Posts tagged as "Apocalypse"

អាហ្វ្រិក​ខាង​ត្បូង​បើក​សាកលវិទ្យាល័យ «ធ្មប់» ដំបូង​គេ

អាហ្វ្រិក​ខាង​ត្បូង​បើក​សាកលវិទ្យាល័យ «ធ្មប់» ដំបូង​គេ

តើលោកអ្នកមានបំណង សិក្សារៀនសូត្រ ឬស្រាវជ្រាវពី«អំពើធ្មប់អូមអាម»ឬទេ? មិនពិបាកស្វែងរកទេ ព្រោះនៅក្នុងប្រទេសអាហ្វ្រិកខាងត្បូង សាកលវិទ្យាល័យមួយទើបនឹងបើកទ្វា ដើម្បីទទួលហ្វឹកហ្វឺន​នរណាក៏ដោយ ដែលមានបំណងចង់ក្លាយខ្លួនជាគ្រូសិល្ប៍ មន្តអាគម អូមអាម ឬមេធ្មប់។ រៀនចប់កាលណា សាកលវិទ្យាល័យមួយនេះ នឹងចេញជូន នូវ«សញ្ញាបត្រវិទ្យាសាស្ត្រផ្នែកអំពើធ្មប់» នោះទៀត។

សាលាបង្រៀនអំពើធ្មប់នេះ មិនមែនត្រូវបានបង្កើតឡើង ដោយខុសច្បាប់ទេ ព្រោះក្រសួងសិក្សាធិការជាន់ខ្ពស់ របស់ប្រទេសអាហ្វ្រិកខាងត្បុង គឺជាអ្នកគ្រប់គ្រង ពីលើស្ថាប័នមួយនេះ។ ស្រង់សំដីដោយសារព័ត៌មានក្នុងស្រុក លោក «Blade Nzimande» រដ្ឋមន្ត្រីក្រសួងមួយនេះ បានថ្លែងឲ្យដឹងថា សាកលវិទ្យាល័យ នៃអំពើធ្មប់ បានបើកទ្វាតាំងពីថ្ងៃទី២០ ខែមីនាកន្លងទៅ ហើយបានចាប់ផ្ដើមទទួលនិស្សិតឆ្នាំទី១របស់ខ្លួន ឲ្យមកចូលរៀននៅទីនោះ។

ដើម្បីពន្យល់ពីហេតុផល [...]

សហព័ន្ធបាល់ទាត់​រវ៉ាន់ដា ហាម​ឃាត់​«អំពើ​ធ្មប់»​ក្នុងបាល់ទាត់

សហព័ន្ធបាល់ទាត់​រវ៉ាន់ដា ហាម​ឃាត់​«អំពើ​ធ្មប់»​ក្នុងបាល់ទាត់

ប្រព័ន្ធផ្សព្វផ្សាយបរទេស​ជាច្រើន បានអះអាងថា កីឡាករខ្សែប្រយុទ្ធ ឈ្មោះ «Moussa Camara» របស់​ក្រុម «Rayon Sport» គឺជាអ្នកយកវត្ថុអ្វីមួយ ទៅដាក់ជាប់នឹងបង្គោលទី របស់ក្រុម «Mukura Victory Sports» ដែល​បាន​ជួបប្រកួតគ្នា នៅដើមខែធ្នូកន្លងទៅ។ ប៉ុន្តែរូបភាព ដែលចាប់បាន ដោយទូរទស្សន៍ក្នុងស្រុក បាន​បង្ហាញ​ផ្សេង​ទៅ​វិញ។

តាមពិត គឺកីឡាករ «Moussa Camara» នេះទៅវិញទេ ដែលបាន​ទៅដក​យក​«វត្ថុ»អ្វីមួយ ដែលគេជឿថា ជា​ការ​សម្គាល់​អំពើអូមអាម របស់ក្រុម «Mukura Victory Sports» ដាក់ជាប់នឹងបង្គោលទី ពីទីកន្លែងនោះ​មក​វិញ។ ទម្លាប់នេះ ជាជំនឿរបស់បណ្ដាជនរវ៉ាន់ដា ដើម្បីជួយធ្វើយ៉ាងណា កុំឲ្យក្រុមប្រកួត​ម្ខាង​ទៀត រក​គ្រាប់​បាល់​បាន (ទាត់បញ្ចូលទីខ្លួន ចេះតែខុស ឬប៉ះបង្គោលរហូត)។

ហើយបន្ទាប់ពីដកយក​វត្ថុនោះចេញរួច កីឡាករខ្សែប្រយុទ្ធដដែល ដែលទើបនឹងទទួលបានកាត​លឿង​មួយ ពី​អាជ្ញាកណ្ដាល ក្នុង​សកម្មភាពខាងលើ [...]

ដុំដែក​មូលៗ​បី ធ្លាក់​ពី​លើ​មេឃ នៅ​វៀតណាម

កាលពីចុងសប្ដាហ៍កន្លងទៅ ដុំដែកមូលៗ​ដ៏ចម្លែកចំនួនបីដុំ បានធ្លាក់ពីលើមេឃ ត្រូវបានកងទ័ពរបស់​ប្រទេស​វៀតណាម ប្រមូលបាន។ ដុំដែកទាំងនោះ បានធ្លាក់នៅក្បែរអូមួយ ក្នុងតំបន់ជាប់នឹងក្រុង «Tuyen Quan» ភាគ​ខាង​​ជើង នៃប្រទេសវៀតណាម។ ដុំដែកទាំងនេះ មានទំងន់ ពី ០,៥ ទៅដល់ ៤៥គីឡូក្រាម។ ដុំដែក​ដែល​តូច​ជាង​គេ ធ្លាក់​នៅលើដំបូលផ្ទះមួយ ដែលស្ថិតនៅកណ្ដាលចំការពោត ក្នុងតំបន់ដដែល។

អ្នកនាំពាក្យកងទ័ពវៀតណាម លោក វ៉ូ វាន់ទន់ (Vo Van Tuan) បានថ្លែងប្រាប់ទីភ្នាក់ងារព័ត៌មានបារាំង «AFP» ថា៖ «នៅមុនពេលរកឃើញ ដុំដែកទាំងនេះ កងទ័ពវៀតណាម មិនមានសកម្មភាពយោធាអ្វី សូម្បីបន្តិចឡើយ នៅក្នុងតំបន់នេះ»។

ចម្លែក...

