Posts in ‘អត្ថបទមានវីដេអូ’ Category

ក្រុមហ៊ុនផលិតទូរស័ព្ទដៃរបស់ប្រទេសកូរ៉េខាងត្បូង អិលជី (LG) បានធ្វើការបង្ហាញជាផ្លូវការ នូវប្រភេទទូរស័ព្ទដៃ​វ៉ៃ​ឆ្លាត​ស៊េរីថ្មីមួយ ដែលមានឈ្មោះថា «អិលជី ជី២» (LG G2) កាលពីថ្ងៃពុធ ជាមួយនឹងអេក្រង់ទំហំធំ៥.២អ៊ីញ។

ទូរស័ព្ទ អិលជី ជី២ ដែលបង្ហាញដោយតារាបង្ហាញម៉ូដកូរ៉េ។ (រូបភាពក្រុមហ៊ុន)

ជាមួយនឹងអេក្រង់ ៥.២អ៊ីញនេះ អាចនិយាយបានថា ជាទំហំអេក្រង់មួយធំដាច់គេ ក្នុងចំណោមប្រភេទទូរស័ព្ទដៃវ៉ៃឆ្លាត​ទាំងអស់ នាពេលបច្ចុប្បន្ន។ ប៉ុន្តែទោះជាយ៉ាងណា វាអាចបង្ហាញរូបភាពបានត្រឹមតែទំហំ ១៩២០ X ១០៨០ភិចស្យែល​ដូចគេដែរ។ អេក្រង់របស់វា ជាប្រភេទអាយភីអេស (IPS) ដែលអាចបង្ហាញរូបភាពបានយ៉ាងច្បាស់ត្រជាក់ភ្នែក។ ជា​ពិសេសវាភ្ជាប់មកជាមួយ ហ្រ្វាភិច រ៉េម (Graphic RAM) ដែលអាចជួយកាត់បន្ថយការចំណាយថាមពលថ្មបាន [...]

ក្រុមហ៊ុនសូនី (Sony) បានប្រកាសថា ទូរស័ព្ទដៃឆ្លាតវ៉ៃ ឬហៅថា «ផាប្លិត» (Phablet) ស៊េរី «អ៊ិចផឺរៀហ្សឹដ អាល់ត្រា» (Xperia Z Ultra) នឹងចេញលក់ នៅលើទីផ្សារ នៃប្រទេសអង់គ្លេសជាផ្លូវការដំបូងគេ នៅថ្ងៃទី១២ ខែសីហាខាងមុខ ដែលមានតម្លៃ ៥៩៩.៩៨ផោន (៩១៣.៥៩ដុល្លាសហរដ្ឋអាមេរិក)។

អ៊ិចផឺរៀហ្សឹដ អាល់ត្រា មានទំហំអេក្រង់ ៦.៤អ៊ីញ ដែលអាចបង្ហាញរូបភាពបានធំបំផុត រហូតដល់ទៅ ១០៨០ X ១៩២០ ភិចស្សែល។ វាអនុញ្ញាតឲ្យអ្នកប្រើប្រាស់ អាចចុចលើអេក្រង់បានគ្រប់ម្រាមដៃទាំង១០។ ជាពិសេសអេក្រង់របស់វា មានភាពធន់ខ្ពស់ ក្នុងការកោសឆូតផ្សេងៗ។

កាមេរ៉ាក្រោយ មានទំហំ ៨ម៉េហ្គាភិចស្យែល អាចចាប់យករូបភាពបានធំបំផុត ៣២៦៤ X ២៤ ៤៨ និងអាចថតជាវីឌីអូ បានទំហំ ១០៨០ភិចស្យែល។ រីឯកាមេរ៉ាមុខ មានទំហំ ២ម៉េហ្គាភិចស្យែល អាចថតបានទំហំ [...]

មិនខុសពីឪពុក វីល្លីយ៉ាម (William) និងឪពុកមា ព្រះអង្គម្ចាស់ ហារី (Harry) របស់វា កាលពីមុននោះឡើយ ព្រះអង្គម្ចាស់​តូចដែលទើបនឹងមានអាយុមួយថ្ងៃ ត្រូវបានឪពុកនិងម្ដាយ យកមកបង្ហាញជាសាធារណៈ នៅមុខច្រកចូលមន្ទីរពេទ្យ នៅ​យប់ថ្ងៃទី២៣ខែកក្កដានេះ វេលាម៉ោង៨។

