Posts by "សុបិន្ដ"

គ្មានអ្វីអាចមករំខាន នូវជំនក់ចិត្ត ក្នុងការបំបោលសេះ ដោយឆាប់ដល់ទិសដៅ ដើម្បីយកឈ្នះឲ្យបាននោះឡើយ បើ​ទោះ​ជាលោក ប្លេក សាញ ត្រូវរបូតខោ បង្ហាញកំប៉េះគូទ នៅកណ្ដាលឆាកក៏ដោយ។

លោក ប្លេក សាញ បានថ្លែងទាំងសើចក្អាកក្អាយថា៖ «ខ្ញុំបារម្ភច្រើន សម្រាប់ការប្រណាំងសេះមួយនេះ ដែលខ្ញុំចង់​យក​ជ័យជំនះ។ តែខោខ្ញុំ បានចាប់រអិល ធ្លាក់ចេញពីចង្កេះ តាំងពីពេលចាប់ផ្ដើមម្លេះ។ រឿងដែលពិបាកនោះ គឺខ្ញុំមិនអាច​ធ្វើអ្វី​បាន ជាមួយនឹងខោរបស់ខ្ញុំនេះទេ។»

កីឡាករដែលបានបញ្ចាប់ ការប្រកួតរួបនេះ បានបន្តទៀតថា៖ «ខ្ញុំគិតថា មនុស្សម្នានឹងសើច ពីឈុតឆាកឥតព្រៀង​ទុក​នេះ។ ប៉ុន្តែយ៉ាងហោចណាស់ ពួកគេមិនអាចនិយាយថា ខ្ញុំមិនបានផ្ចង់អារម្មណ៍ នៅក្នុងការបំបោល សេះប្រណាំង​នេះ​ឡើយ។»

បើទោះជាការផ្ចង់អារម្មណ៍ របស់លោក ប្លេក មានខ្លាំង រហូតរបូតខោមិនខ្វល់ យ៉ាងនេះក៏ដោយ តែលោកបានទទួល​ជ័យជំនះ តែត្រឹមចំណាត់លេខពីរប៉ុណ្ណោះ។ [...]

ហេតុការណ៍ បានកើតឡើង នៅក្នុងហាងលក់ គ្រឿងអលង្កា មួយកន្លែង ស្ថិតក្នុងក្រុង Chelyabinsk ភាគខាងត្បូង កណ្ដាល​នៃប្រទេសរ៉ូស្សី កាលពីថ្ងៃទី១៦ ខែមេសានេះ។ ខណៈពេលដែល អ្នកលក់មួយរូប កំពុងបម្រើអតិថិជន​របស់​ខ្លួន ដែល​ជា​គូរស្នេហ៍ពីរនាក់នោះ ស្រាប់តែបុរសម្នាក់ បិទមុខជិត បានចូលទៅកាន់ទីនោះ ដើម្បីប៉ុនប៉ុងធ្វើការប្លន់។

រូបភាពដែលត្រូវបានចាប់ជាប់ ដោយម៉ាស៊ីនថតសុវត្ថិភាព បានបង្ហាញថា ជនបិទមុខរូបនេះ បានដាក់ដៃចូល​ក្នុង​អាវ​ធំ​របស់ខ្លួន ដែលជាកាយវិការបង្ហាញថា ខ្លួនមានអាវុធលាក់នៅទីនោះ។ ជននេះ បានបោះស្បោងមួយ ទៅលើទូអលង្កា និងបានគម្រាមស្ត្រីអ្នកលក់ ឲ្យប្រមូលគ្រឿងអលង្កា ដាក់ក្នុងស្បោងនោះឲ្យខ្លួន។

រំពេចនោះ យុវជនម្នាក់ ក្នុងចំណោមគូស្នេហ៍ទាំងពីរ ដែលជាអតិថិជន ចូលមកក្នុងហាងនេះមុន ហើយមិនអាចទ្រាំ មើល​សកម្មភាពល្មើស របស់ចោរប្លន់ បានតទៅទៀត ក៏បានប្រើមហារន្ទះ នៃសន្ទុះជើងឥតស្រមោល របស់ខ្លួន ទាត់​ចំ​កញ្ចឹង ក [...]

