មណ្ឌលគីរី៖ មានច្បាប់ព្រៃឈើ និងច្បាប់បរិស្ថាន តែព្រៃឈើ«វិនាស»
ឧក្រិដ្ឋកម្មព្រៃឈើ - កំហឹងរបស់លោក ឡាំ ជិន តំណាងប្រជាពលរដ្ឋមកពីស្រុកពេជ្រដា បានថ្លែងតាមរយៈការកត់សំគាល់របស់ខ្លួនថា កាលពុំទាន់មានច្បាប់ព្រៃឈើនិងច្បាប់បរិស្ថាន ព្រៃឈើនៅខេត្តនេះគង់វង្សច្រើន។ ប៉ុន្តែក្រោយពីច្បាប់នោះបង្កើតមក បានធ្វើព្រៃឈើហិនហោច។ លោកបានថ្លែងឲ្យដឹងទៀតថា៖ «ដុតច្បាប់ទាំងអស់នោះចោលទៅ ពីព្រោះច្បាប់ព្រៃឈើ និងច្បាប់បរិស្ថានវាមិនមានប្រយោជន៍ ប្រជាពលរដ្ឋអនុវត្តន៍ ច្បាប់នោះ ប៉ុន្តែមន្ត្រីទាំងនោះមិនអនុវត្តន៍ទេ ច្បាប់នោះវាមានប្រយោជន៍ សម្រាប់តែក្រុមហ៊ុនប៉ុណ្ណោះ ពីព្រោះមន្ត្រីទាំងនោះការពារក្រុមហ៊ុន»។
បុរសចំណាស់រូបនេះ កំពុងព្រួយបារម្ភយ៉ាងខ្លាំង អំពីការកាប់ព្រៃឈើពីសំណាក់ឈ្មួញ ដែលកំពុងបំផ្លាញជ័រទឹក ព្រៃតំណមនិងព្រៃខ្មោច ដែលជាព្រៃប្រពៃណីរបស់ពលរដ្ឋជនជាតិភ្នង។ លោកគិតថា [...]
