Posts tagged as "Bernard Cazeneuve"

ដក​កាំបិត​ចាក់​​ទាហាន​ រួចស្រែក«ព្រះអាឡាហ៍ធំធេងណាស់»

ដក​កាំបិត​ចាក់​​ទាហាន​ រួចស្រែក«ព្រះអាឡាហ៍ធំធេងណាស់»

បុរសម្នាក់ បានបើកការ​វាយប្រហារ ទៅលើទាហានដើរល្បាតមួយរូប ដោយប្រើកាំបិត «សស្ងាច» នៅ​នឹង​ដៃ និង​ដោយ​ស្រែក​ឡើង​ថា «Allah Akbar = ព្រះអាឡាហ៍ធំធេងណាស់» ។ ការប្រើ​អំពើ​ហិង្សានេះ បាន​កើត​ឡើង នៅ​ក្បែរ​សារមន្ទីរ លូវ្រ៍ (Louvre) កណ្ដាលរដ្ឋធានីប៉ារីស ប្រទេសបារាំង នៅព្រឹក​ថ្ងៃសុក្រ​នេះ។ ប៉ុន្តែ​បុរស​ម្នាក់​នេះ ត្រូវបានទាហានរូបនោះ ផ្ទុះអាវុធការពារខ្លួន បណ្ដាលឲ្យបុរស រងរបួសជាទម្ងន់។ ជាសកម្ម​ភាព​វាយ​​ប្រហារ​មួយ ដែលមានចរឹត ដូចអំពើភេរវកម្ម បើតាមនាយករដ្ឋមន្ត្រី​បារាំង លោក ប៊ែរណា កាស្នើវ (Bernard Cazeneuve)។

ស្នងការ​នគរបាលរដ្ឋធានី លោក មីឆែល កាដូត៍ (Michel Cadot) បានថ្លែងឲ្យដឹងថា ទាហាន​រង​គ្រោះ បា​នរង​របួស​ស្រាល ខណៈ​ជន​ដៃដល់ បានរង​របួស​ធ្ងន់ នៅត្រង់​ពោះ។ លោក កាដូត៍ បាន​បន្ត​ថា៖ «បន្ទាប់​ពី​បាន​ឆែក​ឆេរ នៅក្នុង​ស្បោង​ស្ពាយ​ជាប់​ខ្នង របស់ជននេះរួច យើងបានដឹងថា មិនមាន​គ្រឿង​ផ្ទុះ [...]

បារាំង៖ ចាប់​ចំណាប់​ខ្មាំង​នៅ​ក្នុង​ព្រះ​វិហារ សម្លាប់​អាចារ្យ​ម្នាក់

បារាំង៖ ចាប់​ចំណាប់​ខ្មាំង​នៅ​ក្នុង​ព្រះ​វិហារ សម្លាប់​អាចារ្យ​ម្នាក់

នាព្រឹកថ្ងៃអង្គារនេះ ជនពីរនាក់ ដែលមានកាំបិននៅនឹងដៃ បានចូលទៅចាប់មនុស្សជាច្រើននាក់ នៅក្នុង​ព្រះ​វិហារ​សាសនាកាតូលីកមួយ នៃក្រុង «Saint-Etienne-du-Rouvray» ដែលស្ថិតនៅមិនឆ្ងាយប៉ុន្មាន ពីក្រុង រូអង់ (Rouen) ភាគខាងជើង នៃប្រទេសបារាំង។ កងកម្លាំងពិសេស របស់អាជ្ញាធរបានសម្រេច បើកការ​វាយ​សម្រុករំដោះ​ចំណាប់ខ្មាំង ហើយ​​បាន​សម្លាប់​ជនទាំងពីរនេះ ឲ្យស្លាប់នៅនឹងកន្លែង។

នគរបាលបាននិយាយថា លោកអាចារ្យ ដែលជាចំណាប់ខ្មាំងម្នាក់ ពីក្នុងចំណោមចំណាប់ខ្មាំងជាច្រើននោះ បាន​ស្លាប់។ សារព័ត៌មានបារាំង ឈ្មោះ «Figaro» បានរាយការណ៍ថា លោកអាចារ្យរូបនេះ ត្រូវបានអាក សម្លាប់។

សារព័ត៌មានបារាំងផ្សេងទៀត បានអះអាងថា ជនទាំងពីរ​ដែលមានកាំបិតក្នុងដៃ បានចាប់​ចំណាប់ខ្មាំង ចំនួន​ប្រាំនាក់ ឲ្យស្ថិតនៅក្រោម​ការគម្រាមកំហែងរបស់ពួកគេ។ [...]

