ប្រវត្តិខ្លីៗរបស់កីឡាករតម្លៃខ្លួនថ្លៃបំផុតពិភពលោក «ហ្គារេត ប៊េល»
ហ្គារេត ប៊េល វ័យ២៤ឆ្នាំ កើតនៅថ្ងៃទី១៦ ខែកក្កដា ឆ្នាំ១៩៨៩។ គាត់ជាកីឡាករអន្តរជាតិវ៊ែល ដែលលេងក្នុងដំណែងជាខ្សែបម្រើស្លាប។ ប៊េល ចាប់ផ្តើមអាជីពជាកីឡាករបាល់ទាត់ដំបូង ជាមួយនឹងក្រុម សៅហាំតុន (Southampton) និងលេងក្នុងដំណែងជាខ្សែការពារស្លាបឆ្វេង ប៉ុន្តែគាត់មានជំនាញពិសេស ខាងទាត់បាល់ពិន័យហ្វ្រីឃីត (free kick)។
កីឡាករដែលមានតម្លៃខ្លួនថ្លៃបំផុត ហ្គារេត ប៊េល។ (រូបថត liberoquotidiano.it)
បន្ទាប់ពីផ្ទេរទៅក្លិបទតិនហេម (Tottenham) ក្នុងតម្លៃ ៥លានផោន កាលពីឆ្នាំ២០០៧ ប៊េលបានបង្ហាញពីសមត្ថភាព កាន់តែអស្ចារ្យខ្លាំងឡើងៗ និងចាប់ផ្តើមចូលលេងទៀងទាត់ជម្រើសដំបូង សម្រាប់ក្រុមមាន់ខ្នាយមាស ចាប់តាំងពីរដូវកាល ២០០៩-២០១០ មក។ ខណៈដែលមានទម្រង់លេងដល់កំរិតកំពូល ប៊េលត្រូវបានគ្រូបង្វឹកដ៏ល្បីល្បាញ [...]
