Posts tagged as "Crash Avion"

«ភ្លាមៗ បន្ទាប់ពីបានងើបខ្លួន ចេញពីព្រលានយន្ដហោះ មេបញ្ជាការបើកបរយន្ដហោះ នៃអាកាសចរណ៍ អាឡាស្កា អ៊ែរឡាញ ដែលមានលេខហោះហើរ 448 ចេញពីក្រុង សៀត ថល (ទិសពាយ័ព្យ នៃសហរដ្ឋអាមេរិក) ដើម្បីហោះ​ឆ្ពោះ​ទៅកាន់ក្រុង ឡូស អេនជឺឡេស (Los Angeles) បានឲ្យដឹងថា ខ្លួនបានស្ដាប់ឮ សម្លេងដ៏ចម្លែកៗ នៅខាងក្រោម​យន្ដហោះ» នេះ នេះជាការពន្យល់របស់ក្រុមហ៊ុនអាកាសចរណ៍ នៅក្នុងសេចក្ដីប្រកាសព័ត៌មានមួយ ដែលបានផ្សាយ នៅលើគេហទំព័រផ្លូវការរបស់ខ្លួន កាលពីថ្ងៃចន្ទម្សិលម៉ិញ។

សេចក្ដីប្រកាសដដែលនោះ បានសរសេរទៀតថា មេបញ្ជាការរូបនេះ បានបង្ហោះយន្ដហោះរបស់ខ្លួន ត្រឡប់មកក្រុង សៀតថល វិញ ហើយបានស្នើសុំ នូវការចុះចតជាអាទិភាព និងជាបន្ទាន់។ យន្ដហោះ បានហោះងើបខ្លួនពីដី និងបាន​ចុះ​មកដីវិញ គិតជារយៈពេលទាំងអស់ ប្រមាណជា១៤នាទី។

បន្ទាប់ពីបានចុះចត ដោយសុវត្ថិភាព នៅព្រលានយន្ដហោះ ក្រុង សៀតថល ដដែល គេបានរកឃើញបុគ្គលិកម្នាក់ ដែល​មានលក្ខណៈធម្មតា [...]

យន្ដហោះប្រភេទទេសចរណ៍ ធុន Cessna 172 មួយគ្រឿង បានធ្លាក់បោកខ្លយន នៅក្បែរនឹងវិថីល្បឿនលឿន ឬ Hight-Way កាលពីថ្ងៃអាទិត្យនេះ នៅក្បែរក្រុង ប្រែម (Brême) ភាគពាយ័ព្យ នៃប្រទេសអាល្លឺម៉ង់។ គ្រោះថ្នាក់នេះ បាន​ធ្វើឲ្យមនុស្សយ៉ាងហោច មួយនាក់បានស្លាប់ ដែលជាអ្នកបើកបរយន្ដហោះ និងបីនាក់ទៀតរបួសធ្ងន់។ នេះបើតាម​គេហទំព័រ របស់សារព័ត៌មានប្រចាំថ្ងៃ «Bild» របស់អាល្លឺម៉ង់ ដែលបានរាយការណ៍រឿងនេះ បន្ទាប់ពីហេតុការណ៍ បាន​កើតឡើងភ្លាម។

តុល្យភាពអាចនឹងធ្ងន់ធ្ងរជាងនេះ តែយន្ដហោះមិនបានផ្ទុះឆេះអ្វីទេ ដោយសារមិនបានធ្លាក់ ដោយផ្ទាល់ភ្លាម ទៅនឹងដី។

យន្ដហោះអាចផ្ទុះ

យន្ដហោះនេះ ទើបនឹងហោះចេញ ពីចំណតយន្ដហោះមួយ នៃក្រុង Oldenburg-Hatten ដែលស្ថិតនៅ មិនឆ្ងាយប៉ុន្មាន ពីកន្លែងធ្លាក់នោះឡើយ ប៉ុន្តែយន្ដហោះ បានបាត់បង់លំនឹងរបស់វា ដោយមិនដឹងមូលហេតុ។ វិថីល្បឿនលឿន A28 ដែល​សម្បូរទៅដោយចរាចរណ៍ ត្រូវបានបិទផ្អាកមួយរយៈ [...]

