ភ្នំពេញក្រោន ត្រៀមបញ្ចប់សុបិន្តរបស់ក្រុម គិរីវង្ស
ក្រុមម្ចាស់ជើងឯក៤សម័យកាល ភ្នំពេញក្រោននឹងត្រូវប្រកួតចុងក្រោយក្នុងជុំទី២ ជាមួយនឹងក្រុមគិរីវង្សសុខសែនជ័យ ក្នុងការប្រកួតពានរង្វាន់មិត្តហ្វូនខេមបូឌានលីកឆ្នាំ២០១៣ នៅក្នុងពហុកីឡាដ្ឋានជាតិអូឡាំពិក វេលាម៉ោង០៤រសៀល ថ្ងៃសៅរ៏ស្អែកនេះ។
ក្រោយបានជ័យជំនះ នៅក្នុងការប្រកួតមួយ របស់ក្រុមកីឡាករភ្នំពេញក្រោន។
បច្ចុប្បន្នភ្នំពេញក្រោន កំពុងតែឈរនៅចំណាត់ថ្នាក់លេខ២ មាន៣២ពិន្ទុ តាមពីក្រោយដោយក្រុមចំណាត់ថ្នាក់លេខ៣ ស្វាយរៀង មាន៣០ពិន្ទុ។ ការប្រកួតនេះ បើក្រោនចាញ់ នោះក្រោននឹងអាចធ្លាក់ទៅលេខ៣វិញ បើសិនជាក្រុមស្វាយរៀងទទួលបានជ័យជំនះនោះ។
រីឯក្រុមគិរីវង្សវិញ បច្ចុប្បន្នកំពុងឈរនៅចំណាត់ថ្នាក់លេខ៥ មាន២៧ពិន្ទុ ចាញ់ក្រុមចំណាត់ថ្នាក់លេខ៤ ណាហ្គាខប ចំនួនតែ១ពិន្ទុគត់។ [...]