នាងខេត និងព្រះអង្គម្ចាស់វីល្លីយ៉ាម រួមជាមួយនឹងបុត្រាទើបនឹងប្រសូតរបស់ពួកគេ។ (រូបថត Oli Scarff/Getty Images)

ព្រះអង្គម្ចាស់តូចទ្រង់បានប្រសូតនៅរសៀលម៉ោង៤និង២៤នាទី ម៉ោងនៅអង់គ្លេស មួយថ្ងៃមុន ជាមួយនឹងទម្ងន់៣,៨​គីឡូក្រាម ហើយមានសុខភាពល្អប្រសើរណាស់។ នេះបើតាមសេចក្ដីប្រកាសព័ត៌មាន របស់ព្រះបុរមរាជវាំង និងអ្វីដែល​គេឯងធ្លាប់ឃើញ ពីស្ថានភាពសុខភាពរបស់ស្ត្រីជាម្ដាយនៃទារក ដែលទើបនឹងឆ្លងទន្លេផងទាំងពួក។

«ទារកក្សត្រ» [...]

ពីរសប្ដាហ៍ក្រោយព្រឹត្តិការណ៍បោកខ្លួន នៃយន្ដហោះប៊ូអ៊ីញ  នៅព្រលានយន្ដហោះនៃទីក្រុងសាន់ ហ្វ្រាន់ស៊ីស្កូ នៅថ្ងៃ​ច័ន្ទ​ទី២២ខែកក្កដា នៅព្រលានយន្ដហោះនៃទីក្រុងញ៉ូវយកឯណេះវិញ យន្ដហោះប៊ូអ៊ីញ ៧៣៧ (Boeing 737) មួយគ្រឿង​ទៀត បានចុះចត​ដោយយកច្រមុះរបស់វាទៅជល់ប៉ះនឹងដី។  ជាគ្រោះថ្នាក់យន្ដហោះថ្មីមួយទៀត ដែលបានធ្វើឲ្យមានជនរង​របួស១០នាក់។

យន្ដហោះយកច្រមុះថើបដី នៃក្រុមហ៊ុនអាកាសចរណ៍ សោធវេស្ទ។ (រូបថត taringa.net)

ការខកខានថ្មីមួយទៀត បានចុះបញ្ជីគ្រោះថ្នាក់ នៃការចុះចតយន្ដហោះ នៅសហរដ្ឋអាមេរិក។ មនុស្ស១០នាក់រងរបួស នៅរសៀលថ្ងៃច័ន្ទទី២២ខែកក្កដា នៅព្រលានយន្ដហោះនៃទីក្រុងញ៉ូវយក ឡាហ្គាដៀ (La Guardia)។ យន្ដហោះរបស់​ក្រុមហ៊ុនអាកាសចរណ៍ សោធវេស្ទ (Southwest) ដែលដឹកអ្នកដំណោះរប្រមាណជា ១៥០នាក់ [...]

ក្លិបអ្នកមានបុណ្យបាសេឡូណា (Barcelona) បានប្រាប់ដល់ក្លិបបីសាចក្រហមម៉ែនឆេស្ទើ យូណៃធីត (Manchester United) ថាខ្សែបម្រើសេស ហ្វាប្រេហ្គាស (Cesc Fabregas) មិនមែនសម្រាប់លក់នោះទេ។

កីឡាករខ្សែបម្រើ សេស ហ្វាប្រេហ្គាស របស់ក្រុមបាសឺឡូណាអេស្ប៉ាញ។

ម៉ែនញូ បានដេញថ្លៃកីឡាករវ័យ២៦ឆ្នាំ កាលពីថ្ងៃច័ន្ទសប្តាហ៏មុន ក្នុងតម្លៃ២៥លានផោន ប៉ុន្តែត្រូវបានក្លិបបាសា​បដិសេធ។ ហើយកាលពីថ្ងៃច័ន្ទម្សិលមិញ ពួកគេបង្កើនតម្លៃដល់៣០លានផោនម្តងទៀត ប៉ុន្តែក៏ត្រូវក្លិបយក្សរបស់​អេស្ប៉ាញ ច្រានចោលតម្លៃទាំងនោះម្តងទៀតដែរ។

ម្ចាស់ក្លិបបាសេឡូណា លោកសាន់ដ្រូ រ៉ូស្យ៊ែល (Sandro Rosell) បានប្រកាសប្រាប់ដល់ក្លិបម៉ែនញូ កាលពីថ្ងៃច័ន្ទ​យ៉ាងច្បាស់ៗថា៖ «ហ្វាប្រេហ្គាស មិនមែនសម្រាប់លក់ទេ»។