សេវីឡា បំផ្លាញបរិយាកាសនៃមែនញ៉ូ ដ៏ល្អរបស់រីយ៉ូ ហ្វឺឌីណាន់
ខ្សែការពារក្រុមម៉ែនឆេស្ទើ យូណៃធីត (Manchester United) កីឡាករ រីយ៉ូ ហ្វឺឌីណាន់ (Rio Ferdinand) បានត្រឹមតែឈរច្រត់ចង្កេះ មើលពិធីអបអរកិត្តិយសរបស់គាត់ ត្រូវបំផ្លាញដោយក្រុមសេវីឡា (Sevilla) ខណៈដែលក្រុមអេស្ប៉ាញមួយនេះ បានធ្វើដំណើរមកបំបាក់ម៉ែនញូ ក្នុងកីឡាដ្ឋាន អូលត្រាហ្វដ (Old Trafford) ដោយលទ្ធផល ៣-១ កាលពីយប់ថ្ងៃសុក្រ។
កីឡាករ រីយ៉ូ ហ្វឺឌីណាន់ របស់ក្រុមម៉ែនឆេស្ទើ យូណៃធីត។ (រូបថត Matthew Peters)
ហ្វឺឌីណាន់ កំពុងតែប្រារព្ធពិធីអបអរអាជីពរបស់គាត់ បន្ទាប់ពីចំណាយពេល១១ឆ្នាំ ជាមួយម៉ែនញូ ហើយទទួលបានជោគជ័យយ៉ាងធំធេង។ ប៉ុន្តែអតីតកីឡាករអន្តរជាតិអង់គ្លេសរូបនេះ ដឹកនាំក្រុមបញ្ចប់ដោយលទ្ធផលបរាជ័យ ខណៈដែលក្រុមរបស់គាត់ (ម៉ែនញូ) នៅតែបន្តភាពត្រដាបត្រដួសទៀត [...]