Posts tagged as "Mariano Rajoy"

ដីកា​ចាប់​ខ្លួន​ប្រធានាធិបតី​តំបន់​កាតាឡូញ នឹង​ចេញ​ក្នុង​ថ្ងៃ​នេះ

ដីកា​ចាប់​ខ្លួន​ប្រធានាធិបតី​តំបន់​កាតាឡូញ នឹង​ចេញ​ក្នុង​ថ្ងៃ​នេះ

មេធាវីរបស់លោក «Carles Puigdemont» បានអះអាងថា ដីកាឲ្យចាប់ខ្លួនកូនក្ដីរបស់ខ្លួន ត្រូវបានចៅក្រមស៊ើបអង្កេតអេស្ប៉ាញ អ្នកស្រី «Carmen Lamela» ចេញផ្សាយរួចហើយ ទៅកាន់អាជ្ញាធរ​នៃបណ្ដា​ប្រទេសនានា ក្នុងទ្វីបអ៊ឺរ៉ុប ដើម្បីបង្គាប់​ឲ្យនាំខ្លួនប្រធានាធិបតី នៃតំបន់កាតាឡូញ (Catalogne) រូបនេះ ត្រឡប់ចូលទៅឲ្យប្រព័ន្ធយុត្តិធម៌ របស់ប្រទេសអេស្ប៉ាញវិញ។

ប៉ុន្តែប្រភពមួយស្និតនឹងតុលាការអេស្ប៉ាញ បានបញ្ជាក់កាល ពីយប់ថ្ងៃព្រហស្បត្តិ៍ម្សិលម៉ិញ ក្នុងវេលាយប់ជ្រៅថា ដីកានោះ នៅមិនទាន់ត្រូវបានចៅក្រម សម្រេចចេញនៅឡើយ ហើយទំនងជាចេញផ្សាយ នៅថ្ងៃសុក្រទី៣ ខែតុលានេះ។

លោក «Paul Bekaert» ដែលជាមេធាវីរបស់លោក «Carles Puigdemont» បានប្រកាសកាលពីក្បាលព្រលប់ (ថ្ងៃព្រហស្បត្តិ៍) នៅតាមកញ្ចក់ទូរទស្សន៍​ប៊ែលហ្សិក​ថា៖ «កូនក្ដីរបស់ខ្ញុំ ទើបនឹងប្រាប់ខ្ញុំថា ដីកាឲ្យចាប់ខ្លួន ត្រូវបានសម្រេចចេញ ប្រឆាំងនឹងប្រធានាធិបតី [...]

រដ្ឋាភិបាល​អេស្ប៉ាញ យក​តំបន់​កាតាឡូញ​មក​គ្រប់​គ្រង​វិញ

រដ្ឋាភិបាល​អេស្ប៉ាញ យក​តំបន់​កាតាឡូញ​មក​គ្រប់​គ្រង​វិញ

ពលរដ្ឋឯករាជ្យនិយម ជាច្រើនសិបពាន់នាក់ បានប្រមូលគ្នាកាលពីយប់ម៉ិញ (ថ្ងៃសុក្រចូលមកថ្ងៃសៅរិ៍) កណ្ដាលក្រុង បាសឺឡូន (Barcelonne) ដើម្បីអបអរសាទរ ការប្រកាស«ឯករាជ្យ» ធ្វើឡើងដោយសភាស្វ័យត នៃតំបន់កាតាឡូញ (Catalogne) ដែលមានការចូលរួមប្រជុំ តែពីក្រុមតំណាងរាស្ត្រឯកបក្ស និយមការបំបែកទឹកដី កាលពីរសៀលថ្ងៃសុក្រ។ ប៉ុន្តែនៅព្រឹកថ្ងៃសៅរ៍នេះ មនុស្សជាច្រើនពាន់នាក់ផ្សេងទៀត ក៏បានជួបជុំគ្នា នៅរាជធានី ម៉ាឌ្រីត ដើម្បីគាំទ្រឲ្យរក្សាទុក តំបន់កាតាឡូញ នៅក្នុងទឹកដីអេស្ប៉ាញដែរ។ 

