ដាច់ព្រ័ត្រនោះ បានទេ ព្រោះពួកគេចាំបាច់ ត្រូវសម្រាកនៅក្នុងមន្ទីរពេទ្យ សម្រាប់មួយរយៈពេលសិន»។

លោកថា៖ «តែពួកគេ អាចទស្សនាការប្រកួតនេះ [...]

ក្មេងនិងគ្រូទាំង១៣នាក់ ត្រូវបានសង្គ្រោះចេញពីរូងភ្នំអស់ហើយ!

ក្មេងនិងគ្រូទាំង១៣នាក់ ត្រូវបានសង្គ្រោះចេញពីរូងភ្នំអស់ហើយ!

បន្ទាប់ពីសង្គ្រោះក្មេងបាន៨នាក់ រាប់ពីថ្ងៃអាទិត្យ មកទល់នឹងយប់ថ្ងៃចន្ទម្សិលម៉ិញ នៅយប់ថ្ងៃអង្គារ ទី១០ ខែកក្កដានេះ ក្មេងទាំង៤នាក់ និងគ្រូបង្វឹកបាល់ទាត់ពួកគេម្នាកផង ដែលនៅសល់ ត្រូវបានក្រុមអ្នកជំនាញ ខាងមុជទឹក នាំចេញពីរូងភ្នំទាំងអស់ហើយ។ នេះ បើតាមអ្នកទទួលខុសត្រូវ នៃការសង្គ្រោះ​ជនរងគ្រោះទាំង១៣នាក់ ដែលជាប់ខ្លួននៅក្នុងរូងភ្នំ ថាំហ្វួង (Tham Luang - ភាគខាងជើងប្រទេសថៃ) តាំងពីថ្ងៃទី ២៣ ខែមិថុនាកន្លងមក។

«កូនជ្រូកព្រៃទាំង១២នាក់ និងគ្រូបង្វឹកពួកគេម្នាក់ ត្រូវបាននាំចេញពីរូងភ្នំ ទាំងអស់ហើយ» នេះ ជាការអះអាងឡើង របស់ក្រុមអ្នកសង្គ្រោះ នៅលើទំព័រហ្វេសប៊ុកផ្លូវការ របស់ពួកគេ។ ក្រុមបាល់ទាត់នៃក្មេងទាំងនេះ មានឈ្មោះ ជាភាសាអង់គ្លេសថា «Wild Boars» ដែលមានន័យ ជាខេមរភាសាថា «ជ្រូកព្រៃ»។

ស្រង់សំដី ដោយទីភ្នាក់ងារព័ត៌មានបារាំង «AFP» ប្រភពពីក្រុមអ្នកសង្គ្រោះ បានអះអាងថា ក្មេងទី៩ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...