តើដុំដែកមូលទាំងនេះ ធ្លាក់ពីណា និងមានរឿងហេតុអ្វី? រឿងមួយដែលគេដឹងពិតប្រាកដ [...]

«មេធ្មប់»​នៅ​អាហ្វ្រិក​កណ្ដាល ត្រូវ​បាន​កប់ និង​ដុត​ទាំង​រស់!

«មេធ្មប់»​នៅ​អាហ្វ្រិក​កណ្ដាល ត្រូវ​បាន​កប់ និង​ដុត​ទាំង​រស់!

នៅក្នុងរបាយការណ៍ របស់អង្គការសហប្រជាជាតិនោះ មានបង្ហាញទាំងរូបថត ដែលអះអាងពីហេតុការណ៍​ទាំងអស់នោះ ដូចជាជនរងគ្រោះ ត្រូវគេចង់ឆ្កាងនៅសរសរឈើ រួចយកភ្លើងមកដាក់ក្បែរ និងរូបសាក​សព​ឆេះ​ខ្លោច​ជាដើម។ ទារុណកម្មទាំងនេះ បានកើតឡើងនៅរវាងខែធ្នូ ឆ្នាំ២០១៤ និងដើមឆ្នាំ២០១៥ ស្ថិតក្រោម​បញ្ជា របស់មេដឹកនាំកងសេនាជន ប្រកាន់សាសនាគ្រឹស្ដ៍ «anti-balaka»ដែលប្រយុទ្ធតាំងពី២ឆ្នាំមកហើយ ប្រឆាំង​នឹង​ក្រុមអ្នកបះបោរ ប្រកាន់សាសនាអ៊ីស្លាម «Séléka»។

ប្រទេសអាហ្វ្រិកកណ្ដាល បានធ្លាក់ចូលទៅក្នុងអំពើហិង្សាយ៉ាងឃោឃៅ មានលក្ខណៈជាក្រុម និងជា​សហគមន៍ បន្ទាប់ពីការដណ្ដើមអំណាច របស់ក្រុមអ្នកបះបោរ ប្រកាន់សាសនាអ៊ីស្លាម កាលពីខែមីនា ឆ្នាំ​២០១៣ ខណៈក្នុងប្រទេស មានពលរដ្ឋភាគច្រើន ជាអ្នកកាន់សាសនាគ្រឹស្ដ៍។ បើទោះជាមានការដាក់ឲ្យ​មាន នូវរដ្ឋាភិបាលជាបណ្ដោះអាសន្ន​មួយឡើងក៏ដោយ តែអំពើហិង្សានេះ​នៅតែបន្តមាន ហើយច្បាប់ ​និង​អំណាច​រដ្ឋ [...]

ជិះ​រថយន្ដ​កាត់​អគ្គិភ័យ​ឆេះ​ព្រៃ​ដ៏​ព្រឺ​ព្រួច៖ ​ដូច​ភ្លើង​ឆេះ​កល្ប?

«បើករថយន្ដឆ្លងកាត់ព្រៃ ដែលកំពុងឆេះយ៉ាងសន្ធោសន្ធៅ» ជាចំណងជើងវីដេអូ ដែលជនជាតិ​អាមេរិក​រស់​នៅ ក្នុងរដ្ឋកាលីហ្វ័នីមួយរូប បានដាក់បង្ហោះ កាលពីសប្ដាហ៍កន្លងមកនេះ ដោយបង្ហាញឲ្យឃើញ នូវ​រូប​ភាព​ភ្លើង«ឆេះកាល» ដ៏គួរឲ្យព្រឺព្រួច។ វីដេអូនេះត្រូវបានថត នៅពេលដែលជនជាតិអាមេរិករូបនោះ បានជិះ​រថយន្ដ​គេចចេញ ពីភ្លើងឆេះព្រៃ ដែលបានបំផ្លាញព្រៃឈើ ជាច្រើនហិចតា នៅក្នុងរដ្ឋកាលីហ្វ័នី។

បើតាមការអះអាង របស់ម្ចាស់វីដេអូ បានឲ្យដឹងថា លោកបានគេចចេញ ពីក្រុង «Middletown» នៅយប់​ថ្ងៃ​សៅរ៍វេលាម៉ោង ប្រមាណជា ២០និង៣០នាទី។ ផ្ទះសម្បែងរាប់រយខ្នង ត្រូវបានឆេះខ្ទេច ទៅជាធ្យូង បង្ក​ឡើងពីភ្លើងឆេះព្រៃ ដែលបានលាតសន្ធឹងដល់ទៅជាង ១៦ហិចតា គ្រាន់តែក្នុងរយៈពេល មួយចុង​សប្ដាហ៍​ប៉ុណ្ណោះ។ អ្នករស់នៅក្នុងតំបន់ ត្រូវបានអាជ្ញាធរបញ្ជា ឲ្យចាកចេញ ខណៈអភិបាលរដ្ឋកាលីហ្វ័នី បាន​ប្រកាស​ដាក់តំបន់នោះ ស្ថិតក្នុងភាពអាសន្ន។

សូមបញ្ជាក់ដែរថា [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...