Posts tagged as "CCHR"

បើរាប់អាយុតាមរបៀបខ្មែរ  (ឬនៅអាស៊ីខាងកើត) ប្រធានគណបក្សសង្គ្រោះជាតិ លោក កឹម សុខា មានអាយុ៦៤ ចូល៦៥ឆ្នាំហើយ (តាមបែបលោកខាងលិច លោក កឹម សុខា មានអាយុ១ឆ្នាំក្មេងជាង) នៅថ្ងៃនេះ។ គឺនៅថ្ងៃទី២៧ ខែមិថុនា ឆ្នាំ១៩៥៣ ត្រូវជាឆ្នាំម្សាញ់ ដែលទារក កឹម សុខា បានចាប់កំណើត ក្នុងឃុំ​ឧត្ដម​សូរិយា ស្រុក​ត្រាំ​កក់ ខេត្ត​តាកែវ។

ផ្ទុយពីការជូនពរ ដែលត្រូវបានធ្វើឡើង ដោយក្រុមអ្នកគាំទ្រ និងបណ្ដាមេដឹកនាំជាតិ និងអន្តរជាតិជាច្រើននោះ លោក កឹម សុខា ខ្លួនលោកបានជ្រើសរើសការបង្ហោះរូបថត ឃើញរូបលោកស្លៀកពាក់ខោអាវសមញ្ញ អង្គុយបត់ជើងសំពះម្ដាយរបស់លោក ជាមួយនឹងសារខ្លីៗ ចំនួនបីឃ្លា ដូចខាងក្រោម៖ 

ថ្ងៃនេះកាលពី៦៤ឆ្នាំមុន (ថ្ងៃទី២៧ ខែមិថុនា ឆ្នាំ១៩៥៣) គឺជាថ្ងៃដែលម៉ែ បានផ្ដល់កំណើតឲ្យកូន កូនបានឃើញពន្លឺព្រះអាទិត្យ។ អ្នកម៉ែ តែងតែប្រៀនប្រដៅកូន ឲ្យកូនខិតខំសិក្សារៀនសូត្រ ទោះបីគ្រួសារយើងក្រីក្រក្ដី។

[...]

នៅក្នុងសិក្ខាសាលាមួយ ដែលធ្វើឡើងក្រោមប្រធានបទ «លើកកម្ពស់សិទ្ធិមនុស្ស ក្នុងការប្រតិបត្តិធុរកិច្ច» នៅថ្ងៃទី២៧ និង២៨ ខែតុលា ឆ្នាំ២០១៥ នៅសណ្ឋាគារ អ៊ីមផឺរៀលហ្គាឌិនវិឡា និងអូតែល រាជធានីភ្នំពេញ ដោយមានការចូលរួមជាច្រើនស្ថាប័ន ដើម្បីពិភាក្សា ពីការគោរពសិទ្ធិមនុស្ស ក្នុងវិស័យឯកជន។

អ្នកស្រី ខៃ ចិន្តា តំណាងឲ្យក្រុមហ៊ុនឯកជន ផ្នែកទេសចរណ៍ បានថ្លែងឡើង ពីការគោរពសិទ្ធិមនុស្ស នៅ​ក្នុង​ក្រុមហ៊ុនរបស់អ្នកស្រី មានដូចជា ការឲ្យឈប់សម្រាក ប្រចាំសប្តាហ៍ ថ្ងៃបុណ្យជាតិ និងការផ្តល់ប្រាក់លើ ទឹកចិត្តជាដើម។ តែបើបុគ្គលិកសុំឈប់ មានភារះកិច្ចផ្ទាល់ គឺត្រូវមានហេតុផលគ្រប់គ្រាន់ និងច្បាស់​លាល់ ស្របតាមច្បាប់ការងារ ទើបខាងអ្នកស្រីអនុញ្ញាត ឲ្យឈប់សម្រាក។ អ្នកស្រីបាននិយាយថា៖ «សិទ្ធិ​មនុស្ស មាន័យទូលំទូលាយ ហើយមនុស្សគ្រប់រូប ត្រូវតែដឹង គោរព និងរៀនសូត្រ អំពីសិទ្ធិមនុស្ស»។

អ្នកស្រីបានបន្តទៀតថា [...]

