CCHR៖ អាជ្ញាធរ​គប្បី​បើក​សំណុំរឿង ឈុត វុទ្ធី ឡើង​វិញ

មជ្ឈមណ្ឌលសិទ្ធិមនុស្សកម្ពុជា ហៅកាត់តាមភាសាអង់គ្លេស CCHR បានលើកឡើងថា បើទោះជាតុលាការ និង​រដ្ឋាភិបាលកម្ពុជាបានបិទសំណុំរឿងលោក ឈុត វុទ្ធី ហើយក៏ដោយ ក៏រហូតមកដល់ពេលនេះសំណុំរឿងនេះ នៅតែ​ស្ថិតនៅក្នុងមន្ទិលសង្ស័យនៅឡើយ។ ដូច្នេះរដ្ឋាភិបាល គម្បីបើកការស៊ើបអង្កេតសំណុំរឿងដ៏រសើបនេះឡើងវិញ ដោយឯករាជ្យ និងតម្លាភាពដើម្បីបិទបញ្ចប់ វប្បធម៌និទណ្ឌភាពនៅកម្ពុជា។
Loading...
  • ដោយ: អ៊ុំ បូរី
  • កែប្រែចុងក្រោយ: April 26, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មជ្ឈមណ្ឌលសិទ្ធិមនុស្សកម្ពុជា ហៅកាត់តាមភាសាអង់គ្លេស CCHR បានលើកឡើងថា បើទោះជាតុលាការ និង​រដ្ឋាភិបាលកម្ពុជាបានបិទសំណុំរឿងលោក ឈុត វុទ្ធី ហើយក៏ដោយ ក៏រហូតមកដល់ពេលនេះសំណុំរឿងនេះ នៅតែ​ស្ថិតនៅក្នុងមន្ទិលសង្ស័យនៅឡើយ។ ដូច្នេះរដ្ឋាភិបាល គម្បីបើកការស៊ើបអង្កេតសំណុំរឿងដ៏រសើបនេះឡើងវិញ ដោយឯករាជ្យ និងតម្លាភាពដើម្បីបិទបញ្ចប់ វប្បធម៌និទណ្ឌភាពនៅកម្ពុជា។


លោក ឈុត វុទ្ធី ក្នុងបេសកកម្មរបស់លោក​ ដើម្បីការពារធនធានធម្មជាតិកម្ពុជា។ (រូបថតឯកសារ)

ច្បាប់ - «ដើម្បីធានាបាននូវយុត្តិធម៌ដល់ជនរងគ្រោះ តុលាការអាចស្តារនូវភាពជឿជាក់ខ្លះ ហើយសំខាន់បំផុត​ប្រជា​ពលរដ្ឋកម្ពុជាមានទំនុកចិត្តជាថ្មី ថារដ្ឋាភិបាលមានសមត្ថភាព និងឆន្ទៈដោះស្រាយទៅលើវប្បធម៌​និទណ្ឌភាព។ អាជ្ញាធរគម្បីបើកសំណុំរឿងនោះឡើងវិញ និងធានាការស៊ើបអង្កេតដ៏ពេញលេញមួយដោយតម្លាភាព និងឯករាជ្យ ដើម្បីលើកកំពស់សិទ្ធិទទួលបានការពិត សិទ្ធិទទួលបានយុត្តិធម៌ និងសិទ្ធិទទួលបានសំណងត្រឹមត្រូវ»។ នេះជា​ការលើកឡើងរបស់មជ្ឈមណ្ឌលសិទ្ធិមនុស្សកម្ពុជា នៅក្នុងសេចក្តីថ្លែងការណ៍ចុះថ្ងៃទី២៦ ខែមេសា ឆ្នាំ២០១៤។

ថ្ងៃទី២៦ ខែមេសា ឆ្នាំ២០១៤ ជាថ្ងៃដែលព្រះសង្ឃ និងសកម្មជនការពារព្រៃឈើជាង ១០០នាក់និងអង្គ កំពុង​ជួប​ជុំ​គ្នារំលឹកខួប២ឆ្នាំ ហេតុការណ៍ដ៏រន្ធត់ ដែលលោក ឈុត វុទ្ធី សកម្មជនការពារបរិស្ថានដ៏ល្បីល្បាញ និងជាអតីត​ប្រធានអង្គការការពារធនធានធម្មជាតិ ត្រូវបានឃាតករបាញ់សម្លាប់ កាលពីថ្ងៃទី២៦ ខែមេសា ឆ្នាំ២០១២ នៅក្នុង​ពេលដែលលោកបានចុះស៊ើបអង្កេតបទល្មើសព្រៃឈើជាមួយអ្នកការសែតពីររូប នៅជួរភ្នំក្រវ៉ាញភាគកណ្តាល ។

