Posts in ‘សម្រាំងវិទ្យាសាស្ត្រ បច្ចេកវិទ្យា’ Category

គម្រោង​មួយ​​នឹង​អូសខ្សែកាបក្រោមសមុទ្រ ភ្ជាប់ជប៉ុនមកកម្ពុជា

គម្រោង​មួយ​​នឹង​អូសខ្សែកាបក្រោមសមុទ្រ ភ្ជាប់ជប៉ុនមកកម្ពុជា

ប្រទេសនៅតំបន់អាស៊ីខាងកើត ដែលនឹងទទួលវាសនា បានភ្ជាប់បណ្ដាញខ្សែកាបក្រោមសមុទ្រ (fiber-optic submarine cables) របស់សហគ្រាស «True Corporation» (ប្រទេសថៃ) មានដូចបង្ហាញជូន នៅក្នុងផែនទីខាងលើ ដែលគេមើលឃើញថា កម្ពុជាក៏ជាប្រទេសមួយ ក្នុងចំណោមនោះដែរ។ នេះ បើតាមការចុះផ្សាយ របស់បណ្ដាញ​ទូរទស្សន៍សាធារណៈថៃ «Thai Public Broadcasting Service»។

គេហទំព័ររបស់ «Thai PBS» បានរាយការណ៍ថា ការចុះហត្ថលេខាបណ្ដាក់ទុនមួយ រវាងសហគ្រាសចំនួន៩ ត្រូវបានធ្វើកាលពីខែកន្លងទៅ ជាមួយនឹងសហគ្រាសជប៉ុន «NEC Corporation» ដើម្បីសាងសង់បណ្ដាញខ្សែកាប ខាងក្រោមមហាសមុទ្រប៉ាស៊ីភិក  ចេញពីប្រទេសជប៉ុន មកកាន់ប្រទេសសិង្ហបូរី ដោយឆ្លងកាត់តាម សមុទ្រជប៉ុន និងសមុទ្រចិនខាងត្បូង។

សហគ្រាសទាំង៩មាន China Mobile International, Chunghwa Telecom, Chuan Wei, Facebook, KDDI, Singtel, SK Broadband, True Group និង VNPT។

[...]

ហ្វេសប៊ុកកំទេចគណនី និងទំព័ររាប់រយ ដែលបង្កើតចេញពីរ៉ូស្ស៊ី

ហ្វេសប៊ុកកំទេចគណនី និងទំព័ររាប់រយ ដែលបង្កើតចេញពីរ៉ូស្ស៊ី

ថៅកែហ្វេសប៊ុក លោក ម៉ាក ហ្សូឃ័រប៊ែរ (Mark Zuckerberg) បានប្រកាសនៅថ្ងៃអង្គារនេះថា បណ្ដាញសង្គមយក្សរបស់លោក នឹងបិទគណនីក្លែងក្លាយរាប់រយ (ឈានដល់រាប់ពាន់) ដែលបង្កើតចេញ ពីប្រទេសរ៉ូស្ស៊ី និងទំព័ររាប់រយទៀត ដែលបង្កើតឡើង ដោយអង្គការចាត់តាំងមួយ ដែលមានលក្ខណៈ និងមានជំនាញ ខាងការចំអកឌឺដង (Troll)។ សកម្មភាពរបស់គណនី និងទំព័រទាំងនោះ មានគោលបំណងតែមួយគត់ គឺបង្កើតភាពឃ្លីងឃ្លោង ដែលជះឥទ្ធិពល ទៅដល់ការបោះឆ្នោត ប្រធានាធិបតីអាមេរិក កាលពីឆ្នាំ២០១៦។

ម្ចាស់ហ្វេសប៊ុកបានបញ្ជាក់ទៀតថា អត្ថបទ និងទំព័រជាច្រើនសិប ដែលរងការកំទេចចោលនោះ ជាកម្មសិទ្ធរបស់ទីភ្នាក់ងារមួយ ឈ្មោះ «Federal News Agency (FAN)» ដែលមានទីតាំង ក្នុងប្រទេសរ៉ូស្ស៊ី និងមានការទាក់ទង ជាលក្ខណៈបច្ចេកទេស និងហេដ្ឋារចនាសម្ព័ន្ធ ជាមួយនឹងទីភ្នាក់ងារមួយទៀត ឈ្មោះ «Internet Research Agency» ដែលមានទីតាំង នៅក្រុង «Saint-Pétersbourg» ប្រទេសរ៉ូស្ស៊ី។

[...]

ហ៊ុន ម៉ានិត ថាគណនីហ្វេសប៊ុកខ្លួន រងការប៉ុនប៉ង Hack

ហ៊ុន ម៉ានិត ថាគណនីហ្វេសប៊ុកខ្លួន រងការប៉ុនប៉ង Hack

សម្រាប់លោក ហ៊ុន ម៉ានិត កូនប្រុសនាយករដ្ឋមន្ត្រី និងជាអគ្គនាយកផ្នែកចារកម្ម នៃក្រសួងការពារជាតិ បានអះអាងថា បើមានការប្លន់ (Hack) យកគណនីហ្វេសប៊ុករបស់លោក ទៅគ្រប់គ្រងនោះ វាជាទង្វើ ដើម្បី«បំភ្លៃ បំផ្លើស និងប្រឌិតព័ត៌មាន» ខណៈការបោះឆ្នោតជាតិ កាន់តែកៀកខិតជិតមកដល់។