មើលទៅ យុទ្ធនាការ«ដើម្បីលុបបំបាត់និទណ្ឌភាព»នៅកម្ពុជា របស់មជ្ឈមណ្ឌលសិទ្ធិមនុស្ស ពិតជាមិនធម្មតាទេ។ មិនធម្មតា ព្រោះមជ្ឈមណ្ឌលដ៏ល្បីឈ្មោះមួយនេះ បានសំរុកកៀងគររកអ្នកគាំទ្រយុទ្ធនាការរបស់ខ្លួន នៅតាមគ្រប់ច្រកល្ហកនៃប្រព័ន្ធផ្សព្វផ្សាយ និងមានទំហំធំមិនធ្លាប់ដែលមានពីមុនមក។

អ្វីដែលគេបានសង្កេតឃើញ និងដើម្បីប្រមូលឲ្យបានអ្នកគាំទ្រជាច្រើននោះ មជ្ឈមណ្ឌលបានចេញជាសេចក្តីថ្លែងការណ៍មួយ ទៅដល់អ្នកសារព័ត៌មាន អង្គការដៃគូមួយចំនួននៅក្នុងប្រទេស ដែលក្នុងនោះ មានការផ្ញើរតាមទូរសាអេឡិកត្រូនិក ទំព័រហ្វេសប៊ុករបស់ម្ជ្ឈមណ្ឌល និងតាមបណ្តាញសង្គមផ្សេងៗទៀត។ បន្ទាប់ពីនោះមក យុវជន និងបុគ្គលិកអង្គការសង្គមស៊ីវិលជាច្រើន បានប្តូរទម្រង់រូបថតរបស់ខ្លួន នៅក្នុងគណនីហ្វេសប៊ុក ដើម្បីបំផុសឲ្យមនុស្សដទៃទៀត បន្តយល់ដឹង និងធ្វើការគាំទ្រ ឫចូលរួមក្នុង យុទ្ធនាការនេះ។

បន្ទាប់ពីមានការប្តូរូបថត ដែលមានកាន់ជាផ្ទាំងក្រដាស A4 ដែលមានសរសេរឃ្លាថា [...]

របាយការណ៍លើកទីប្រាំពីរ របស់មជ្ឈមណ្ឌលសិទ្ធិមនុស្សកម្ពុជា ស្តីពីភាពអយុត្តិធម៌នៅសាលាឧទ្ធណ៍ ត្រូវបាន​ចេញផ្សាយក្នុងអំឡុងពេល ដែលលោក សូរិយា ស៊ូប៊ែរឌី មានវត្តមាននៅកម្ពុជា។

ផ្លាកសញ្ញាបញ្ជាក់ពីយុត្តិធម៌ ពីខាងក្រៅសាលាឧទ្ទរណ៍។ (រូបថត MONOROOM.info/ O. Vary)

ប្រព័ន្ធយុត្តិធម៌ - ក្នុងថ្ងៃទី២៣ ខែមិថិនា ឆ្នាំ២០១៤នេះ មជ្ឈមណ្ឌលសិទ្ធិមនុស្សកម្ពុជា(ម.ស.ម.ក) បានធ្វើការ​វាយ​តម្លៃលើការគោរពសិទ្ធិ និងការជំនុំជម្រះដោយយុត្តិធម៌នៃសាលាឧទ្ធរណ៍។

យោងតាមរបាយការណ៍នេះ បើទោះបីជាសាលាឧទ្ធរណ៍បាន​បង្ហាញ​ខ្លួនឯងថាមានការគោរពច្បាប់ គោរពនីតិវិធី ក្នុងការធានាបាននូវសិទ្ធិទទួលការជម្រះ ប្រកបដោយយុត្តិធម៌ក៏ដោយ តែប្រជា​ពលរដ្ឋភាគច្រើននៅតែបង្ហាញពី​ការព្រួយបារម្ភ ដែលភាពយុត្តិធម៌នេះ [...]

ព្រឹទ្ធិសភាកម្ពុជា បានកំពុងបើកសម័យប្រជុំវិសាមញ្ញ ដើម្បីពិនិត្យ និងឲ្យយោបល់ ជាមួយនឹងការប្រថាប់ត្រា ទៅលើ​សេចក្ដីព្រាងច្បាប់ចំនួនបី ពាក់ព័ន្ធនឹងស្ថាប័នតុលាការ បើទោះជាអវត្តមានសមាជិកព្រឹទ្ធសភា មកពីគណបក្ស​ប្រឆាំង និងការស្នើសុំពន្យាពេល នៃការពិនិត្យច្បាប់នេះ ពីក្រុមអង្គការសង្គមស៊ីវិលជាតិ និងអន្តរជាតិក៏ដោយ។

ស្ថាប័នតុលាការកំពូលកម្ពុជា មើលពីក្រៅ។ (រូបថត MONOROOM.info/ O. Vary)

ប្រព័ន្ធច្បាប់កម្ពុជា - នៅថ្ងៃទី១២ ខែមិថុនានេះ ព្រឹទ្ធសភានៃព្រះរាជាណាចក្រកម្ពុជា បានបើកសម័យប្រជុំរបស់ខ្លួន ដើម្បីពិនិត្យផ្តល់យោបល់ និងការប្រថាប់ត្រាលើច្បាប់បីពាក់ព័ន្ធនឹងតុលាការ បន្ទាប់ពីរដ្ឋសភាបានដាក់​មកក្នុង​ដើម​ខែមិថុនានេះ។