Posts tagged as "Ousmane Dembélé"

ក្រុមបាសឺឡូន (Barcelone FC) បានដណ្ដើមបានសំបុត្រចុងក្រោយ ក្នុងយប់ថ្ងៃទី១៤ ខែមីនានេះ ដើម្បីឡើងទៅវគ្គ១ភាគ៤ផ្ដាច់ព្រ័ត្រ នៃក្របខណ្ឌដណ្ដើមជើងឯកអ៊ឺរ៉ុប «Champions League» បន្ទាប់ពីក្រុមអ្នកមានបុណ្យ របស់ប្រទេសអេស្ប៉ាញមួយនេះ បានប្រកួតឈ្នះក្រុម ឆែលស៊ី (Chelsea) មកពីចក្រភពអង់គ្លេស នៅក្នុងផ្ទះខ្លួនឯង (កីឡាដ្ឋាន «Camp Nou» ក្រុងបាសឺឡូន អេស្ប៉ាញ) ដោយពិន្ទុ ៣-០ ដ៏ត្រចេះត្រចង់។

គ្រាប់បាល់ទាំងបីរបស់ក្រុម បាសា នោះ មានពីរគ្រាប់ រកបាននៅនាទីទី៣ និងទី៦៣ ដោយកីឡាករ លីយ៉ូនែល ម៉េស៊ី (Lionel Messi) ដ៏ល្បី ហើយជាគ្រាប់បាល់ទី៩៩ និងទី១០០ របស់កីឡាកជាតិអាហ្សង់ទីនរូបនេះ ដែលកីឡាកររកបាន នៅក្នុងរាល់ការប្រកួតក្របខណ្ឌអ៊ឺរ៉ុប ក្នុងពេលកន្លងមក។

រីឯគ្រាប់មួយគ្រាប់ទៀត របស់ក្រុមអ្នកមានបុណ្យ ដែលរកបាននៅនាទីទី២០ ដោយកីឡាករជាតិបារាំង អ៊ូស្មាន ដាំបេឡេ (Ousmane Dembélé) ក៏ដោយសារការបញ្ជូនបាល់ ដ៏ល្អរបស់កីឡាករ [...]

ក្រុមបាល់ទាត់ បាសឺឡូន (Barcelone) របស់ប្រទេសអេស្ប៉ាញ រកបានកីឡាករ មកជំនួសកីឡាករ ណីម៉ា (Neymar) ដែលបានចាកចេញ ទៅកាន់ក្រុមប៉ារីស (Paris Saint-Germain) ហើយឬ? ជំនួសបាន ឬមិនបាន គេត្រូវរង់ចាំមើលថ្វីជើង របស់កីឡាករ អ៊ូស្មាន ដាំបេឡេ (Ousmane Dembélé) អាយុ២០ឆ្នាំ ជាតិបារាំង ដែលទើបនឹងចុះហត្ថលេខា នៅលើកិច្ចសន្យារយៈពេល៥ឆ្នាំ ជាមួយនឹងក្រុម «អ្នកមានបុណ្យ» របស់ប្រទេសអេស្ប៉ាញ។

កីឡាករវ័យក្មេង នឹងត្រូវបង្ហាញខ្លួនជាផ្លូវការ នៅថ្ងៃចន្ទនេះ នៅចំពោះក្រុមអ្នកគាំទ្រ។ ទិញចេញពីក្រុម ដ័រមូន (Borussia Dortmund - អាល្លឺម៉ង់) កីឡាកររូបនេះ បានក្លាយជាកីឡាករ ដែលមានតម្លៃខ្លួនប្រមាណជា ១៤៥លានអ៊ឺរ៉ូ ថ្លៃជាងគេទីពីរ ក្នុងពិភពលោកបន្ទាប់ពីកីឡាករ ណីម៉ា ដែលបានបង់ប្រាក់រំលោះ កិច្ចសន្យាចាកចេញពីក្រុម បាសឺឡូន ចំនួន២២២លានអ៊ឺរ៉ូ កាលពីចុងខែកន្លងទៅ។ 

កីឡាករ ដាំបេឡេ នឹងពាក់អាវប្រកួត លេខ ១១ ដែលជាលេខអាវ របស់កីឡាករ [...]