ខួប៨០ឆ្នាំ អតីត​​ប្រធានាធិបតី​​បារាំង ហ្សាក់ ឆៀរ៉ាក់ នៅ​​តែ​​មាន​​ប្រជាប្រិយ

ជាទូទៅ មិនសូវមានការខុសគ្នា រវាងការធ្វើអោយចេញជារូបរាង នៃផលប្រយោជន៍ប្រជាជាតិ និងប្រទេស សម្រាប់រយះពេលនៃការកាន់អំណាច របស់ប្រធានាធិបតីបារាំងនីមួយៗ នោះទេ។ ចង់និយាយថា នណារម្នាក់ក៏មានគុណសម្បត្តិ និងគុណវិបត្តនៅក្នុងការដឹកនាំ របស់ពួកគាត់ដែរ។ តែអ្វីដែលសំខាន់ និងអ្វីដែលយើងចង់និយាយនៅខាងក្រោម គឺនៅបន្ទាប់ពីចាកចេញពីអំណាច កេរ្ដ៍ឈ្មោះ និងការរាប់អាននៃប្រជាជនបារាំង មានទៅលើប្រធានាធិបតីរបស់ខ្លួន មានខុសៗគ្នា ជាពិសេសគឺអតីតប្រធានាធិបតីហ្សាក់ ឆៀរ៉ាក់នេះតែម្ដង។
Loading...
  • ដោយ: សេក មនោរកុមារ
  • កែប្រែចុងក្រោយ: December 03, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បើនិយាយពីប្រជាប្រិយភាព ពីក្នុងចំណោមអតីតប្រធានាធិបតីបារាំង ដែលផុតតំណែង ឬចូលនិវត្តន៍ទៅហើយនោះ លោកហ្សាក់ ឆៀរ៉ាក់ (Jacques Chirac) ជាអតីតប្រធានាធិបតីមួយរូប ដែលនៅតែទទួលបាននូវការនិយមពេញចិត្ត យ៉ាងខ្លាំងនៅឡើយ ពី​សំណាក់ប្រជាជនបារាំង។ នេះជាការអោយដឹង នៃការស្ទង់មតិ ក្នុងថ្ងៃបុណ្យខួបកំណើត ៨០ឆ្នាំរបស់លោក កាលពីថ្ងៃ​ព្រហស្បត្តិ៍​ទី២៩វិច្ឆិការកន្លងមក។  យើងសូម លើកយកមកសរសេរ ពីមូលហេតុដែលលោកអតីតប្រធានាធិបតី នៅតែថែរក្សាបាន នូវកំរិត​នៃ​ប្រជាប្រិយភាព រហូតមកដល់សព្វថ្ងៃ។


លោកហ្សាក់ ឆៀរ៉ាក់ កាលពីខែសីហា ឆ្នាំ២០១១។ រូបថត SEBASTIEN NOGIER / AFP។

ជាទូទៅ មិនសូវមានការខុសគ្នា រវាងការធ្វើអោយចេញជារូបរាង នៃផលប្រយោជន៍ប្រជាជាតិ និងប្រទេស សម្រាប់រយះពេល​នៃ​ការកាន់អំណាច របស់ប្រធានាធិបតីបារាំងនីមួយៗ នោះទេ។ ចង់និយាយថា នណារម្នាក់ក៏មានគុណសម្បត្តិ និងគុណវិបត្ត​នៅ​ក្នុង​ការដឹកនាំ របស់ពួកគាត់ដែរ។ តែអ្វីដែលសំខាន់ និងអ្វីដែលយើងចង់និយាយនៅខាងក្រោម គឺនៅបន្ទាប់ពីចាកចេញពីអំណាច កេរ្ដ៍ឈ្មោះ និងការរាប់អាននៃប្រជាជនបារាំង មានទៅលើប្រធានាធិបតីរបស់ខ្លួន មានខុសៗគ្នា ជាពិសេសគឺអតីត​ប្រធានាធិបតី ហ្សាក់ ឆៀរ៉ាក់នេះតែម្ដង។

រូបភាពរស់រវើក របៀបបារាំង

នៅពេលដែលអតីតប្រធានាធិបតីបារាំង លោកនីកូឡា ស្សាកូហ្សី ទទួលស្គាល់ថា លោកមិនចូលចិត្តសូរ៉ា តែលោកហ្សាក់ ឆៀរ៉ាក់ ឯណោះវិញ ត្រូវបានគេទទួលស្គាល់ថា មិនដែលរាថយម្ដងណាសោះឡើង នៅចំពោះមុខគ្រឿងស្រវឹង។ វត្តមានរបស់លោក ឆៀរ៉ាក់ រហូតមកដល់បច្ចុប្បន្ន  នៅមហាពិពណ៌ប្រចាំឆ្នាំ នៃផលិតផលកសិកម្ម បង្ហាញថាលោកមានចិត្ត ដក់ជាប់ជាមួយនឹងជនបទ​ស្រុក​ស្រែចំការ និងវប្បធម៌ប្រពៃណី នៃប្រទេសបារាំង ដែលជាប្រទេសមួយ ល្បីខាង«ផលិតផលស្រា»នេះ។ លោកអតីតប្រធានាធិបតី ក៏ត្រូវបានគេស្គាល់ថា លោកធ្វើ​ខ្លួនដូចអ្នកផង​ទាំងឡាយ ដូចជាទទួលទានកាហ្វេនៅហាងជាមួយ នឹងមិត្តភ័ក្រ ទទួលជួបជជែក ជាមួយមនុស្សរាល់គ្នា ដែលជួបលោកនៅ​តាម​ផ្លូវជាដើម។

