បាល់ទាត់អេស្ប៉ាញ៖ បាសេឡូណា មានមហិច្ឆតាចង់បានខ្សែបម្រើឆែលស៊ី
ក្រុមបាល់ទាត់ម្ចាស់ជើងឯកឡាលីកា (La Liga) បាសេឡូណា (Barcelona) បានត្រៀមលុយជាង ២៥.៥លានដុល្លា (ជិត២០លានអ៊ឺរ៉ូ) និងថែមខ្សែប្រយុទ្ធអាឡិចស៊ីស សាន់ឆែស (Alexis Sanchez) ម្នាក់ទៀត ដើម្បីធ្វើការដោះដូរយកកីឡាករខ្សែបម្រើ ដែលកំពុងតែឡើងជើងចន ម៉ាតា (Juan Mata) ពីក្រុមតោខៀវឆែលស៊ី (Chelsea) នេះបើតាមកាសែតក្នុងស្រុកមួយរបស់អេស្ប៉ាញបានរាយការណ៏ កាលពីម្សិលមិញ។
ចន ម៉ាតា កីឡាករខ្សែបម្រើ របស់ក្រុមតោខៀវឆែលស៊ី។
អតីតកីឡាករក្រុមវ៉ាឡិនសៀ (Valencia) ម៉ាតា ជាកីឡាករដែលល្អបំផុតក្នុងក្រុមឆែលស៊ី គិតចាប់ពីពេលមកចូលរួមជាមួយក្រុមនៅទីក្រុងឡុងដ៏មួយនេះ ក្នុងតម្លៃខ្លួន៣៥.៤លានដុល្លា កាលពីឆ្នាំ២០១១ ហើយគាត់អាចនឹងលេងត្រូវតាមក្បួន ដែលបាសេឡូណាចង់បាន។
[...]