អ្នក​ចូល​រួម​ក្នុង​ពិធី​ខួប​២​ឆ្នាំ​របស់ ឈុត វុទ្ធី ប្តេជ្ញា​បន្ត​ការ​ការពារ​ព្រៃឈើ

«លោកជាវិរជនមួយដ៏ឆ្នើម(...) គាត់ជាអ្នកជួយពួកយើងដ៏មុះមុត» នេះជាការលើកឡើងរបស់ប្រជាពលរដ្ឋ ដែល​បានមកចូលរួមរំលឹកវិញ្ញាណក្ខន្ធលោក ឈុត វុទ្ធី នៅនឹងកន្លែងដែលលោកត្រូវបានបាញ់សម្លាប់។ លោក ឈុត វុទ្ធី សកម្មជនការពារធនធានធម្មជាតិខ្មែរយ៉ាងល្បីឈ្មោះ ដែលបានធ្វើសកម្មភាពជាច្រើន ជាមួយ​ប្រជា​ពលរដ្ឋ ដើម្បី​ទប់ស្កាត់ការកាប់បំផ្លាញព្រៃឈើ។ អ្នកយកព័ត៌មានរបស់ទស្សនាវដ្ដីមនោរម្យ.អាំងហ្វូ បានទៅដល់ផ្ទាល់កន្លែង​ដើម្ប​ធ្វើរបាយការណ៍លំអិត។
Loading...
  • ដោយ: ប្រាថ្នា
  • កែប្រែចុងក្រោយ: April 26, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

«លោកជាវិរជនមួយដ៏ឆ្នើម(...) គាត់ជាអ្នកជួយពួកយើងដ៏មុះមុត» នេះជាការលើកឡើងរបស់ប្រជាពលរដ្ឋ ដែល​បានមកចូលរួមរំលឹកវិញ្ញាណក្ខន្ធលោក ឈុត វុទ្ធី នៅនឹងកន្លែងដែលលោកត្រូវបានបាញ់សម្លាប់។ លោក ឈុត វុទ្ធី សកម្មជនការពារធនធានធម្មជាតិខ្មែរយ៉ាងល្បីឈ្មោះ ដែលបានធ្វើសកម្មភាពជាច្រើន ជាមួយ​ប្រជា​ពលរដ្ឋ ដើម្បី​ទប់ស្កាត់ការកាប់បំផ្លាញព្រៃឈើ។ អ្នកយកព័ត៌មានរបស់ទស្សនាវដ្ដីមនោរម្យ.អាំងហ្វូ បានទៅដល់ផ្ទាល់កន្លែង​ដើម្បី​ធ្វើរបាយការណ៍លំអិត។


ក្រុមសកម្មជន ជួបជុំរំលឹកខួបពីរឆ្នាំ នៃមរណភាពរបស់លោក ឈុត វុទ្ធី នៅកោះកុង ថ្ងៃទី២៦ ខែមេសា ឆ្នាំ២០១៤។ (រូបថត ហ្វេសប៊ុក)

ធនធានធម្មជាតិ - ថ្ងៃទី២៦ ខែមេសា ឆ្នាំ២០១៤ ជាថ្ងៃរំលឹកខួបគំរប់២ឆ្នាំ នៃការស្លាប់បាត់បង់ជីវិតរបស់លោក ឈុត វុទ្ធី សកម្មជនការពារព្រៃឈើដ៏អង់អាចក្លាហាន និងដ៏ល្បីល្បាញ។ ប្រជាជននៅតាមសហគមន៏ មួយចំនួន ដូចជានៅ ខេត្តស្ទឹងត្រែង ក្រចេះ កំពង់ធំ ជាដើម ដែលជាជនរងគ្រោះពីការបាត់បង់ព្រៃឈើក្នុងសហគមន៏របស់ពួកគេ ព្រម​ទាំង​អង្គការសង្គមស៊ីវិល រួមជាមួយព្រះសង្ឃផង បានមកជួបជុំគ្នាក្នុងខេត្តកោះកុង ដើម្បីរំលឹក និងដឹងគុណលោក ដែលបានបំពេញបេសកកម្មយ៉ាងលំបាក ក្នុងការការពារព្រៃឈើក្នុងប្រទេសកម្ពុជា រហូតដល់បាត់បង់ជីវិត។