កូនប្រុសទីពីរ របសលោក ហ៊ុន សែន រូបនេះ បានសរសេរដូច្នេះ នៅលើបណ្ដាញសង្គម នៅមុននេះបន្តិច។ លោកបានសរសេរថា៖ «ប៉ុន្មានថ្ងៃនេះ មានការប៉ុនប៉ង "Hack fb" របស់ខ្ញុំ។ ប្រសិនបើជាគេយកបាន គេអាចដាក់អ្វី ក៏បានដែរ លើ "Account" មួយនេះ ដូចអ្វីដែលគេបានធ្វើ ពីមុនមកហើយ។ លើ "Account" ផ្សេងៗ ដែលបាន "Hack" ពីមុនមក គេបានកែឆ្នៃព័ត៌មាន ធ្វើអោយមានចម្ងល់ និងបង្កពាក្យចចាមអារ៉ាម [យ៉ាង]ច្រើន។»

លោក ម៉ានិត ដែលមានពាក់ផ្កាយបី (ឋានន្តរស័ក្ដិ ជាឧត្ដមសេនីយឯក) នៅលើស្មារ បានពន្យល់ថា៖ «ការបោះឆ្នោត កាន់តែកៀកខិត​ជិតមកដល់ ព័ត៌មានក្លែងក្លាយ [...]

ក្រុម ហេគ័រ បង្ហោះវីដេអូ​ «ហ៊ុន ម៉ានី ពូកែខាំស្រីៗ»

ក្រុម ហេគ័រ បង្ហោះវីដេអូ​ «ហ៊ុន ម៉ានី ពូកែខាំស្រីៗ»

វីដេអូ​​ដ៏អាស្រូវយ៉ាងហោចចំនួនបួន ត្រូវ​បានជនអនាមិក យកមកបង្ហោះជាសាធារណៈ ដំបូងឡើយ នៅថ្ងៃទី១៤ ខែកុម្ភៈ លើគេហទំព័រចែកផ្សាយវីដេអូ យូធូប (Youtube) ​មុននឹងវីដេអូទាំងនេះ ត្រូវបានយកមកបង្ហោះបន្តទៀត នៅពាសពេញលើបណ្ដាញសង្គម។ វីដេអូទាំងនោះ ជាការថតពីអេក្រង់ (Shot Screen) របស់ប្រព័ន្ធផ្ញើរសារឯកជន ហ្វេសប៊ុក ​ដោយបង្ហាញពីការជជែក រវាងគណនីមួយឈ្មោះ «Many Hun» និងគណនីរបស់ស្ត្រីជាច្រើននាក់ រួមនឹងគណនីរបស់ឈ្មោះ «Kham Phouri» នោះផង។

ការបង្ហោះវីដេអូ កម្រិត«HD 1080» ទាំងនេះ ធ្វើឡើងនៅក្រោយពេលគណនី និងទំព័រហ្វេសប៊ុករបស់លោក ហ៊ុន ម៉ានី កូនប្រុសលោកនាយករដ្ឋមន្ត្រី ហ៊ុន សែន ត្រូវបានក្រុម ហេគ័រ (​Hackers - ជំនាញខាងប្លន់គេហទំព័រ) ទាញយកទៅកាន់កាប់ តាំងពីល្ងាចថ្ងៃទី១៤ ខែកុម្ភៈ ដូចគ្នា។

លិខិតជូនដំណឹងមួយច្បាប់ ចេញផ្សាយដោយលេខាធិការដ្ឋាន ​របស់កូនប្រុសនាយករដ្ឋមន្ត្រី បានឲ្យដឹងពីការបាត់បង់គណនី [...]

កម្មវិធី​មួយ​នៅ​លើ​ទូរស័ព្ទ​ដៃ ពន្យល់​ពី​រឿង​រ៉ាវ​ខ្មែរ​ក្រហម

កម្មវិធី​មួយ​នៅ​លើ​ទូរស័ព្ទ​ដៃ ពន្យល់​ពី​រឿង​រ៉ាវ​ខ្មែរ​ក្រហម

កម្មវិធីនេះ មានឈ្មោះពេញជាភាសាអង់គ្លេស «Khmer Rouge History» និងមានន័យ ជាខេមរភាសា «ប្រវត្តិសាស្ត្រ​ខ្មែរក្រហម»។ បង្កើតឡើងដោយមជ្ឈមណ្ឌល បុប្ផាណា (Bophana) នៅរាជធានីភ្នំពេញ កម្មវិធីនេះមានទិសដៅសំខាន់បំផុត សម្រាប់យុវជនជំនាន់ក្រោយ (អាយុក្រោម៣០ឆ្នាំ) ប្រមាណជា២ភាគ៣ នៃប្រជាជនកម្ពុជាសរុប ដែលមិនបានកើតទាន់ សម័យប្រល័យពូជសាសន៍ បីឆ្នាំប្រាំបីខែម្ភៃថ្ងៃ ប៉ុលពត - អៀង សារី - ខៀវ សំផន រវាងពីឆ្នាំ១៩៧៥ មកទល់នឹងឆ្នាំ១៩៧៩។

លោក កែវ ឌួង សហស្ថាបនិកនៃកម្មវិធីខាងលើ និងជាមន្ត្រីមួយរូប របស់មជ្ឈមណ្ឌលបុប្ផាណា បានថ្លែងនៅក្នុងពិធី ធ្វើបទបង្ហាញនានា ស្ដីពីកម្មវិធីខាងលើថា យុវជនជំនាន់ក្រោយ ក្នុងពេលបច្ចុប្បន្នមិនចូលចិត្តអានច្រើននោះទេ ប៉ុន្តែពួកគេទាំងនោះភាគច្រើន សុទ្ធតែមានទូរស័ព្ទរបស់ពួកគេ រៀងៗខ្លួន។ ដូច្នេះហើយ កម្មវិធីមួយដែលសម្រាប់បំពាក់ នៅក្នុងទូរស័ព្ទទំនើប ដោយមានទាំងសម្លេង វីដេអូ និងរូបថតផងនោះ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...