វះ​យក​ត្រី​ប្រវែង ១,២៥ម៉ែត្រ ចេញ​ពី​ពោះ​បុរស​ម្នាក់ នៅ​ប្រេស៊ីល

ក្រុមគ្រូពេទ្យ បានយកត្រីមួយក្បាល ប្រវែង១,២៥ម៉ែត្រ ចេញពីក្នុងពោះបុរសជាតិប្រេស៊ីលមួយរូប។ បុរសនោះ ទើប​នឹង​បាន​ដាក់​ពាក្យ​បណ្ដឹង បន្ទាប់ពីវីដេអូទាក់ទងនឹងការវះកាត់នេះ ត្រូវបានយកមកផ្សព្វផ្សាយ បង្ក​ការ​ភ្ញាក់​ផ្អើល​ជា​ខ្លាំង នៅ​តាម​បណ្ដាញ​អ៊ិនធើណែត។
ត្រីមួយក្បាល កំពុងត្រូវបានយកវះចេញពីពោះ។ (រូបផ្តិតពីវីដេអូ)
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី០៩ វិច្ឆិកា ២០១៤
  • កែប្រែចុងក្រោយ: November 09, 2014
  • ប្រធានបទ: ចម្លែក
  • អត្ថបទ: មានបញ្ហា?
  • មតិ-យោបល់

ប្រសិនបើនៅប្រទេសកម្ពុជា មាន​ការ​ភ្ញាក់​ផ្អើល ពី​ស្ត្រី​មួយ​រូប​បាន​កើត​កូន​ចេញ​មក​ជា​ត្រី​ផ្ទក់ ប៉ុន្តែ​នៅ​ឯ​ប្រទេស​ប្រេស៊ីល​ឯណោះ​វិញ ក្រុម​គ្រូ​ពេទ្យ​បាន​វះ​យក​បាន​ត្រី​មួយ​ក្បាល យ៉ាង​វែង ចេញ​ពី​ពោះ​របស់​បុរស​ម្នាក់។ ហេតុការណ៍​ដ៏​ភ្ញាក់​ផ្អើល ដែល​មាន​អំណះ​អំណាង​តាម​រយៈ​វីដេអូ​ចំនួន​ពីរ ដែល​ទើប​នឹង​ទម្លាយ​ចេញ​ឲ្យ​ដឹង៕

នៅក្នុងវីដេអូ ដែល​ត្រូវ​បាន​យក​មក​ផ្សព្វផ្សាយ នៅ​តាម​បណ្ដាញ​ចែក​ចាយ​វីដេអូ យូធូប នោះ បាន​បង្ហាញ​ពី​សកម្មភាព​វះ​កាត់ ប្រកប​ដោយ​ភាព​ព្រឺ​ព្រួច លាយ​ឡំ​ជា​មួយ​នឹង​សម្លេង​សើច​របស់​គ្រូ​ពេទ្យ និង​សម្លេង​ស្រែក​របស់​ជំនួយ​ការ​ពេទ្យ បន្ទាប់​ពី​ពួក​គេ​បាន​ឃើញ​សត្វ​ត្រី​មួយ​ក្បាល​នេះ ត្រូវ​បាន​ចាប់​ចេញ​ពី​ក្នុង​ពោះ​មនុស្ស។

ត្រីដែលត្រូវបានវះកាត់ យកចេញពីពោះបុរសរងគ្រោះនោះ មានប្រវែង ១២៥សង់ទីម៉ែត្រ ឬ១,២៥ម៉ែត្រ និង​មានសម្បុរ​ត្នោត។ គេតែងឃើញសត្វត្រីប្រភេទនេះ រស់នៅក្នុងប្រទេសមួយចំនួន នៅទ្វីបអាមេរិកខាងត្បូង ទ្វីប​អាហ្វ្រិក និងនៅប្រទេសអូស្ត្រាលី។

បើតាមគេហទំព័រព័ត៌មានមួយ ក្នុងប្រទេសប្រេស៊ីល បានរាយការណ៍ថា អ្នកជំងឺ បានឆ្លងកាត់ការវះកាត់នេះ នៅខែមេសាកន្លងទៅ នៅក្នុងមន្ទីរពេទ្យសកលវិទ្យាល័យ ឡូនឌ្រីណា (Londrina)។ ហើយវីដេអូនេះ ត្រូវបាន​យកមកបង្ហោះ នៅតាមបណ្ដាញចែកចាយវីដេអូ តាំងពីពីរសប្ដាហ៍កន្លងមក និងបានបង្កភាពទាក់ទាញ​យ៉ាង​ខ្លាំង ដល់មនុស្សរាប់ម៉ឺននាក់ ឲ្យចូលទៅទស្សនា។

ប៉ុន្តែបុរសជាអ្នកជំងឺ ដែលបានឃើញរូបភាពនេះ និងបានអាននូវការឆ្លើយឆ្លងផ្ដោះផ្ដងវាចា រវាងអ្នកចូល​មក​ទស្សនានោះ មិនជាសប្បាយចិត្តទេ ហើយបានដាក់ពាក្យបណ្ដឹងមួយ ប្រឆាំងនឹងការបង្ហោះផ្សាយវីដេអូ ដោយ​គ្មានការអនុញ្ញាត ឬសួរនាំជាមុនពីខ្លួន។ បន្ទាប់មក ការស៊ើបអង្កេតមួយ ត្រូវបានបើកធ្វើតាមពាក្យបណ្ដឹងនោះ ដើម្បីស្វែងរកជនដែល​នៅ​ពី​ក្រោយ ការបែកធ្លាយវីដេអូដ៏រំជើបរំជួល ដែលគួរតែស្ថិតនៅជាឯកជន និងមាន​លក្ខណៈ​ជា​អាថ៌កំបាំង​វេជ្ជសាស្ត្រ។ ចំណែកឯសត្វត្រីវិញ ត្រូវបានសម្លាប់ចោល បន្ទាប់ពីការវះកាត់​រួចហើយ​ភ្លាមៗ។

សម្គាល់៖ ទស្សនាវីដេអូខាងក្រោម អាចប៉ះពាល់ដល់អារម្មណ៍។

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]onoroom.info
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...