ស្រ្ដីទីមួយរបស់បារាំង កាឡា ប្រុយនី Carla Bruni-Sarkozy ខឹងអ្នកកាសែត

Loading...
  • ដោយ: សេក មនោរកុមារ
  • កែប្រែចុងក្រោយ: March 15, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

«ខ្ញុំមិនយល់ព្រម ហើយក៏នឹងមិនយល់ព្រម ទៅថ្ងៃមុខដែរ ដែលគេមិនបានគោរពដល់ សិទ្ធិរស់នៅ ដោយសុខស្រួល របស់កូនស្រី របស់ខ្ញុំ ... » នេះជាអ្វី ដែលគេបានអាន នៅលើ គេហទំព័រ ផ្ទាល់ខ្លួនមួយ របស់ លោកស្រី កាឡា ប្រុយនី សាកូហ្សី ស្រ្ដីទីមួយរបស់ប្រទេសបារាំង (ភរិយារបស់ ប្រធានាធិបតី​ គឺត្រូវបានទទួលងារ បែបនេះ) ដែលមានចំណងជើងថា «ពាក្យមួយសំរាប់ អ្នកសារពត៌មាន» ។ ប្រតិកម្មនេះបានកើតមាន នៅមុនពេល ដែលទស្សនាវដ្ដីបារាំង ឈ្មោះ  បារីសមាត់ឆ៏ Paris Match​ នឹងចេញផ្សាយ  ក្នុងលេខបន្ទាប់មួយរបស់ខ្លួន ហើយដែលនៅទំព័មុខ មានរូបរបស់ លោកស្រី កាឡា ប្រុយនី និងកូន នៅពេលដែល ពួកគាត់ដើរចេញ ពីមន្ទីរគាំពារទារក។ រូបរបស់ទារក ដែលជាកូនរបស់ ប្រធានាធិបតីបារាំង ត្រូវបាន គេដាក់នៅគ្របមុខរបស់ ទស្សនាវដ្ដីនេះ ដោយគ្រាន់តែ បាំង នៅពីលើផ្ទៃមុខ បន្តិចប៉ុណ្ណោះ ។  រូបនេះត្រូវបាន ពួកក្រុមអ្នកលួចថត ជាលក្ខណៈ អជីប លួចថតពីចំងាយ ហើយ បានយកទៅលក់ អោយបណ្ដាញសារពត៌មាន ឬទស្សនាវដ្ដី។

«សារពត៌មានខ្លះ បានយល់ឃើញថា ជារឿងល្អប្រសើរ ក្នុងការធ្វើរឿងនេះ​ ហើយវាប្រែក្លាយ ជាទំលាប់ទៅហើយ ដែលគេធ្វើមកលើខ្ញុំ ។​ តែលើកនេះ មិនដូចលើកមុនៗទេ ដែលរូបថត នេះធ្វើអោយឃើញ មុខកូនស្រីរបស់ខ្ញុំ។  ខ្ញុំសូមបញ្ជាក់ថា រឿងនេះបានធ្វើ ដោយគ្មានការអនុញ្ញាតិ យល់ព្រម ពីខ្ញុំ ។​ ខ្ញុំមានការសោកស្ដាយខ្លាំងណាស់ ចំពោះការធ្វើអាជីវកម្ម លើរូបភាព  និង ពត៌មានអ្វី ផ្សេងៗដែលទាក់ទង កូនស្រីរបស់ខ្ញុំ ។» លោកស្រី កាឡា ប្រុយនី បានបន្តទៀតថា « ខ្ញុំយល់អំពី សិទ្ធិសេរីភាព នៃសារពត៌មាន ហើយខ្ញុំតែងតែ​ យល់ព្រមនូវអ្វីក៏ដោយ ដែលគេចុះផ្សាយពីខ្ញុំ ទាំងរូបភាព ទាំងពត៌មាន ទោះខុសឬត្រូវ ក៏ខ្ញុំមិនដែល ជជីកសួរអ្វីឡើយ ។ តែបើគេ ធ្វើមកលើកូនស្រីរបស់ខ្ញុំ​ ទៅលើសិទ្ធិរស់នៅ ដោយសុខស្រួលរបស់គ្នា  ទោះក្នុងរូបភាពណាក៏ដោយ ខ្ញុំនឹងមិនយល់ព្រមជាដាច់ខាត ។»

គេក៏បានលក់ រូបភាពទាំងនេះទៅទស្សនារដ្ដី អន់លីង មួយនៅ​ បែលហ្សិក ដែរ ។ ទោះជារូបនេះ ត្រូវបានដកចេញពី ស៊ីតអាំងទែណែតរបស់   ទស្សនារដ្ដីនោះក៏ដោយ ក៏គេបានដឹងថា រូបថតនោះ មិនត្រូវបាន គេបាំងមុខរបស់ ទារកតូចអាយុ ៥ខែ នោះទេ ។​

នៅប្រទេសបារាំង ឬនៅប្រទេសផ្សេងទៀត នៅអ៊ឺរ៉ុប និងនៅអាមេរិកខាងជើង  អនិតិជន ដែលមានអាយុ ក្រោម​ ១៨ឆ្នាំ មិនត្រូវបានគេ យករូបរបស់ពួកគាត់ យកមកចុះផ្សាយ ដោយចំៗ ក្នុងសារពត៌មាន ដោយគ្មានការអនុញ្ញាតិ ពីអាណាព្យាបាល នោះឡើយ បើទោះណា ជាសិទ្ធិសេរីភាព នៃសារពត៌មាត មានអំណាចដ៏ធំធេង និង​ត្រូវបានធានាក៏ដោយ ៕

ដោយ ៖ សេក មនោរកុមារ​​ -​ ប៉ារីស ថ្ងៃទី ១៥ មិនា​ ២០១២
Crédit​ Photo : 7sur7.be

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...