បើទោះជាលោក ញ៉ាំញ៉ីដោយជម្ងឺ ក៏លោកអតីតប្រធានាធិបតី សឹងតែមិនដែលភ្លេច នឹងឈប់«ដាក់់មួយកែវតូច» នៅក្នុងតៀមស្រា​នៃមហាវិថី ស៊ាំង ហ្សែរម៉ាំង (Saint-Germain) ជិតទីលំនៅរបស់គាត់ ក្នុងទីក្រុងប៉ារីសនោះទេ។

ចំណង់ចំណូលចិត្ត ដូចគ្នានឹងប្រជាជន

ប្រជាជនបារាំងចូលចិត្ត កីឡា ជាពិសេសកីឡាបាល់ទាត់។ នៅឆ្នាំ១៩៩៨ ប្រជាជនបារាំង បានឃើញប្រធានាធិបតីរបស់ពួកគេ អង្គុយនៅក្នុងពហុកីឡាដ្ឋាន មើលការប្រកួតវគ្គផ្ដាច់ព្រ័ត្ររវាងបារាំងនិងប្រេស៊ីល។ មិនត្រឹមតែប៉ុណ្ណោះ លោកឆៀរ៉ាក់ បានទទួល​ជួប និងកោតសរសើរ កីឡាករបាល់ទាត់ទាំងនោះ នៅវិមានប្រធានាធតិបតី នៅក្រោយថ្ងៃជ័យជំនះរបស់ពួកគេពីរថ្ងៃ។

រូបរាងស្អាតបាត

ជាការពិតហើយ ដែលលោកឆៀរ៉ាក់ ចូលចិត្តស្លៀកខោវែង និងខ្ពស់ៗ។ តែនេះ វាបានក្លាយជារចនាមូដមួយ យ៉ាងពិសេសរបស់​លោកអតីតប្រធានាធិបតី ដែលមើលទៅ រូបរាងស្លៀកពាក់របស់លោកសមញ្ញ តែសម្រិតសម្រាំង។ ចរិកលក្ខណៈ ដែលមើលទៅ​មានសភាពជាសុភាពបុរសផង របស់​លោកអតីតប្រធានាធិបតី ក៏បានជួយរូបលោក កាន់តែក្លាយជានិមិត្តរូបដ៏គំរូ សម្រាប់បុរស​បារាំងគ្រប់រូបបន្ថែមទៀត។

រូបភាពជាអ្នកចែចង់ស្រ្តីម្នាក់យ៉ាងជំនាញ

កេរ្ដ៍ឈ្មោះនេះ ត្រូវគេអោយតម្លៃលោក ដូចទៅនឹង «ទាំងងូតទឹកផង តែបីនាទីរួចរាល់»។ លោក ហ្សាក់ ឆៀរ៉ាក់ ចូលចិត្តសន្ដំបេះដូង​របស់មនុស្សស្រីណាស់ បើទោះជានៅនឹងមុខរបស់ភរិយារបស់លោកក៏ដោយ។ នៅក្នុងការស្ទង់មតិ ដោយកាសែតបារាំងមួយ កាលពីពេលបោះឆ្នោតជ្រើសរើសប្រធានាធិបតី ខែឧសភាឆ្នាំ ២០០២ បានអោយដឹងថា លោកឆៀរ៉ាក់ ជាបេក្ខជនដែលពូកែ​សន្ដំ​បេះដូង បណ្ដាជនារី ជាងបេក្ខជនគូប្រជែងរបស់លោក គឺលោកលីយ៉ូនែល ចូស្បាំង (Lionel Jospin)។ គុណសម្បត្តិនេះ បានជួយ​អោយលោក ឆៀរ៉ាក់ បានជាប់ឆ្នោតឡើងវិញផង នៅពេលនោះ។

ឃ្លាប្រយោគដែលធ្វើអោយភ្ញាក់ផ្អើល

នៅក្នុងប្រវត្តិរបស់លោកហ្សាក់ ឆៀរ៉ាក់ គេកម្រឃើញលោកនិយាយ ពាក្យជាឃ្លាប្រយោគ មិនមានន័យជ្រៅនោះណាស់។ លោក​បានបញ្ចូលន័យ និងការរៀបរៀងពាក្យនិយាយរបស់លោក យ៉ាងប៉ិនប្រសព្វ បើទោះជា ពាក្យសម្ដីនោះមិនមាន​លក្ខណៈជាផ្លូវការ​ក៏ដោយ។

ប៉ុន្តែឃ្លាប្រយោគទាំងនោះ មិនប្រាកដថា បានផ្ដល់កិត្តិយស ត្រឡប់ទៅអោយលោកវិញរហូតនោះទេ ព្រោះពេលខ្លះ គេបានយក​ពាក្យទាំងនោះរបស់លោកមកវិភាគ ឬប្រើប្រាស់ ដើម្បីបញ្ឆិតបញ្ឆៀង ពីការប្រកាន់ពូជជាតិសាសន៍ នៅក្នុងប្រទេសបារាំង៕

-------------------------------------------------
ដោយ៖ សេក មនោរកុមារ - ប៉ារីស ថ្ងៃទី៣០ ខែវិច្ឆិកា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...