ការធ្វើដំណើរមកខេត្តកោះកុង ដើម្បីរំលឹកវិញ្ញាក្ខន្ធរបស់សកម្មជនដីធ្លីរូបនេះ មិនបានបង្កភាពងាយស្រួលដល់អ្នក ចូលរួមឡើយ តែពួកគាត់នៅតែព្យាយាមមក ទោះបីជាមានការលំបាកយ៉ាងណាក៏ដោយ។ ស្ថិតក្នុងវ័យ៥៧ឆ្នាំ អ្នកស្រី អៀម ពិសី ដែលខំស្កាត់មកតាំងពីខេត្តស្ទឹងត្រែងមក បានប្រាប់ឲ្យដឹងថា អ្នកស្រីបានចំណាយរយៈពេល២ថ្ងៃ ទើបមកដល់ខេត្តកោះកុង ទីកន្លែងដែលវីរបុរសដ៏ឆ្នើមរបស់អ្នកស្រី ត្រូវបានបាញ់ស្លាប់បាត់បង់ជីវិត។ អ្នកស្រី​ពន្យល់​បន្តថា មូលហេតុដែលអ្នកស្រីមក ដោយសារការគោរពស្រឡាញ់ និងដឹងគុណជានិច្ច ចំពោះលោក ឈុត វុទ្ធី ព្រោះ​កន្លងមក លោកបានតស៊ូជាមួយប្រជាពលរដ្ឋ ក្នុងការប្រឆាំងដាច់ខាតមិនឲ្យក្រុមហ៊ុន ឬឈ្នួញកាប់បំផ្លាញព្រៃឈើ។

មានសំឡេងរដឺន សម្គាល់ថាជាអ្នកមកពីភូមិភាគឥសាន្ត ពលរដ្ឋរូបនេះបានរំលឹកថា៖ «គាត់(លោក ឈុត វុទ្ធី) បាន​តស៊ូជាមួយយើង។ គាត់បានបណ្តុះបណ្តាលពួកយើង ឲ្យមានគំនិតស្រឡាញ់ និងចេះរក្សាព្រៃឈើ។ កន្លងមក​សកម្មភាពរបស់គាត់ គឺជាសកម្មភាពល្អបំផុត កន្លែងណា ទីណាដែលមានការកាប់បំផ្លាញព្រៃឈើ តែងតែមាន​វត្តមាន​របស់គាត់។ គាត់តែងតែអំពានាវឲ្យប្រជាសហគមន៏ទាំងអស់ ចូលរួមជាមួយដើម្បី​ទប់ស្កាត់ការបំផ្លាញ​ព្រៃឈើ។»

ទោះបីជាមិនបានមួយរយភាគរយក៏ដោយ តែអ្នកស្រី អៀម ពិសី បានអះអាងបន្តកិច្ចការរបស់លោក ឈុត វុទ្ធី ថា៖ «ទោះបីជា​អត់​ពីគាត់ទៅ ខ្ញុំនៅតែតស៊ូ»។

លោក គឹម សូខន មកពីស្រុកសំបូរ ខេត្តក្រចេះបានឲ្យដឹងដែរថា មុនពេលលោក ឈុត វុទ្ធី មិនទាន់បាត់បង់ជីវិត។ លោកបានធ្វើការទំនាក់ទំនងជាមួយលោក វុទ្ធី ជាច្រើនលើក លើបញ្ហាធនធានធម្មជាតិក្នុងព្រៃឡង់។ លោកបាន​មកចូលរួមកម្មវិធីរំលឹកវិញ្ញាណក្ខន្ធនេះជាលើកទីពីរហើយ។ បណ្តាញស្នួល នៃអ្នកការពារព្រៃឡង់ក្នុងខេត្តក្រចេះ​រូបនេះ បានបញ្ជាក់ពីកត្តាដែលធ្វើឲ្យលោកមិនអាចខកខានមកចូលរួមថា៖ «ខ្ញុំយល់ថា គាត់​ជាវិរៈបុរសមួយ ដែល​មានជំហរជួយដល់សង្គម ជាពិសេសធនធានធម្មជាតិ។ ពួកខ្ញុំឃើញគាត់ជួយពួកខ្ញុំ រហូតដល់បាត់បង់ជីវិត។ អញ្ចឹង​មកធ្វើពិធីនេះ ដើម្បីរំលឹកដល់គាត់។»

សម្រាប់ប្រជាពលរដ្ឋ​ដែលមានវ័យ ៥១រូបនេះ នៅតែទទួចឲ្យរដ្ឋាភិបាល និងអង្គការសង្គមស៊ីវិល ជួយរក​មុខ​ជន​ដៃ​ដល់ និងជននៅពីក្រោយ ដែលបានសម្លាប់លោក អតីតប្រធានអង្គការការពារធនធានធម្មជាតិ លោក ឈុត វុទ្ធី។

លោក គឹម សូខន បានចងក្រងជាបណ្តាញសហគមន៏មួយ ដើម្បីការពារព្រៃឡង់។ រហូតមកដល់ពេលនេះ លោកធ្វើ​សកម្មភាពផ្សេងៗទៀត និងធ្វើជាញាត្តិដាក់ទៅរដ្ឋាភិបាល ដើម្បីទាមទារឲ្យមានការទប់ស្កាត់ការកាប់បំផ្លាញព្រៃឈើ ជាពិសេសព្រៃឡង់ ដើម្បីទុកជាមរតកដល់អ្នកជំនាន់ក្រោយ៕


ខ្ញុំគឺ ឈុត វុទ្ធី។ ខ្ញុំការពារព្រៃឈើ។

----------------------------------------------
ដោយ ក. ចាន់នីតា (ទំនាក់ទំនង៖ [email protected]) - ភ្នំពេញ ថ្ងៃទី២៦ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...