Posts tagged as "CPP"

ប្រធានស្ដីទីគណបក្សសង្គ្រោះជាតិ លោក កឹម សុខា នៅថ្ងៃនេះ បានអះអាងថា គណបក្សលោកនៅតែមាន​ជំហរឯកភាព​គ្នាល្អដដែល គ្មានការខ្វែងគំនិតគ្នា ដូចការចោទប្រកាន់របស់គណបក្សប្រជាជនកម្ពុជានោះទេ។ លោក កឹម សុខា បានហៅ​ការលើកឡើង របស់គណបក្សកាន់អំណាចថា ជាល្បិចកលបំបែកបំបាក់របស់គណបក្សប្រជាជន ដែលចង់បំភ្លើស​បោក​ប្រាស់ប្រជាពលរដ្ឋតែប៉ុណ្ណោះ ហើយល្បិចទាំងនេះ ត្រូវបរាជ័យហើយ។

លោក កឹម សុខា (អាវស) ក្នុងពេលថ្លែងទៅកាន់អ្នកគាំទ្រ ថ្ងៃទី១៥ខែសីហាឆ្នាំ២០១៣ នៅទីស្នាក់ការទួលគោក។ (រូបថត MONOROOM.info/ O.Vary)

រាជធានីភ្នំពេញ - «ពេលនេះ ល្បិចកលរបស់គណបក្សប្រជាជនកម្ពុជា ត្រូវបរាជ័យហើយ»។ នេះ គឺជាពាក្យរបស់លោក កឹម សុខា អនុប្រធាន និងជាប្រធានស្ដីទីគណបក្សសង្គ្រោះជាតិ [...]

ជាថ្មីម្តងទៀតមន្រ្តីជាន់ខ្ពស់របស់គណបក្សសង្រ្គោះជាតិ ដែលជាគណបក្សជំទាស់ បានធ្វើការចោទប្រកាន់ចំៗ ចំពោះ​គណបក្សប្រជាជនកម្ពុជា និងរដ្ឋាភិបាលបច្ចុប្បន្ន ដែលទទួលបានអំណាចគ្រប់គ្រងប្រទេស រហូតមកដល់ពេលនេះ មាន​រយៈពេលប្រហែជាជាង៣០ឆ្នាំទៅហើយនោះ ថាបានបំផ្លិចបំផ្លាញ សមិទ្ធិផលដ៏មានតម្លៃ របស់អតីតព្រះមហាវិរៈក្សត្រ នរោត្តម សីហនុ។ តែការចោទប្រកាន់នេះ ត្រូវបានមន្រ្តីជាន់ខ្ពស់ របស់គណបក្សប្រជាជនកម្ពុជា បដិសេធចោល និង​ថា​ជាការនិយាយបំភ្លើស។

លោក កឹម សុខា ថ្លែងក្នុងពិធីឧទ្ទិសកុសល ថ្វាយអតីតព្រះមហាវិរៈក្សត្រ។ (រូបថត គណបក្ស)

អនុប្រធានគណបក្សសង្រ្គោះជាតិ លោក កឹម សុខា ក្នុងពិធីសាសនា ដើម្បីឧទ្ទិសកុសល ថ្វាយដល់អតីតព្រះមហាវិរៈក្សត្រ នៅទីស្នាក់ការរបស់គណបក្ស ក្នុងខណ្ឌទួលគោក [...]

នៅថ្ងៃទី១០ ខែតុលា ឆ្នាំ២០១៣ នេះក្រុមអ្នកតំណាងរាស្រ្ត មកពីគណបក្សប្រជាជនកម្ពុជា ដែលជាគណបក្សគ្រប់គ្រង់អំណាច បានសម្រេចធ្វើការបោះឆ្នោតជាឯកច្ឆ័ន ជ្រើសតាំងសមាសភាព សមាជិកគណៈកម្មការជំនាញទាំង៩ របស់រដ្ឋសភា ខណៈក្រុមអ្នកតំណាងរាស្រ្ត របស់គណបក្សសង្រ្គោះជាតិ បន្តធ្វើពហិការមិនចូលរួមជុំ។

