ឌុយតែតេ វាយតម្លៃ គីម ជុងអ៊ុន ថា«រឹងក្បាល»
ក្នុងលើកនេះ ភាសាមិនសំចៃមាត់ របស់ប្រធានាធិបតីហ្វីលីពីន លោក រ៉ូឌ្រីចូ ឌុយតែរតេ (Rodrigo Duterte) ត្រូវបានធ្វើឡើង សំដៅទៅមេដឹកនាំវ័យក្មេង កូរ៉េខាងជើង លោក គីម ជុងអ៊ុន (Kim Jong-Un) ដោយផ្ទាល់តែម្ដង នៅតែប៉ុន្មានម៉ោង មុនកិច្ចជំនួបតំបន់ ដែលត្រូវរៀបចំធ្វើ នៅក្នុងសប្ដាហ៍នេះ ក្នុងរដ្ឋធានី ម៉ានីល ប្រទេសហ្វីលីពីន ជាមួយនឹងវត្តមានចូលរួម របស់រដ្ឋមន្ត្រីការបរទេស នៃប្រទេសកូរ៉េខាងជើងនោះផង។
«មនុស្សចំកួតមួយនេះ!»
លោក រ៉ូឌ្រីចូ ឌុយតែរតេ បានថ្លែងឡើង នៅតាមកញ្ចក់ទូរទស្សន៍ជាតិហ្វីលីពីនថា៖ «មនុស្សចំកួតមួយនេះ វាកំពុងប្រឡែងលេង ជាមួយល្បែងដ៏គ្រោះថ្នាក់ ហើយអ្នកឯងកុំទុកចិត្ត មនុស្សដែលមានមុខដូចវា។ មុខមូលកំប្លង់ៗ ដែលមើលទៅ ដូចជាគួរឲ្យស្រឡាញ់ណាស់។»។
បុរសខ្លាំងហ្វីលីពីន បានបន្តទៀតថា៖ «ភាពរឹងក្បាល របស់អាកូនមីសំផឹង បើសិនជាវាប្រពឹត្តិកំហុសអ្វីមួយ [...]
