ម្ចាស់ក្លឹបម៉ាឡាកា បន្ទោសបក្សពួកនិយម បន្ទាប់ពីក្រុមរបស់គាត់ធ្លាក់
ម្ចាស់ក្លឹបបាល់ទាត់អេស្ប៉ាញ ម៉ាឡាកា (Malaga) លោក ស្ស៊េក អាបឌុឡា អាថានី (Sheikh Abdullah Al-Thani) បានប្រាប់ដល់សហព័ន្ធយូហ្វា (Uefa) ឲ្យមានការស៊ើបអង្កេតឡើងវិញ ហើយគាត់យល់ថា ក្រុមរបស់គាត់ចាញ់ក្រុម ដតម័ន (Dortmund) ក្នុងការប្រកួតឆែមពានលីក (Champions League) នេះ ជាលទ្ធផល «មិនយុត្តិធម៌»។
ក្រុមអាជ្ញាកណ្ដាល នៃការប្រកួតរវាង ម៉ាឡាកា និងដតម័ន។
ក្រុម ដតម័ន បានរកគ្រាប់បាល់បានចំនួន ២គ្រាប់ ក្នុងម៉ោងបន្ថែម ដែលធ្វើឲ្យពួកគេទទួលបានជ័យជំនះ ៣-២ ហើយអាចឡើងទៅវគ្គពាក់កណ្តាលផ្តាច់ព្រ័ត្រជាបន្ត។ ប៉ុន្តែគ្រាប់បាល់របស់កីឡាករ ហ្វីលីប សាន់តាណា (Felipe Santana) ជាគ្រាប់បាល់អូហ្វសាយ (offside) ហើយម្ចាស់ក្លឹបសញ្ជាតិកាតារូបនេះ គិតថាក្រុមគាត់គួរតែជាអ្នកឈ្នះ។
គាត់បាននិយាយ [...]
