Posts tagged as "Global Witness"

វីដេអូ​ហេតុអ្វី​ឧកញ៉ា​ទាំង​៤នាក់ ត្រូវ​បាន​ស្នើ​ដាក់​ចូល​បញ្ជី​ខ្មៅ?

វីដេអូ​ហេតុអ្វី​ឧកញ៉ា​ទាំង​៤នាក់ ត្រូវ​បាន​ស្នើ​ដាក់​ចូល​បញ្ជី​ខ្មៅ?

ឧកញ៉ាខ្មែរទាំងបួនរូប មានលោក​ ម៉ុង ឫទ្ធី - លោក លី យ៉ុងផាត់​ - លោក​ ទ្រី ភាព និង​លោក ​ឡៅ ម៉េងឃីន​ ត្រូវបានអង្គការឃ្លាំមើលពិភពលោក «Global Witness» អង្កេត និងលើកជារបាយការណ៍មួយឡើង ដើម្បីអំពាវនាវទៅសហរដ្ឋអាមេរិក ឲ្យដាក់ពួកគេ ចូលទៅក្នុងបញ្ជីខ្មៅ នៃជនដែលត្រូវរងទណ្ឌកម្ម។

ក្នុងយុទ្ធនាការ ដែលចាប់ផ្ដើមធ្វើ តាំងពីថ្ងៃសុក្រ សប្ដាហ៍មុនមកនោះ អង្គការអន្តរជាតិ ដែលមានទីតាំងធំ ក្នុងរាជធានី ឡុងដ៍ ចក្រភពអង់គ្លេស បានចាត់ទុកមហាសេដ្ឋីទាំងបួនរូប ថាបាន​ដើរ​តួនាទី​យ៉ាងសំខាន់ ​ក្នុងការ​គៃបន្លំនយោបាយ និង​សេដ្ឋកិច្ច​កម្ពុជា​ ដើម្បី​ផលប្រយោជន៍​ផ្ទាល់​ខ្លួន​ និង​ធ្វើ​ឱ្យ​គណបក្ស​ប្រជាជន​កម្ពុជា ​បន្ត​ក្តោបក្តាប់​អំណាច​ទាំងស្រុង។

សេចក្តី​ប្រកាស​ព័ត៌មាន​ របស់អង្គការ «​Global Witness» ដែលសរសេរជា​

ចលនា​​សង្គ្រោះ​ជាតិ​អំពាវនាវ​ឲ្យ​ឈប់​ប្រើ​ប្រេង​ឥន្ទនៈ​តេឡា

ចលនា​​សង្គ្រោះ​ជាតិ​អំពាវនាវ​ឲ្យ​ឈប់​ប្រើ​ប្រេង​ឥន្ទនៈ​តេឡា

«ឈប់ទិញប្រេង តេឡា» នេះ ជាចំណងជើងវីដេអូមួយ ដែលទើបនឹងត្រូវបានចលនាសង្គ្រោះជាតិ ផ្សព្វផ្សាយជាសាធារណៈ នៅមុននេះបន្តិច ដើម្បីជានិមិត្តរូប នៃការតវ៉ា ទៅនឹងស្ថានការណ៍នយោបាយចុងក្រោយ ដែលក្រុមអ្នកនយោបាយប្រឆាំង បានអះអាងថា បានរងការបង្ក្រាបយ៉ាងដំណំ ពីសំណាក់រដ្ឋាភិបាលលោក ហ៊ុន សែន។

ជាមួយនឹងរូបសញ្ញា «ឈប់ទិញ TELA» ដែលមានសរសេរអក្សរ នៅជុំវិញថា «ចលនាគ្មាន "ហិង្សា រូបភាព ស្នូរ" ដើម្បីផ្លាស់ប្ដូរ» និង«ចូលរួមធ្វើពហិការ ប្រេងសាំង TELA» វីដេអូនេះ បានចាប់ផ្ដើមដំបូង ដោយសម្រែករបស់បុរសម្នាក់ នៅត្រង់ស្ពាននាគវត្តភ្នំ ដូច្នេះថា៖ «សូមហុតឈាមខ្ញុំទៀតទៅ»។ បន្ទាប់មក វីដេអូបានស្រង់យកសំដី «ត្រីដែលហែលបណ្ដោយទឹក គឺជាត្រីងាប់» របស់លោក កែម ឡី កាលពេលលោក​នៅមានជីវិត មកបញ្ជាក់ មុននឹងនិយាយពន្យល់ថា​៖ «ត្រកូលហ៊ុន បានក្ដោបក្ដាប់សេដ្ឋកិច្ច ធំៗជាច្រើន ប្រៀបបាននឹងសំណាញ់មង ប្រមាញ់កេងចំណេញ ពីប្រជាជន [...]