កាលពីចុងឆ្នាំ២០១៤ ការដាក់ការចោទប្រកាន់ ទៅលើមូលដ្ឋានយោធាអាមេរិក ថាបានជាប់ពាក់ព័ន្ធ ទៅនឹងការបាត់ខ្លួន របស់យន្ដហោះ MH370 របស់ក្រុមហ៊ុន ម៉ាឡេស៊ីអ៊ែរឡាញ ដែលបានបាត់ខ្លួន យ៉ាងអាថ៌កំបាំង កាលពីថ្ងៃទី៨ ខែមីនា ឆ្នាំ២០១៤នោះ ត្រូវបានលោក ម៉ាក ឌុយហ្គាំង (Marc Dugain) អតីត​នាយក​ក្រុមហ៊ុន​ អាកាសចរណ៍​បារាំង​មួយ​ ឈ្មោះ ប្រូស្ទ័រ (Proteus) យកមកសរសេរ នៅក្នុងសៀវភៅដ៏វែងអន្លាយមួយ។ លោកបានលើកយកសាក្សី ជាអ្នកភូមិមួយចំនួន និងភស្ដុតាងដ៏សំខាន់ គឺប្រដាប់ពន្លត់អគ្គិភ័យ របស់យន្ដហោះប៊ូអីង (Boeing 777) ដែលត្រូវបានរកឃើញ មកទើរ​នៅ​លើ​ឆ្នេរ របស់កោះមួយ នៃប្រជុំកោះម៉ាឌីវ កណ្ដាលមហាសមុទ្រ និងនៅខាងត្បូងប្រទេសឥណ្ឌា។

ប៉ុន្តែការរកឃើញរបស់លោក មិនសូវជាមាននរណាម្នាក់ វាយតម្លៃថាជាការពិតនោះទេ​ ដោយសារមតិមួយចំនួន បាន​ចាត់​ទុក​ថា​ ការលើកឡើងរបស់លោក ឌុយហ្គាំង មានលក្ខណៈពាណិជ្ជកម្ម ចង់ឲ្យសៀវភៅរបស់គាត់លក់ដាច់។ [...]

ប្រអប់ខ្មៅទី២​ ត្រូវបានរកឃើញ កាលពីថ្ងៃព្រហស្បត្តិ៍ ទី០២ ខែមេសា តែដំណើរពីការស៊ើបអង្កេត ទាក់ទងនឹងទិន្នន័យ ដែលទទួលបានពីប្រអប់ខ្មៅទីពីរនេះ ទើបនឹងត្រូវបានទម្លាយឲ្យដឹង ភ្លាមៗ ក្នុងល្ងាចថ្ងៃសុក្រនេះ។ ការិយាល័យ​ស៊ើប​អង្កេត និងវិភាគ របស់បារាំង ហៅកាត់ថា BEA បានសិក្សាទៅលើទិន្នន័យ ដែលត្រូវបានថតទុក នៅក្នុងប្រអប់ខ្មៅទីពីរ នៃ​យន្ដហោះ​អ៊ែរប៊ូស A320 របស់ក្រុមហ៊ុនអាកាសចរណ៍ ហ្សែរមេនវីង (Germanwings) ហើយបានរកឃើញថា ទិន្នន័យ​ទាំង​នោះ បាន​បញ្ជាក់​កាន់​តែច្បាស់ ពីគោលបំណងរបស់ ជំនួយការបើកបរយន្ដហោះ ក្នុងការបង្ហោះយន្ដហោះ ទៅបុកភ្នំ។

នៅថ្ងៃទី២៤ ខែមីនា ឆ្នាំ២០១៥ យន្ដហោះ របស់​ក្រុមហ៊ុន ហ្សែរមេនវីង ដែលធ្វើអាជីវកម្មថោកថ្លៃ និងជាផ្នែកមួយ របស់​ក្រុមហ៊ុនអាកាសចរណ៍ លូថានស្សា (Lufthansa) ក្រុមហ៊ុនដ៏ធំមួយទៀត របស់អាល្លឺម៉ង់ បានធ្លាក់បុកភ្នំ ក្នុង​តំបន់​ភាគ​ខាង​ត្បូង នៃប្រទេសបារាំង បន្ទាប់ពីបានហោះភ្ជាប់ ជើងហោះហើរលេខ [...]