ISIS ប្រកាស​ទទួល​ស្គាល់​ភេរវកម្ម​បើក​រថយន្ដ​បុក​សម្លាប់​មនុស្ស​ នៅ​ខាង​​ត្បូង​បារាំង

ISIS ប្រកាស​ទទួល​ស្គាល់​ភេរវកម្ម​បើក​រថយន្ដ​បុក​សម្លាប់​មនុស្ស​ នៅ​ខាង​​ត្បូង​បារាំង

ទីភ្នាក់ងារព័ត៌មាន «Amaq» ដែលជាឧបករណ៍ឃោសនាផ្លូវការ របស់ក្រុមភេរវនិយម បានចេញផ្សាយឲ្យដឹង នៅថ្ងៃសៅរ៍នេះ ថាក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​​បារាំង​​ហៅ EI ពាក្យ​​កាត់​​​អង់គ្លេស​​​ហៅ ISIS) ជាអ្នក​នៅពីក្រោយភេរវកម្ម​​បើក​រថយន្ដ​ដឹកទំនិញ បំបុកសម្លាប់​មនុស្ស​ដ៏​រង្គាល នាទីក្រុងមាត់សមុទ្រ​ភាគ​ខាង​ត្បូង នៃប្រទេសបារាំង កាលពីថ្ងៃបុណ្យជាតិ «១៤កក្កដា» កន្លង​មក​នេះ។

ទីភ្នាក់ងារ «Amaq» ដែលអះអាងថាបានស្រង់ប្រភព ពីផ្នែកសន្តិសុខរបស់ក្រុមរដ្ឋអ៊ីស្លាម បានសរសេរថា៖ «អ្នកដឹកនាំប្រតិបត្តិការ (...) នៅក្នុងទីក្រុង នីស (Nice) ប្រទេសបារាំង គឺជាយុទ្ធជនមួយរូប របស់​ក្រុម​រដ្ឋ​អ៊ីស្លាម។ យុទ្ធជនរូបនេះ បានអនុវត្តន៍គម្រោងការ ដើម្បីឲ្យស្របទៅនឹងសេចក្ដីអំពាវនាវ ក្នុងពេលកន្លងមក ដែលប្រកាសឲ្យមានការវាយប្រហារ ទៅលើបណ្ដាជន​ នៃបណ្ដាប្រទេសទាំងឡាយ ដែលស្ថិតក្នុង​ក្រុម​សម្ព័ន្ធ​មិត្ត [...]

គម្រោង​ធ្វើ​ភេរវកម្ម​មួយ​ទៀត​នៅ​បារាំង ទើប​នឹង​ត្រូវ​បាន​«​បំបែក»

គម្រោង​ធ្វើ​ភេរវកម្ម​មួយ​ទៀត​នៅ​បារាំង ទើប​នឹង​ត្រូវ​បាន​«​បំបែក»

ប្រតិបត្តិការ ដែលដឹកនាំដោយ នគរបាលនាយកដ្ឋានសន្តិសុខផ្ទៃក្នុង (ហៅកាត់ថា DGSI) នេះ បាន​ចាប់​ផ្ដើម​ធ្វើ តាំងពីព្រឹកថ្ងៃព្រហស្បត្តិ៍មកម្លេះ ក្នុងតំបន់អាហ្សង់តឺយ (Argenteuil ភាគខាងជើងរដ្ឋធានី ប៉ារីស)។ ប៉ុន្តែ​រហូត​មកដល់យប់ថ្ងៃដដែល ទើបរដ្ឋមន្ត្រីមហាផ្ទៃបារាំង លោក ប៊ែរណារ កាស្នើវ (Bernard Cazeneuve) បាន​ចេញ មកធ្វើការប្រកាសអះអាងថា ប្រតិកម្មរបស់អាជ្ញាធរនេះ បានអនុញ្ញាតឲ្យប្រទេសបារាំង ឆ្លង​ផុត​ពី​គម្រោង​មួយ ដែលកំពុងត្រៀម​រួចជាស្រេចហើយ ក្នុងការធ្វើភេរវកម្ម។