សារព័ត៌មាន​បារាំង​ថា ត្រកូល​«ហ៊ុន»​មាន​ទ្រព្យ​មិន​តិច​ជាង ១ពាន់​លាន​ដុល្លារ

សារព័ត៌មាន​បារាំង​ថា ត្រកូល​«ហ៊ុន»​មាន​ទ្រព្យ​មិន​តិច​ជាង ១ពាន់​លាន​ដុល្លារ

បើតាមការគណនា នៅលើទ្រព្យសម្បត្តិដែលត្រកូល ហ៊ុន នៃបុរសខ្លាំងកម្ពុជា បានប្រកាស ឬបានឲ្យដឹងជាផ្លូវការ គេរកឃើញថា ទ្រព្យសម្បត្តិទាំងនេះ មានទំហំប្រមាណជា ២៥០លានដុល្លារ។ ប៉ុន្តែ បើតាមការគណនា​​ផ្សេងទៀត ដែលយកជាការបាន ឲ្យដឹងថា ទ្រព្យសម្បត្តិរបស់ក្រុមគ្រួសារ របស់បុរសខ្លាំងកម្ពុជារូបនេះ អាចមានទំហំយ៉ាងតិច ក៏មួយពាន់លានដុល្លារ ($ 1.000.000.000) ដែរ។ នេះ បើតាមការអះអាងរបស់សារព័ត៌មាន «LIBERATION» របស់ប្រទេសបារាំង ដែលចេញផ្សាយ កាលពីយប់ថ្ងៃទី៦ ខែកញ្ញា (ត្រូវជាព្រឹកថ្ងៃទី៧ ខែតុលា ម៉ោងនៅកម្ពុជា) ឆ្នាំ២០១៧ តាមរយៈអត្ថបទមួយ មានចំណងជើងថា «កម្ពុជា៖ របបដឹកនាំដែលស្លន់ស្លោ កំពុងបង្ក្រាបយ៉ាងសាហាវ»។

ម្ចាស់អត្ថបទ ដែលគេស្គាល់ថា ជាអ្នកសារព័ត៌មានឯករាជ្យ លោក [...]

Global Witness៖ ហ៊ុន សែន និង​គូ​កន ចង់​រំលាយ​បក្ស​ប្រឆាំង ដើម្បី​បន្ត​ក្ដាប់​អំណាច​និង​ទ្រព្យ​សម្បត្តិ

Global Witness៖ ហ៊ុន សែន និង​គូ​កន ចង់​រំលាយ​បក្ស​ប្រឆាំង ដើម្បី​បន្ត​ក្ដាប់​អំណាច​និង​ទ្រព្យ​សម្បត្តិ

«សហគមន៍អន្តរជាតិ មិនអាចឈរមើល ហើយទុកឲ្យប្រទេសកម្ពុជា រអិលធ្លាក់ ទៅក្នុងរបបផ្ដាច់ការទាំងស្រុង ដូច្នេះឡើយ។ ម្ចាស់ជំនួយ និងដៃគូពាណិជ្ជកម្មទាំងឡាយ របស់កម្ពុជា ត្រូវប្រើឥទ្ធិពលរបស់ផងខ្លួន ដើម្បីធ្វើអន្តរាគមន៍ ក្នុងរឿងនេះ។» នេះជាការថ្លែងឡើង របស់អ្នកស្រី អេម៉ា បឺណេត (Emma Burnett) មន្ត្រី​ផ្នែក​យុទ្ធនាការ​ នៃ​អង្គការ​ឃ្លាំ​មើល​ពិភពលោក (Global Witness) នៅក្នុង​សេចក្ដីប្រកាសព័ត៌មានមួយ របស់អង្គការនេះ ដើម្បីប្រតិកម្ម ទៅនឹងបណ្ដឹងរបស់រដ្ឋាភិបាល លោក ហ៊ុន សែន ក្នុងការប្ដឹងរំលាយគណបក្សសង្គ្រោះជាតិ នៅល្ងាចថ្ងៃសុក្រ ទី៦ ខែតុលា ឆ្នាំ២០១៧នេះ។

ក្រសួងមហាផ្ទៃកម្ពុជា តាមរយៈក្រុមមេធាវី តំណាងដោយអាណត្តិរបស់ខ្លួន [...]

តាត ម៉ារីណា ថាពេលខ្លះ ដូចជាខ្មាសពិភពលោកណាស់!

តាត ម៉ារីណា ថាពេលខ្លះ ដូចជាខ្មាសពិភពលោកណាស់!

«ពេលខ្លះ ខ្ញុំដូចជាខ្មាសពិភពលោកណាស់» នេះជាសំដីផ្ទុះចេញ ពីដួងចិត្តរបស់នាង តាត ម៉ារីណា អតីតតារាសម្ដែង ដែលបានក្លាយជាជនរងគ្រោះ ព្រោះទឹកអាស៊ីតរបស់ភរិយាមន្ត្រីរដ្ឋាភិបាលមួយរូប ដែលបានបង្ហោះ នៅលើបណ្ដាញសង្គម នៅថ្ងៃនេះ។

ពីក្រុង បូស្ដុន (Boston) រដ្ឋម៉ាសាឈូសេត (Massachusetts) សហរដ្ឋអាមេរិក អតីតតារាសំដែង បានសរសេរពីមូលហេតុ ដែលធ្វើឲ្យនាងតឹងចិត្ត និងមានការខ្មាសអៀននោះថា៖ «អ្នកលេងនយោបាយក្មេងៗ ខំអួតរបស់របរមានតម្លៃ [ដែល]ថ្លៃជាងប្រាក់ខែអ្នកខ្លះ ដែលគ្នាធ្វើការល្មមៗ នោះទៅទៀត [ដោយពួកគេ]អត់គិតថា ឱ! ប្រជាពលរដ្ឋយើងភាគច្រើនក្រ ចង់អួតអ្ហេ ចាំឲ្យស្រុកយើងមានអ្នកធូធារ យ៉ាងតិចណាស់ឲ្យបាន ៨០% សិន អាហ្នឹងចាំយើងអួត។»។

គេមិនដឹងថា តើ«អ្នកលេងនយោបាយក្មេងៗ» ត្រូវបាននាង តាត ម៉ារីណា សំដៅទៅនរណា ឬក្រុមណាឡើយ។ តែបើអានបន្ត ទៅលើឃ្លាបន្តបន្ទាប់ នៃសំណេររបស់នាង ធ្វើឲ្យគេយល់ថា អតីតតារាទំនងជាចង់លើកឡើង [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...