ស៊ាំស៊ុង​បង្ហាញ​ហ្គាឡាក់ស៊ី អេស៤ហ្ស៊ូម មាន​ម៉ាស៊ីន​ថត១៦ម៉េហ្គា​ភិចស្ស៊ែល

ក្រុមហ៊ុនស៊ាំស៊ុង (Samsung) បានបង្ហាញនូវទូរស័ព្ទដៃវ៉ៃឆ្លាតស៊េរីថ្មីម៉ូដែល ហ្គាឡាក់ស៊ី អេស៤ហ្ស៊ូម ( Zoom) កាល​ពី​ថ្ងៃពុធ ដែលនាំមកនូវម៉ាស៊ីនថតទំហំ ១៦ម៉េហ្គាភិចស្ស៊ែល និងអាចទាញរូបភាពឲ្យធំបាន ១០តង់។
Loading...
  • ដោយ: វិន ជីវ័ន្ត
  • កែប្រែចុងក្រោយ: June 13, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រុមហ៊ុនស៊ាំស៊ុង (Samsung) បានបង្ហាញនូវទូរស័ព្ទដៃវ៉ៃឆ្លាតស៊េរីថ្មីម៉ូដែល ហ្គាឡាក់ស៊ី អេស៤ហ្ស៊ូម ( Zoom) កាល​ពី​ថ្ងៃពុធ ដែលនាំមកនូវម៉ាស៊ីនថតទំហំ ១៦ម៉េហ្គាភិចស្ស៊ែល និងអាចទាញរូបភាពឲ្យធំបាន ១០តង់។


ទូរស័ព្ទដៃហ្គាឡាក់ស៊ីថ្មីរបស់ស៊ាំស៊ុង ដែលអាចថតរូបបានអស់ពីចិត្ត។

ហ្គាឡាក់ស៊ី អេស៤ហ៊្សូមនេះ ត្រូវបានគេហៅថា ជាកូនកាត់រវាង ហ្គាឡាក់ស៊ី អេស៤ម៉ីនី (Galaxy S4 Mini) និង​ហ្គាឡាក់ស៊ី កាមេរ៉ា (Galaxy Camera)។ ផ្នែកមួយរបស់វា ជាប្រភេទទូរស័ព្ទដៃវ៉ៃឆ្លាត និងមួយផ្នែកទៀត ជាកាមេរ៉ា​ប្រភេទស៊ីមូស (CMOS)។

ក្រុមហ៊ុនស៊ាំស៊ុង បានឲ្យដឹងថា «វាជាការរួមបញ្ចូលគ្នា រវាងទូរស័ព្ទដៃវ៉ៃឆ្លាត និងកាមេរ៉ា ដ៏មានឥទ្ធិពលមួយ។ ហើយ​វានឹងក្លាយជាឧបករណ៏មួយ ដែលនឹងមានតម្រូវការច្រើន សម្រាប់អ្នកប្រើប្រាស់។»

លក្ខណៈសម្បត្តិរបស់ ហ្គាឡាក់ស៊ី អេស៤ហ្ស៊ូម សំខាន់ៗមានដូចជា៖
• អេក្រង់ទំហំ៖ ៤.៣អ៊ីញ (៩៦០ X ៥៤០)
• ម៉ាស៊ីនទំហំ៖ ១.៥ជីហ្គាអែក, ប្រភេទឌូខរ Dual Core
• ប្រព័ន្ធប្រតិបត្តិការ៖ អេនដ្រយ ៤.២ ជេលីប៊ីន (Jelly Bean)
• កាមេរ៉ាក្រោយ៖ ១៦ម៉េហ្គាភិចស្ស៊ែល អាចហ្ស៊ូមបាន ១០តង់
• កាមេរ៉ាមុខ៖ ១.៩ម៉េហ្គាភិចស្យ៊ែល
• វិមាត្រ (បណ្តោយ X ទទឹង X កម្រាស់)៖ ១២៥.៥ X ៦៣.៥ X ១៥.៤មីលីម៉ែត្រ
• ថ្មទំហំ៖ ២.៣៣០មីលីអំពែម៉ោង
• ទម្ងន់៖ ២០៨ក្រាម
• អង់ចងចាំ (RAM) ទំហំ៖ ១.៥ ជីហ្គាបៃ
• អាចផ្ទុកបាន៖ ៨ជីហ្គាបៃនៅក្នុងម៉ាស៊ីនស្រាប់, អាចបន្ថែមកាតពីលើទៀត រហូតដល់ ៦៤ជីហ្គាបៃ

លោកជេឃេ ស្ស៊ីន (JK Shin) នាយកចែកចាយផលិតផលអេឡិចត្រូនិច របស់ក្រុមហ៊ុនស៊ាំស៊ុង បាននិយាយថា «ដោយ​សារតែឧបករណ៏ផ្នែកទំនាក់ទំនង មានការកើនឡើង នឹងតម្រូវការរូបភាពជាការចាំបាច់មួយ ហើយមនុស្សតែងតែ​ចង់បាន​នូវរូបភាពច្បាស់ល្អ និងមានគុណភាពខ្ពស់នោះ ខ្ញុំជឿថាហ្គាឡាក់ស៊ី អេស៤ហ្ស៊ូមនេះ នឹងក្លាយជាទីពេញនិយមមួយ។»

ទោះបីជាយ៉ាងណា ទូរស័ព្ទដៃស៊េរី ហ្គាឡាក់ស៊ី អេស៤ ជំនាន់ចុងក្រោយគេនេះ ក្រុមហ៊ុនពុំទាន់ប្រកាសពីតម្លៃ​ឲ្យដឹង​នៅ​ឡើយទេ។ ប៉ុន្តែក្រុមហ៊ុនគ្រាន់តែបង្ហើបឲ្យដឹងថា ឧបករណ៏នេះនឹងចេញលក់នៅប្រទេសអង់គ្លេសនៅរដូវក្តៅនេះ ហើយ​នឹងចរាចរណ៏ក្នុងទីផ្សារអាមេរិក និងអ៊ឺរ៉ុប នៅក្នុងត្រីមាសទី៤ឆ្នាំនេះ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៣ ខែមិថុនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...