ការសាកល្បងដាក់ឲ្យរត់ ត្រូវបានធ្វើ កាលពីព្រឹកថ្ងៃអង្គារ (ពេលវេលាក្នុងស្រុក) ជាមួយនឹងបុគ្គលិកជំនាញ ជាច្រើន​នាក់។ អ្នកនាំពាក្យរបស់ក្រុមហ៊ុន Central Japan Railways បានថ្លែងឲ្យដឹងថា៖ «ល្បឿងរហូតដល់ ៦០៣ គីឡូម៉ែត្រ ក្នុង​មួយ​ម៉ោង​នេះ ត្រូវបានដាក់ឲ្យរត់ ក្នុងរយៈពេល ១០,៨វិនាទី នៅពេលដែលរថភ្លើង បានរត់កាត់រូងក្រោមដីមួយ»។ បើ​តាម​ល្បឿន​ដែល​បង្ហាញនេះ បញ្ជាក់ថា រថភ្លើងនេះ នឹងមានល្បឿន លឿនជាងគេ នៅក្នុងពិភពលោក។

ការសាកល្បង ត្រូវបានដាក់ធ្វើ នៅលើផ្លូវដែក ដែលសង់ឡើងយ៉ាងពិសេស និងមានចំងាយ ៤២,៨ គីឡូម៉ែត្រ នៅក្នុង​ខេត្ត យ៉ាម៉ាណាស្សី (Yamanashi) ភាគកណ្ដាល នៃប្រទេសជប៉ុន។ រថភ្លើង «maglev» ត្រូវបានសិក្សាស្រាវជ្រាវ និង​ផលិត នៅក្នុងខេត្តនេះ តាំងពីច្រើនឆ្នាំមកហើយ។

កាលពីក្នុងពេលសាកល្បងលើកមុន ល្បឿនបានឡើង ខ្ពស់បំផុត ត្រឹមតែ ៥៩០គីឡូម៉ែត្រ ក្នុងមួយម៉ោង។ ចំណែកឯ​ការ​សាកល្បង នៅថ្ងៃអង្ការនេះ [...]

គ្រាន់តែផ្លុំខ្យល់ ចូលទៅក្នុងម៉ាស៊ីនមួយ ដែលដាក់តាមដងផ្លូវ ក្នុងពេលឥឡូវនេះ គេអាចហៅរថយន្ដតាក់ស៊ី ឲ្យ​មក​ទទួល យកទៅផ្ទះបាន នៅក្រុង តូរ៉ុងតូ ប្រទេសកាណាដា។ សេវាកម្មនេះ ទើបនឹងដាក់ឲ្យដំណើរការ នៅក្នុងរយៈពេល​ចុងក្រោយនេះ ដើម្បីធានាដល់សុវត្ថិភាព ចរាចរណ៍ជើងគោង និងដើម្បីឲ្យក្រុមអ្នកស្រវឹង ឈប់កាន់ចង្កូតរថយន្ដ ដោយ​ខ្លួន​ឯង ត្រឡប់ទៅផ្ទះវិញ។

ប្រអប់សម្រាប់ធ្វើការត្រួតពិនិត្យដោយស្វ័យប្រវត្តិនោះ មានឈ្មោះថា Uber safe ហើយត្រូវបានយកមកដាក់ នៅក្បែរ​នឹង​រង្គសាល ឬកន្លែងកំសាន្ដសំខាន់ៗ សម្រាប់ឲ្យមនុស្ស ដែលចេញពីទីនោះ ធ្វើការផ្លុំសាកល្បង ពីជាតិអាល់កុល នៅ​ក្នុង​ខ្លួន។ ដើម្បីដឹងពីលទ្ធផល គេត្រូវផ្លុំឲ្យបានយូរ ក្នុងរយៈពេល៦នាទី ហើយបើលទ្ធផលចេញមក បង្ហាញថា កម្រិត​ជាតិ​សុរា នៅក្នុងខ្លួន មានហួសកំណត់នោះ រថយន្ដតាក់ស៊ីមួយ នឹងត្រូវបានហៅ ដោយស្វ័យប្រវត្តិ ដើម្បីមកដឹក​អ្នក​ស្រវឹង​នោះ ទៅផ្ទះ។