របាយការណ៍លើកទីប្រាំពីរ របស់មជ្ឈមណ្ឌលសិទ្ធិមនុស្សកម្ពុជា ស្តីពីភាពអយុត្តិធម៌នៅសាលាឧទ្ធណ៍ ត្រូវបាន​ចេញផ្សាយក្នុងអំឡុងពេល ដែលលោក សូរិយា ស៊ូប៊ែរឌី មានវត្តមាននៅកម្ពុជា។

ផ្លាកសញ្ញាបញ្ជាក់ពីយុត្តិធម៌ ពីខាងក្រៅសាលាឧទ្ទរណ៍។ (រូបថត MONOROOM.info/ O. Vary)

ប្រព័ន្ធយុត្តិធម៌ - ក្នុងថ្ងៃទី២៣ ខែមិថិនា ឆ្នាំ២០១៤នេះ មជ្ឈមណ្ឌលសិទ្ធិមនុស្សកម្ពុជា(ម.ស.ម.ក) បានធ្វើការ​វាយ​តម្លៃលើការគោរពសិទ្ធិ និងការជំនុំជម្រះដោយយុត្តិធម៌នៃសាលាឧទ្ធរណ៍។

យោងតាមរបាយការណ៍នេះ បើទោះបីជាសាលាឧទ្ធរណ៍បាន​បង្ហាញ​ខ្លួនឯងថាមានការគោរពច្បាប់ គោរពនីតិវិធី ក្នុងការធានាបាននូវសិទ្ធិទទួលការជម្រះ ប្រកបដោយយុត្តិធម៌ក៏ដោយ តែប្រជា​ពលរដ្ឋភាគច្រើននៅតែបង្ហាញពី​ការព្រួយបារម្ភ ដែលភាពយុត្តិធម៌នេះ អាចមានតែសម្រាប់អ្នកមានអំណាច ឬបក្សពួកនិយម។ ភាពមិនឯករាជ្យ​មួយ​របស់តុលាការកម្ពុជា អាចកើតឡើងដោយលក្ខណៈប្រព័ន្ធ ដែលជាបញ្ហាសំខាន់មួយ និងត្រូវធ្វើការកំណែទម្រង់​នូវ​បញ្ហាទាំងនេះ។

លោក ឌុច ពិសិទ្ធិ អ្នកសម្របសម្រួលមជ្ឈមណ្ឌលសិទ្ធិមនុស្ស បានបង្ហាញនូវកិច្ចស្វាគមន៍ ចំពោះការបិទផ្សាយ​កាលបរិច្ចេទជាសាធារណៈ អំពីការជំនុំជំរះរបស់សាលាឧទ្ធណ៍នេះ។ លោកបានបន្តថា ពិសេសេការជូនដំណឹង​ទៅ​ដល់ពិរុទ្ធជន ឬជនដែលត្រូវជាប់ចោទ បានដឹងពីដំណឹងនៃការបើកសវនាការរបស់ខ្លួនជាមុន។ យ៉ាងនេះក្តី លោក​នៅតែបង្ហាញពីការព្រួយបារម្ម និងត្រូវដោះស្រាយជាបន្ទាន់ថា «ចៅក្រមត្រូវតែពន្យល់ អំពីសិទ្ធិដល់ពិរុទ្ធជន។ (...) ត្រូវសម្រួលជាមួយមន្រ្តីពន្ធនាគារព ឲ្យបានកាន់តែល្អប្រសើរដើម្បីធានាថា ពិរុទ្ធជននិងមានវត្តមាននៅក្នុង​ពេល​សវនាការ។ គំរូនេះនឹងផ្តល់ផលជាវិជ្ជមានសម្រាប់តុលាការនៅកម្ពុជា។»

នេះជាគម្រោងសង្កេតការណ៏ នៃសវនាការ ឬការអនុវត្តន៏របស់សាលាឧទ្ធរណ៍ ដែលជារបាយការណ៏លើកដំបូង របស់ ម.ស.ម.ក ក៏បានវិភាគទិន្នន័យបង្ហាញថា គុណភាពនៃភស្តុតាង ដែលបានបង្ហាញ នៅមានលក្ខណៈខ្វះខាត និងគំរាមកំហែង ដែលសិទ្ធិទទួលបានការ ផ្តន្ទាទោសឲ្យហួសពីវិមតិសង្ស័យ ព្រមទាំងបង្ហាញថា សាលដីកាក្នុង​សំនុំរឿង​ភាពច្រើន មិនបានប្រកាសដោយយោងមាត្រាច្បាប់ ឬភស្តុតាងនោះទេ៕