នៅក្នុងយប់ថ្ងៃព្រហស្បត្តិ៍ ប្រតិបត្តិការនៅបន្តធ្វើនៅឡើយ។ អាជ្ញាធរបានធ្វើការឆែកឆេរ នៅក្នុង​អាគារ​ស្នាក់​នៅ​មួយ បន្ទាប់ពីបានជម្លៀស អ្នករស់នៅទីនោះ ចេញអស់។ សម្ភារៈ និងសារជាតិផ្ទុះមួយចំនួន ត្រូវបាន​រក​ឃើញ នៅក្នុងលំនៅដ្ឋានជនសង្ស័យ ដែលស្ថិតក្នុងអាគារនោះ ប៉ុន្តែអាជ្ញាធរនៅមិនទាន់​បានបញ្ជាក់ ឲ្យ​លំអិត​អំពី​​ការរកឃើញ​ ទាំងនេះនៅឡើយ។ [...]

អាជ្ញាធរ​បារាំង​ឃាត់​ខ្លួន​មនុស្ស​៤នាក់ សង្ស័យ​កំពុង​ត្រៀម​ធ្វើ​«ភេរវកម្ម»

អាជ្ញាធរ​បារាំង​ឃាត់​ខ្លួន​មនុស្ស​៤នាក់ សង្ស័យ​កំពុង​ត្រៀម​ធ្វើ​«ភេរវកម្ម»

រដ្ឋមន្ត្រីមហាផ្ទៃ លោក ប៊ែរណា កាស្នើវ (Bernard Cazeneuve) បានថ្លែងថា បានបំបែកគម្រោង ធ្វើ​«ភេរវកម្ម»​មួយ ដែលហៀបនឹងផ្ទុះឡើង នៅក្នុងប្រទេសបារាំង។ ជនសង្ស័យទាំងបួននាក់ ដែលរួមមានប្រុស​បីនាក់ និង​ស្ត្រីម្នាក់ ត្រូវបានឃាត់ខ្លួន នៅថ្ងៃពុធម្សិលម៉ិញនេះ មួយថ្ងៃក្រោយពីព្រឹត្តិការណ៍ បង្ក្រាប​ភេរវជន​មួយ នៅ​ក្នុង​រាជធានី ប្រ៊ុយសែល (ប្រទេសប៊ែលហ្សិក) កាលពីថ្ងៃអង្គារ ដែលមានជាប់ពាក់ព័ន្ធ នឹងអំពើ​ភេរវកម្ម​នៅ​កណ្ដាល​រដ្ឋធានី​ប៉ារីស កាលពីថ្ងៃទី១៣ ខែវិច្ឆិកា កន្លងទៅ។

ជនសង្ស័យទាំងបួន ដែលគេស្គាល់ថា ជាអ្នកកាន់សាសនាអ៊ីស្លាម​និយមតឹង ត្រូវបានអង្កេតតាមដាន ដោយ​ការិយាល័យរដ្ឋអាជ្ញា នៃរដ្ឋធានីប៉ារីស តាំងពីថ្ងៃទី១៧ ខែកុម្ភៈមកម្លេះ។ ប៉ុន្តែការិយាល័យរដ្ឋអាជ្ញា បាន​ផ្ដល់​សំនុំ​រឿងនេះ ទៅឲ្យនាយកដ្ឋានសន្តិសុខផ្ទៃក្នុង របស់ក្រសួងមហាផ្ទៃបារាំង (ហៅកាត់ជាភាសាបារាំង DGSI) ដើម្បីធ្វើការស្រាវជ្រាវវិញ។ នេះបើតាមប្រភពមួយ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...