បាត់ដំបង៖ ពលរដ្ឋឃុំរកាជិត១០០នាក់«ឆ្លង»ជំងឺអេដស៍ដោយគ្មានមូលហេតុ
«មេរោគអេដស៍» ដែលជាជំងឺមួយ មានការ«ស្អប់» និងមិនចង់លឺឈ្មោះ ពីសំណាក់ប្រជាកសិករនោះ បាននឹងកំពុងចូលមក«សង្ងំ» រស់រានមានជីវិតក្នុងខ្លួនប្រជាកសិករ និងពលរដ្ឋមួយចំនួន នៃភូមិរកា ភូមិអំបែងថ្ងែ និងភូមិតាហែនមួយ ក្នុងឃុំរកា ស្រុកសង្កែ ខេត្តបាត់ដំបង ទាំង«មិន»ដឹងខ្លួន។
ភូមិទាំងបី ស្ថិតនៅមិនឆ្ងាយប៉ុន្មាន ពីទីរួមខេត្តបាត់ដំបងឡើយ។ បន្ទាប់ពីមានអ្នកភូមិភាគច្រើន បានទៅពិនិត្យឈាម ឃើញថាមានផ្ទុកមេរោគអេដស៍នោះ ប្រជាពលរដ្ឋស្ទើរតែទាំងភូមិ បាននាំគា្នទៅពិនិត្យឈាម ជាបន្តបន្ទាប់ ព្រោះតែការភ័យខ្លាច និងចង់ដឹង។
ចាប់ពីថ្ងៃទី៨ ខែធ្នូ មកត្រឹមថ្ងៃទី១៦ ម្សិលម៉ិញនេះ មានអ្នកភូមិប្រមាណជិត៧០០នាក់ បានមកធ្វើតេស្តឈាម ក្នុងនោះយ៉ាងហោចណាស់ មនុស្សជាង៩០នាក់ រកឃើញរោគសញ្ញា និងកំពុងផ្ទុកមេរោគអេដស៍។ ការសម្រុកមកពិនិត្យឈាម របស់ប្រជាពលរដ្ឋនេះ [...]