Posts in ‘សម្រាំងបច្ចុប្បន្នភាព’ Category

ជនជាតិបរទេសបីនាក់ ដែលជាប់ចោទពីបទព្យាយាម រត់ម្សៅកូកាអ៊ីន ទម្ងន់២,២គីឡូក្រាម ទៅកាន់ប្រទេស​អូស្ត្រាលី​នោះ ត្រូវបានកាត់ទោសឲ្យជាប់ពន្ធនាគារ ពី២៣ឆ្នាំ ទៅដល់២៧ឆ្នាំ ដោយតុលាការសាលា​ដំបូងរាជធានី​ភ្នំពេញ នៅព្រឹកថ្ងៃពុធទី២៨ ខែឧសភានេះ។

សាលាដំបូងរាជធានីភ្នំពេញ មើលពីក្រៅ។ (រូបថត MONOROOM.info/ S.Tith)

ប្រព័ន្ធច្បាប់ - ជនជាតិបរទេសទាំងបីនាក់ មានស្ត្រីវ័យក្មេងម្នាក់ជាជនជាតិបារាំង អាយុ១៩ឆ្នាំ ស្ត្រីម្នាក់ជនជាតិ​អូស្ត្រាលី អាយុ៤១ឆ្នាំ និងយុវជនម្នាក់ទៀតជាជនជាតិនីហ្សេរីយ៉ា។ ស្ត្រីជាប់ចោទ​ត្រូវបានឃាត់ខ្លួន កាលពីខែកញ្ញា​ឆ្នាំ២០១៣កន្លងទៅ នៅក្នុងព្រលានយន្ដហោះភ្នំពេញ ជាមួយនឹងកាបូបស្ពាយនឹងខ្នង ដែលមានដាក់គ្រឿងញៀន។

នៅប្រទេសកូរ៉េខាងត្បូង គ្រោះអគ្គិភ័យបានដុតបំផ្លាញមន្ទីរពេទ្យមួយកន្លែង ធ្វើឲ្យមនុស្ស២១នាក់ស្លាប់ និង៦នាក់​ទៀតរងរបួសធ្ងន់។ ទីភ្នាក់ងារសារព័ត៌មាន យ៉ុងហាប់ របស់ប្រទេសនេះ បានថ្លែងបញ្ជាក់ឲ្យដឹង។

អ្នកលត់អគ្គិភ័យរបស់ប្រទេសកូរ៉េខាងត្បូង នៅក្នុងព្រឹត្តិការណ៍ឆេះចំណតរថយន្ដក្រុង។ (រូបភាព Keystone)

កូរ៉េខាងត្បូង - គ្រោះអគ្គិភ័យបានកើតឡើងទៅលើមន្ទីរពេទ្យមួយកន្លែង ក្នុងតំបន់ជៀនសូង () ផ្នែកខាងត្បូងនៃ​រដ្ឋធានីសេអ៊ូល។ នគរបាលបានថ្លែងឲ្យដឹងថា ជនរងគ្រោះដល់ជីវិតភាគច្រើន ដែលត្រូវបានប្រកាសឲ្យដឹង នៅ​ព្រឹកថ្ងៃពុធនេះ បានស្លាប់គាំងខ្លួននៅក្នុងមន្ទីរពេទ្យនោះ និងមួយភាគធំជាអ្នកជំងឺ។ តែនៅក្នុងចំណោម​ជនរងគ្រោះ​ដល់ជីវិតនេះ [...]

អតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា ដែលត្រូវបានរបបយោធាថ្មី ចាប់ឃុំខ្លួនកាលពីថ្ងៃ​សុក្រ​សប្ដាហ៍មុនមកនោះ ទើបនឹងត្រូវបានដោះលែងវិញនៅល្ងាចថ្ងៃអង្គារម្សិលម៉ិញ។ នេះបើតាមអ្នកនាំពាក្យ​របស់​កងទ័ពថៃ កាលពីយប់ថ្ងៃដដែល។ ប៉ុន្តែរដ្ឋមន្ត្រីមួយរូប នៅក្នុងរដ្ឋាភិបាលរបស់លោកស្រី យីងឡាក់ ត្រូវបាន​ក្រុម​យោធាឃាត់ខ្លួនវិញ នៅខណៈពេលដែលរដ្ឋមន្ត្រីរូបនោះ កំពុងធ្វើសន្និសីទការសែត នៅចំពោះមុខអ្នកសារព័ត៌មាន​រាប់សិបនាក់។

លោកស្រី យីងឡាក់ ស៊ីណាវ៉ាត្រា នាយករដ្ឋមន្ត្រីថៃ ថ្លែងអង្វរ ទៅកាន់ប្រជាជាតិ កាលពីចុងឆ្នាំ២០១៣។ (រូបថត Wason Wanonchakorn, AP)

នយោបាយថៃ - របបយោធាថៃ កំពុងបន្តផ្លុំខ្យល់ក្ដៅផង ត្រជាក់ផង [...]

លោក ជីរ៉កគី រ៉េនណា (Jyrki Raina) អគ្គលេខាធិការ សហព័ន្ធសហជីពអន្តរជាតិ បានថ្លែងពីការបារម្ភជាខ្លាំង ចំពោះបញ្ហាអ្នកទាំង២១នាក់ ដែលកំពុងតែជាប់ឃុំ។ អគ្គលេខាសហព័ន្ធសហជីពអន្តរជាតិ ដែលមានសមាជិក​ជាង១៤០ប្រទេសរូបនេះ បានសម្ដែងបំណងចង់ឱ្យកម្ពុជា បញ្ចប់នូវរឿងក្តីក្តាំ របស់អ្នកទាំង២៣នាក់ ដើម្បបង្ក​ស្ថានភាពឲ្យមានភាពល្អប្រសើឡើងវិញ។

លោក ជីរ៉កគី រ៉េនណា (Jyrki Raina) អគ្គលេខាធិការ សហព័ន្ធសហជីពអន្តរជាតិ។ (រូបថតផ្ដិតពីវីដេអូ)

ប្រព័ន្ធយុត្តិធម៌ - ស្របពេលដែលសាលក្រម របស់ជនជាប់ចោទទាំង២៣នាក់ ត្រៀមនឹងប្រកាសនៅថ្ងៃទី៣០ ខែ​ឧសភា ខាងមុខនេះ អគ្គលេខាធិការរបស់ Iសហព័ន្ធសហជីពអន្តរជាតិ ហៅជាភាសាអង់គ្លេសថា IndustriALL Global Union លោកជីរ៉កគី រ៉េនណា [...]

ក្នុងជំនួបជាមួយក្រុមសហជីពអន្តរជាតិ និងអ្នកបញ្ជាទិញម៉ាកយីហោល្បីៗ នៅលើពិភពលោក ខាងសហជីពកម្មករ ជាពិសេសមេដឹកនាំ ដែលធ្វើសកម្មភាពទាមទារតម្លើងប្រាក់ឈ្នួលកន្លងមក បានបង្ហាញការរំពឹងទុកថា បញ្ហា​នានា​ដូចបញ្ហារឿងប្រាក់ឈ្នួល អ្នកកំពុងជាប់ឃុំទាង២១នាក់ និងបញ្ហារិតត្បិតសេរីជាដើមនឹងត្រូវបានដោះស្រាយ។

ក្រុមកម្មករធ្វើបាតុកម្មនៅខាងមុខក្រសួងការងារ លើវិថីសហព័ន្ធរ៉ូស្ស៊ី កាល់ពីថ្ងៃទី៣១ខែធ្នូឆ្នាំ២០១៣។ (រូបថត MONOROOM.info/O.Vary)

វិបត្តិកម្មករ - លោកអាត់ ធន់ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា បានថ្លែងនៅថ្ងៃទី២៧ ខែ​ឧសភានេះ ថាវាជារឿងមួយល្អ ដែលក្រុមអ្នកបញ្ជាទិញពិភពលោក និងសហជីពអន្តរជាតិ [...]