ក្នុងយប់ថ្ងៃសុក្រដដែលន រដ្ឋាភិបាលកណ្ដាល នៃប្រទេសអេស្ប៉ាញ ដឹកនាំដោយលោកនាយករដ្ឋមន្ត្រី ម៉ារីយ៉ាណូ រ៉ាហ័យ (Mariano Rajoy) បានចាប់ផ្ដើមអនុវត្តន៍ នូវចំណាត់ការ«កណ្ដាប់ដៃដែក» ដែលបានគ្រោងទុក តាំងពីច្រើនសប្ដាហ៍មកនោះ ដើម្បីយកតំបន់ កាតាឡូញ មកគ្រប់គ្រងវិញ។ លោក រ៉ាហ័យ បានប្រកាសអនុវត្តន៍ នូវចំណាត់ការទាំងនេះភ្លាមៗ [...]

ភេរវកម្ម​នៅ​បាសឺឡូន៖ ប្រតិកម្ម​ផ្ទុះ​ឡើង​ផ្អៀង​ពិភពលោក

ភេរវកម្ម​នៅ​បាសឺឡូន៖ ប្រតិកម្ម​ផ្ទុះ​ឡើង​ផ្អៀង​ពិភពលោក

ដំបូងគេ គឺប្រតិកម្មភ្លាមៗ ចេញពីរដ្ឋាភិបាល និងពីព្រះបរមរាជវាំង របស់ព្រះរាជាណា​ចក្រអេស្ប៉ាញ។ លោក ម៉ារីយ៉ាណូ រ៉ាហូយ (Mariano Rajoy) នាយករដ្ឋមន្ត្រីអេស្ប៉ាញ បានសរសេរនៅលើទំព័រទ្វីសធើរ (Twitter) របស់លោកថា៖ «ពួកភេរវជន នឹងមិនមានជ័យជំនៈដាច់ខាត ពីលើប្រជាជនមួយ ដែលស្រឡាញ់សេរីភាព នៅចំពោះភាពសហាវព្រៃផ្សៃ»។ ខណៈព្រះរាជាអេស្ប៉ាញ ព្រះបាទ ហ្វីលីពទី៦ (Felipe VI) បានបញ្ចេញព្រះរាជឱង្ការ តាមរយៈព្រះបរមរាជវាំងថា៖ «ពួកវានឹងមិនធ្វើឲ្យយើង ភ័យញាប់ញ័រអ្វីឡើយ។ ប្រទេសអេស្ប៉ាញទាំងមូល គឺជាក្រុងបាសឺឡូនតែមួយ។ មហាវិថី "Ramblas" នឹងក្លាយជាមហាវិថី របស់យើងទាំងអស់គ្នា ជាថ្មីទៀត។»។

បារាំង

បន្ទាប់មកប្រទេសបារាំង ដែលជាប់ជិតខាងបំផុត របស់អេស្ប៉ាញ ក៏បានសំដែងសមានចិត្ត តាមរយៈប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ចំពោះហេតុការណ៍ដ៏រន្ធត់ខាងលើ [...]

ត្រាំ អបអរ ម៉ាក្រុង ដែលទើបជាប់ឆ្នោត ជាប្រធានាធិបតីបារាំង

ត្រាំ អបអរ ម៉ាក្រុង ដែលទើបជាប់ឆ្នោត ជាប្រធានាធិបតីបារាំង

មេដឹកនាំនៅជុំវិញពិភពលោក បានសំដែងការអបអរសាទរ ជ័យជំនះរបស់លោក អេម៉ានុយអែល ម៉ាក្រុង (Emmanuel Macron) ដែលទើបនឹងជាប់ឆ្នោត ជាប្រធានាធិបតីបារាំងជំនាន់ទី៨ នៅក្នុងការបោះឆ្នោតជុំទីពីរ នាថ្ងៃអាទិត្យទី៧ ខែឧសភានេះ។