ក្រោយហេតុការណ៍នោះ រដ្ឋាភិបាលបានបង្កើតគណៈកម្មការស៊ើបអង្កេតចម្រុះមួយ នៅថ្ងៃទី៣០ ខែមេសា ដើម្បី​ធ្វើការស៊ើបអង្កេត ហើយក៏បានប្រកាសក្នុងសន្និសីទសារព័ត៌មាន នៅទីស្ដីការគណៈរដ្ឋមន្ត្រី ថាលោកឈុត វុទ្ធី ត្រូវ​បានលោក អ៊ិន រតនា ជាមន្រ្តីកងរាជអាវុធហត្ថបាញ់សម្លាប់ ហើយលោក អ៊ិន រតនា បានត្រូវបានសម្លាប់​ជាបន្ទាប់មក​ទៀត ដោយមន្ត្រីកងរាជអាវុធហត្ថម្នាក់ទៀតឈ្មោះ រ៉ាន់ បូរ័ត្ន។ របាយការណ៍របស់អាជ្ញាធរបានសរសេរថា លោក​​ រ៉ាន់ បូរ័ត្ន បានទៅដណ្ដើមកាំភ្លើងពីលោក អ៊ិន រតនា បណ្ដាលឲ្យរាកៃផ្ទុះឡើងដោយចៃដន្យ ចំលោក អ៊ិន រតនា ស្លាប់។

បន្តមកនៅថ្ងៃទី៤ ខែតុលា ឆ្នាំ២០១២ លោករ៉ាន់ បូរ័ត្ន ត្រូវបានសាលាដំបូងខេត្តកោះកុង ចោទប្រកាន់ពីបទមនុស្ស​ឃាត​ដោយអចេតនា ដោយផ្តន្ទាទោស២ឆ្នាំ តែតម្រូវឲ្យអនុវត្តន៍ទោសតែចំនួន៦ខែ នៅក្នុងពន្ធនាគារ ចំណែក​ទោស​១ឆ្នាំ ៦ខែទៀត ត្រូវព្យូរទោស ឲ្យនៅក្រៅឃុំ។ ហើយតុលាការ ក៏ពុំបានចាត់ការសុំណុំរឿងលោកឈុត វុទ្ធី ដែរ ដោយ​សំអាងថាលោក ឈុត វុទ្ធី និងឃាតករ អ៊ិន រតនា បានស្លាប់ទាំងពីរនាក់ ដែលជានីតិវិធីច្បាប់ បណ្តឹងអាជ្ញា​ក៍ត្រូវ​រលត់។ តែការដោះស្រាយរបស់រដ្ឋាភិបាល និងការសម្រេចរបស់តុលាការ នៅពេលត្រូវបានគណបក្សជំទាស់ និង​អង្គការសង្គមស៊ីវិល រិះគន់។

សម្រាប់លោកស្រីចក់ សុភាព ប្រធានមជ្ឈមណ្ឌលសិទ្ធិមនុស្សកម្ពុជា បានបញ្ជាក់ថា៖ «បើសិនជាជន​ដែលភ័យខ្លាច​ចំពោះសកម្មភាពរបស់លោកឈុត វុទ្ធី ហើយសង្ឃឹមថាការស្លាប់របស់លោក អាចជាការគាបសង្កត់​លើសកម្មជន​ផ្សេងៗទៀត ក្នុងប្រទេសនោះ វាមិនមែនជាការពិតនោះទេ ព្រោះអ្នកដ៏ទៃទៀតនៅតែបន្តប្រយុទ្ធប្រឆាំង ដើម្បីសិទ្ធិ​របស់ខ្លួន ដែលបង្ហាញឲ្យឃើញថា សកម្មជននៅកម្ពុជា នឹងមិនភិតភ័យចំពោះការគាបសង្កត់បែបនេះនោះទេ។ ចំពោះសកម្មជនដីធ្លី និងបរិស្ថាន ក្នុងរយៈពេលពីរឆ្នាំកន្លងមកនេះ នៅតែក្លាហានបន្តការងាររបស់ខ្លួន ខណៈដែល​រដ្ឋាភិបាលនៅតែបន្តអនុវត្តនីទណ្ឌភាព៕»

-------------------------------------
ដោយ អ៊ុំ បូរី (ទំនាក់ទំនង៖ [email protected]) - ភ្នំពេញ ថ្ងៃទី២៦ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ conta[email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...