គួរម្លឹកថា បើគិតពីថ្ងៃប្រកាសលទ្ធផលបោះឆ្នោតផ្លូវការ ថ្ងៃទី៨ ខែកញ្ញា ឆ្នាំ២០១៣ រហូតមកដល់ពេលនេះ គណបក្សសង្រ្គោះជាតិ នៅតែប្រកាន់គោលជំហរ មិនទទួលស្គាល់លទ្ធផលបោះឆ្នោត ដែលប្រកាសឲ្យដឹង ដោយគណៈកម្មាធិការជាតិរៀបចំការបោះឆ្នោត (គ.ជ.ប) ថាគណៈបក្សសង្រ្គោះជាតិទទួលបាន៥៥អាសនៈ រីឯគណបក្សប្រជាជនកម្ពុជា ទទួលបាន៦៨អាសនៈ។

លោក យឹម សុវណ្ណ មន្រ្តីអ្នកនាំពាក្យគណបក្សសង្រ្គោះជាតិ បានថ្លែងប្រាប់ទស្សនាវដ្តីមនោរម្យ.អាំងហ្វូ នៅថ្ងៃទី១០ ខែតុលា ឆ្នាំ២០១៣ នេះថាគណបក្សសង្រ្គោះជាតិ នៅតែប្រកាន់គោលជំហរដដែល គឺមិនទទួលស្គាល់រដ្ឋសភា [...]

នៅមុខម៉ាស៊ីនថតរបស់ស្ថានីយ៍ទូរទស្សន៍បារាំង ហ្វ្រង់២៤ (France 24) លោក សម រង្ស៊ី មេដឹកនាំគណបក្សប្រឆាំង​ក្នុង​ប្រទេសកម្ពុជា បានថ្លែងពន្យល់ជាភាសាបារាំង ថាគណបក្សសង្គ្រោះជាតិរបស់លោក បានឈ្នះការបោះឆ្នោតសកល កាលពីថ្ងៃទី២៨ខែកក្កដាកន្លងទៅ ប៉ុន្តែគណបក្សប្រជាជនកម្ពុជា ដែលធ្លាប់ជាអតីតគណបក្សកុំម្មុយនីស របស់នាយក​រដ្ឋមន្ត្រី«ចាញ់ឆ្នោត» ហ៊ុន សែន នៅតែក្រាញអំណាច មិនព្រមទទួលស្គាល់បរាជ័យរបស់ខ្លួន។

លោក សម រង្ស៊ី ប្រធានគណបក្សសង្គ្រោះជាតិ។ (រូបថត គណបក្ស)

ទីក្រុងប៉ារីស - ក្រុមតំណាងរាស្ត្រជាប់ឆ្នោតរបស់គណបក្សប្រឆាំង បានធ្វើពហិការមិនចូលប្រជុំក្នុងរដ្ឋសភា បើកនិតិកាល​ថ្មី ដែល​កោះ​អញ្ជើញដោយព្រះមហាក្សត្រកម្ពុជា ហើយបានដាក់ស្ថានភាពនយោបាយទៅក្នុងភាពជាប់គាំងមួយ។ [...]

ខណៈដែលគណបក្សសង្រ្គោះជាតិ កំពុងធ្វើយុទ្ធនាការការទូតនៅក្រៅប្រទេស ដើម្បីជម្រុញឲ្យភាគីអន្តរជាតិ​ដាក់សម្ភាធ​លើរដ្ឋសភា និងរដ្ឋាភិបាលឯកបក្សរបស់គណបក្សប្រជាជនកម្ពុជា ជាថ្មីម្តងទៀតគណបក្សប្រជាជនកម្ពុជាបានអះអាងថា គណបក្សខ្លួនចង់ឃើញខ្មែរ អាចដោះស្រាយបញ្ហាជាមួយគ្នាបាន ក្នុងភាពទាល់ច្រកនយោបាយក្រោយការបោះឆ្នោត ដោយមិនចាំបាច់ពឹងពាក់ភាគីបរទេស។

លោកហ៊ុន សែន ក្រោយពេលបោះឆ្នោតរួច នៅមណ្ឌលមួយក្នុងក្រុងតាខ្មៅ ខេត្តកណ្ដាល កាលពីថ្ងៃទី២៨ខែកក្កដា។ (រូបថត Reuters)

រាជធានីភ្នំពេញ - លោក ស ខេង បច្ចុប្បន្នជានាយករដ្ឋមន្រ្តីស្តីទី និងជាមន្រ្តីជាន់ខ្ពស់របស់គណបក្សប្រជាជនកម្ពុជា ដែលជាគណបក្សគ្រប់គ្រងអំណាច នៅថ្ងៃទី៩ ខែតុលា ឆ្នាំ២០១៣នេះ បានថ្លែងប្រាប់ក្រុមអ្នកសារព័ត៌មាន [...]