ជាម យៀប៖ ស៊ុន ឆ័យ និយាយបំផ្លើសរឿងចំណូលបានពីអង្គរ
«ខ្ញុំសូមជម្រាបថា គេមានរាយការណ៍ មានបញ្ចាំងស្លាយ មានជាលាយល័ក្ខអក្សរជូនហើយ នៅតែមិនអស់ចិត្តទេ នៅតែបំផ្លើស» នេះជាការថ្លែងឡើង របស់លោក ជាម យៀប ប្រធានគណៈកម្មការហិរញ្ញវត្ថុ ធនាគារ និងសវនកម្ម នៃរដ្ឋសភា មកពីគណបក្សប្រជាជនកម្ពុជា។ ការថ្លែងរបស់លោក ជាម យៀប នៅក្នុងសន្និសីទកាសែត នៅព្រឹកថ្ងៃទី៣១ ខែធ្នូ ឆ្នាំ២០១៤នេះ បានច្រានចោលការលើកឡើងរបស់តំណាងរាស្រ្តគណបក្សសង្រ្គោះជាតិ លោក ស៊ុន ឆ័យ ថាចំណូលដែលបានមក ពីភ្ញៀវដែលទស្សនាអង្គរ ១៥០លានដុល្លារក្នុងមួយឆ្នាំ។
តំណាងរាស្ត្ររបស់គណបក្សប្រជាជនកម្ពុជារូបនេះ បានចាត់ទុកថា ការលើកឡើងរបស់លោក សុន ឆ័យ ជាការនិយាយបំផ្លើសសព្វគ្រប់បែបយ៉ាង ដែលលោកមិនអាចទទួលយកបាន។ លោកបានបន្តថា «សុទ្ធតែចំណូលត្រូវបាន១៥០ដុល្លារក្នុងមួយឆ្នាំ អញ្ចេះគាត់ទៅតាមចំណូល [...]