ស៊ាំស្ស៊ុង ចេញម៉ាស៊ីនថត«ហ្គាឡាក់ស៊ី អ៊ិនអ៊ិច» ជំនាញខាងប្តូរកាណុង (រូបភាព)
ក្រុមស៊ាំស្ស៊ុងបានប្រកាសចេញនូវ ប្រភេទកាមេរ៉ាថ្មី ដែលអាចប្តូរកាណុងបានច្រើនប្រភេទ លើកដំបូងបង្អស់ ដែលដំណើរការដោយប្រព័ន្ធអេនដ្រយ (Android) មានឈ្មោះថា «ហ្គាឡាក់ស៊ី អ៊ិនអ៊ិច» (Galaxy NX)។ ឧបករណ៏នេះ ជាជំនាន់ក្រោយថ្មីមួយទៀត បន្ទាប់ពី «ហ្គាឡាក់ស៊ី កាមេរ៉ា» (Galaxy Camera) ដែលនាំមកនូវទំហំធំជាងមុន និងកាណុងគ្រប់បែប។
ហ្គាឡាក់ស៊ី អ៊ិនអ៊ិចនេះ នឹងធ្វើឲ្យអ្នកប្រើប្រាស់មានការជាប់ចិត្ត ជាមួយនឹងគុណភាពរូបភាពយ៉ាងច្បាស់ល្អ ជាមួយនឹងទំហំ ២០.៣មេហ្គាភិចស្ស៊ែល និងអាចថតជាវីឌីអូ បានទំហំ១០៨០ភិចស្ស៊ែល។
អ្វីដែលជាលក្ខណៈពិសេសដ៏អស្ចារ្យបំផុតរបស់វានោះ ជាមួយនឹង «ហ្គាឡាក់ស៊ី អ៊ិនអ៊ិច» អ្នកអាចប្រើប្រាស់ប្រភេទកាណុងណាមួយដែលអ្នកពេញចិត្តបានយ៉ាងអស់ដៃ ដែលមានជាច្រើនប្រភេទឲ្យជ្រើសរើសដូចជា៖ pancake [...]