មុនគេបង្អស់ លោក ដូណាល់ ត្រាំ (Donald Trump) ប្រធានាធិបតីអាមេរិក បានយកទំព័រទ្វីសធើររបស់លោក ដើម្បីថ្លែងពីទឹកចិត្តរបស់លោក ចំពោះលោក ម៉ាក្រុង និងបានអះអាងថា លោករង់ចាំ​ធ្វើការ​ជាមួយលោក ម៉ាក្រុង ខ្លាំងណាស់។ លោក ត្រាំ បានសរសេរថា៖ «អបអរសាទរ ជូនលោក អេម៉ានុយអែល ម៉ាក្រុង ចំពោះជ័យជំនះដ៏ធំធេងរបស់លោក នៅថ្ងៃនេះ ដើម្បីក្លាយជាប្រធានាធិបតីថ្មី របស់ប្រទេសបារាំង។ ខ្ញុំកំពុងរង់ចាំយ៉ាងអន្ទះសារ ដើម្បីធ្វើការរួមគ្នាជាមួយលោក។»។

បន្ទាប់មកទៀត អ្នកស្រី អង់ជឺឡា ម៉ែរគែល (Angela Merkel) អធិការបតីនៃប្រទេសអាល្លឺម៉ង់ ក៏បានទរស័ព្ទមកអបអរដោយផ្ទាល់ ជូនទៅលោក ម៉ាក្រុង ដែរ។ នេះ បើតាមអ្នកស្រី «Laurence [...]

ធ្លាក់​យន្ដហោះ 4U9525 នៅ​បារាំង៖ ប្រអប់​ខ្មៅ​រក​ឃើញ និង​អ្វី​ដែល​គេ​ដឹង

ធ្លាក់​យន្ដហោះ 4U9525 នៅ​បារាំង៖ ប្រអប់​ខ្មៅ​រក​ឃើញ និង​អ្វី​ដែល​គេ​ដឹង

តើយន្ដហោះ អ៊ែរប៊ូស (Airbus A320) ដែលល្បីថា មានសភាពនឹងនរ ជាងយន្ដហោះផ្សេងទៀត ក្នុងលោក អាច​ធ្លាក់​បោក​ខ្លួន រហូតស្លាប់មនុស្សអស់ ១៥០នាក់ យ៉ាងដូចម្ដេច? នៅថ្ងៃទី២៤ ខែមីនា ឆ្នាំ២០១៥នេះ យន្ដហោះ របស់​ក្រុមហ៊ុន ហ្សែរមេនវីន (Germanwings) ដែលធ្វើអាជីវកម្មថោកថ្លៃ និងជាផ្នែកមួយ របស់ក្រុមហ៊ុនអាកាសចរណ៍ លូថានស្សា (Lufthansa) ក្រុមហ៊ុនដ៏ធំមួយទៀត របស់អាល្លឺម៉ង់ បានភ្ជាប់ជើងហោះហើរលេខ 4U9525 ពីក្រុង បាសឺឡូន (Barcelone) ប្រទេសអេស្ប៉ាញ ឆ្ពោះទៅ ក្រុង ឌូសែលដ័រ (Düsseldorf) ប្រទេសអាល្លឺម៉ង់ ជាមួយ​នឹងអ្នក​ដំណើរ ១៤៤នាក់ ព្រមទាំងបុគ្គលិកបម្រើលើយន្ដហោះ ៦នាក់។

យន្ដហោះ បានធ្លាក់បោកខ្លួន នៅក្នុងជ្រលងភ្នំ ដែលមានជញ្ជាំងខ្ពស់ៗ ហើយពិបាកនឹងអាចឲ្យគេ ចូលទៅសង្គ្រោះ​បាន ក្រៅតែពីប្រើឧទ្ធម្ភាគចក្រប៉ុណ្ណោះ។ ខាងក្រោមនេះ ជាអ្វីដែលក្រុមអ្នកស៊ើបអង្កេត បានបង្ហាញជាជំហានដំបូង៖

[...]


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...